KUALA SELANGOR BIG FISH HEAD 恐怖大鱼头

瓜拉雪蘭莪以海鮮盛名，大大細細的海鮮餐館當然多不勝數，有啲甚至乎上過美食雜誌及電視節目，因而吸引好多遊客慕名而來。到底嗰啲餐館嘅食物係唔係真係咁好味？定係啲人心裡上覺得雜誌或電視介紹過嘅就必定好食？其實口味呢家嘢都係見仁見智，但係我絕對相信上過雜誌或電視的餐館肯定唔平，就算係都會係未介紹之前嘅事，一旦“曝光”咗之後就會乘機起價！
雖然話瓜拉雪蘭莪啲海鮮好靚，但係要揾一間平靚正的海鮮餐館都唔易，要食得開心又要俾得甘心，睇怕都要揾個老馬識途的食家帶我地去揾食，而我地亦非常幸運有WEI QUAN呢個周遊列國的導遊幫我地細心安排“瓜拉雪蘭莪美食一日遊”，令我地可以係一個隱秘的住家海鮮餐館享用美味又抵食的海鮮餐！尤其是係佢地的招牌蒸石斑魚頭更加叫我難忘～事關個樣好兇殘惡煞，哈哈哈！

係外面泊咗車之後，仲要行一小段爛泥路... 
呢個就係位於Bagan Sg. Tengkorak盡頭的住家海鮮餐館，地點非常隱秘，冇路牌亦冇招牌，全靠有Wei Quan呢個小食家帶路。 
瘦到見骨的流浪狗，睇見都心酸。 
俗語都有話：“邊度嚟就邊度去。”呢啲啦啦係大海被人生生撈起，估唔到死咗之後又被人拋返落海。餐館侍應不顧環境衛生，將客人食剩啲啦啦殼丟返落海而造成大海污染。 
可憐的流浪狗慘到要係堆啦啦殼度揾食，但係呢度啦啦肉都冇半塊，點算？ ？ 
餐館外面的高腳板屋。 

滿都瀉的“信箱”竟然冇人理，我多手抽咗其中之一封信嚟睇，上面寫著“路稅到期” -_-'''。

今日焦點：好似電影Piranha裡面的食人魚咁恐怖的石斑魚頭-RM47，雖然個樣好得人驚，但係肉質非常新鮮而且一啲腥味都冇。 
呢個石斑魚頭好似Man Yi 塊面咁大，真係好誇張！

呢度的金香蟹好似香港避風塘炒蟹咁香辣十足，包你叫過癮！ -RM35

金香啦啦同金香蟹的味道有啲唔同，呢個比較多汁而且冇咁辣。- RM14

驚喜大發現: 啦啦殼裡面除咗有啦啦肉之外, 竟然仲有迷你蟹! 好得意啊!佢應該係趁啦啦開蓋嗰陣時唔小心遊咗入去, 嘻嘻~

薑絲蛋白蒸蝦，感覺好“補”！ :P雖然啲蝦唔大，但係十分鮮甜！ -RM17

山長水遠嚟到呢度食海鮮，又點可以少咗我的最愛炸墨魚～呢度啲炸墨魚非常酥脆而且皮唔會太厚- RM12.50

五人份量的炒米粉只賣RM4! 有冇搞錯？ ！

漁村生活就係如此簡單樸素。

愛國的人越嚟越少，係自己屋企掛國旗的人更加少，估唔到老闆原來係個愛國份子（掌聲鼓勵）。

猜下呢圍檯的食物值幾錢？答案係RM140！計起嚟都只係RM28一個人，抵到爛！
-

NO SIGNBOARD HOUSE-RESTAURANT 冇招牌住家海鲜餐馆

ADD: No.35, Bagan Sg. Tengkorak , 45500 Tg Karang, Kuala Selangor.

TEL: 03.3269.5451

* Closed on Mondays & Tuesdays