20100531

蒲种点心大比拼之庄稼对阿贤

蒲种呢个食肆林立既地区,大大话话都有十几二十间点心屋,而当中较人熟悉係锦选(锦轩)点心阿贤点心洪记点以及甜园点心。而近嚟蒲种又多咗间点心屋- 庄稼点心,开正係阿贤点心对面,哗~摆明打擂台。当然,餐馆唔怕多,只怕唔好食, 所以本来打算食阿贤点心既我地就贪新鲜去帮亲对面间庄稼点心。点乜知...


同样係旁边铺,所以地方都几阔落通风。家私选用咗中式云石台同木雕凳。建议老板:要做俾人见到既开放式厨房就一定要好干净,如果唔係就免吓亲D客人。 小笼包- 味道一般,可能係D汤汁唔够鲜甜。 炸腐竹虾卷- 虾都几新鲜,可惜炸得好油腻。
芋角- 香脆美味!里面除咗有芋泥之外,仲有廋叉烧,如果係D黑黑既蜜汁叉烧会仲好食。
炸虾配MAYONNAISE- 个皮多过D馅,包得好唔结实,一咬就散晒。
招牌餐包- 里面有叉烧同D红萝卜之类既蔬菜,成个菜包甘。


庄稼点心 TAIJI DIM SUM RESTAURANT

ADD: Bandar Puteri Puchong (opposite to Axian Dim Sum)

20100529

蒲种MAMA KITCHEN 食驰名苏丹街瓦煲老鼠粉

住係KL 的朋友,相信大部分都有食过位于茨厂街附近既苏丹街胜记瓦煲老鼠粉,除咗係系因为D食物唔错之余,仲因为间餐馆开到凌晨两三点,所以好多人都锺意嚟呢度食宵夜。
胜记其实已经有二十年历史甘耐,除咗镇店之宝瓦煲老鼠粉之外,炒烧肉面,酿豆腐同炒生肠都好出名伽!通常半夜都可以见到D蒲卡嚟呢都食宵夜。为咗搞大个生意,胜记既女就係TTDI开咗间分行叫做MAMA KITCHEN ,而呢个名终于又嚟到蒲种啦!佢地D生意真係越做越大~

瓦煲老鼠粉- 一大堆猪肉碎,但好似唔够香...而且太湿。唔通水准跌咗?
餐牌
MAMA KITCHEN 就係顺来三文鱼头米后面,同排有天天来苦瓜汤。哇~甘多“来”既!
-
MAMA KITCHEN RESTAURANT

ADD: NO.48, Jalan Puteri 2/4, Bandar Puteri Puchong, 47100 Selangor.
TEL: 03.8063.8030

20100520

RESTORAN 6-10 NASI LEMAK BABI 猪肉椰浆饭

锺意食猪既朋友要注意啦!皆因呢度唔单至有猪扒加猪油渣,仲有 NASI LEMAK BABI 猪肉椰浆饭!除咗自己係屋企煮,我唸係马来西亚都好难吃到呢个甘既椰浆饭, 事关 NASI LEMAK 本来係马来同胞(回教徒)D食物,所以你係外面食到既都係无猪肉伽!RESTORAN 6-10 GRILL & NASI LEMAK 应该係目前唯一一间卖NASI LEMAK BABI伽!
由于马来西亚係个多元宗族既国家,所以NASI LEMAK 已经唔单至係马来人先锺意食,连华人同印度人都好喜欢,可谓係马来西亚非常有代表性的食物。香港D朋友称为“辣死你妈”,好搞笑!


烤猪扒- 加咗D又大粒又卜卜脆既猪油渣,即刻变得猪味十足。除咗猪扒本身的烧烤味,个汁仲散发住出阵阵猪油香~哗

两味椰浆饭- 一堆辣椒三芭猪肉碎同三芭鲜尤,大至上同普通D椰浆饭一样,只不过多咗些猪肉碎。我称呢个为中式马来饭,喜欢食NASI LEMAK 既朋友不妨嚟试下!

好难得一班同事甘齐人出嚟食晚餐,好开心!
营业时间

烤红酒猪排骨- 如果你係现场,一定恨不得即刻食一啖,因为真係好香好香!论味道,绝对唔会输俾D名牌德国猪手餐厅,猪粉丝不能错过!

烤鸡扒- 肉嫩之余又唔会干,味道都几不错。薯条就普普通通,可能食惯佐麦记D薯条,所以觉得呢款薯条既口感麻麻。不过,好彩都炸得几透,唔会好油或太硬。

虽然位于PJ SECTION17 既廉价组屋楼下,但係一到夜晚就坐满人,相信除咗附近D居民嚟帮亲之外,熟客都唔少,话晒都开咗好几年。


RESTORAN 6-10 GRILL & NASI LEMAK

ADD: BG-1, Block B, Happy Mansion, Jalan 17/13, Petaling Jaya.

TEL: 03.7955.4993

*Mondays & Tuesdays closed.






20100516

爬完BROGA HILL食烧鱼

位于SEMENYIH既BROGA HILL係个爬山胜地就人人都知,但係听人讲原来呢度D烧鱼都好出名。由于上次太早落山,而间餐馆又仲未开门搞到失望而归,所以决定今次一定要食到!

落山之后大概十点钟,我地九个人就嚟到柚木园烧鱼餐馆 KEDAI MAKANAN POKOK JATI,而甘岩老板就係呢个时候开紧门。老板真系好运,一开门就有客帮亲,嘻嘻~

去紧BROGA HILL途中影咗呢张相,个天好靓。
MCCAIN帮大家係山上影咗好多LOMO靓相。
我地点咗三种唔同口味的烧鱼 (上左)小辣椒烧鱼 (上右)盐焗烧鱼(下)招牌烧鱼- 小辣椒同招牌烧鱼既味道差唔多一样,D汁既味道好怪,认真失望!但值得一提係个鱼肉都几新鲜同无腥味。至于盐焗烧鱼就比较简单,无多余调味料,但係能够食出鱼既鲜味。
有十种口味甘多。
老板极力推荐既自制西刀鱼圆- 鱼圆都几弹牙,但係汤就好似滚水加味精甘,饮唔落口。
清炒芫菜- 生抽味有D重,都唔係清炒既 :( 用银鱼仔应该会比公鱼仔嚟得清甜。
炸墨鱼- 唔知係D面粉搞唔匀或者係炸得太耐,墨鱼变得好硬,好似食橡胶甘。
见到呢个大栅,然后转左就到伽啦!


柚木园烧鱼餐馆 KEDAI MAKANAN POKOK JATI

ADD: Lot 1252, Batu 25, Jalan Broga, 43500 Semenyih

TEL: 03.8761.0088

20100512

KLCC会议中心 。免费自助下午茶

距离ARCHIDEX 2010仲有两个月,公司上上下下都为呢个一年一度既EXHIBITION忙紧筹备工作,而负责呢个EXHIBITION 既我同另一位同事,当然忙到一脚踢~ 今日嚟到KUALA LUMPUR CONVENTION CENTRE 吉隆坡会议中心其实係要上一个EXHIBITOR'S BRIEFING, 本来真係觉得都几闷,因为由公司嚟呢度听一个钟既BRIEFING之后又要返番公司,真嚟好晒时间,事关手头仲有好多工作。点知...係BRIEFING完毕前,佢地话有茶点招待!哗~然后我望住我既同事,大家好自然笑起来,因为我地都好胃食:)

今次係我第一次係CONVENTION CENTRE食嘢,而且仲系免费添,真係有口福!:)
呢度D饮品任揀,有咖啡、果汁、SMOOTHIE、汽水...好唔客气的我就先后叫咗两杯饮品:EARL GREY TEA 伯爵茶加柠蒙及HOT CHOCOLATE WITH MASHMALLOW 热朱古力加棉花糖。甘好饮既朱古力係外边起码都卖十几蚊一杯。
好精致的食物,可以睇得出厨师的心思同创意。
三文鱼伴鱼子酱麦三文治,刺生鱼片伴鱼卵同薯仔,MASCARPONE酱黑麦饼,牛柳沙律杯

DELECTABLE PASTRIES 各款新鲜糕点,好正啊!尤其係个迷你朱古力牛车轮,咬落去好似食紧肉甘,好有满足感~

VARIETY OF CHEESE & JAM 连D面包酱同芝士都多过人!

GRILLED CHICKEN WINGS 烧鸡翼,我自细锺意食~

SAMOSA 加哩角 & MINI HOTDOG 迷你香肠卷

睇下MENGQ个开心样,就知道呢度D食物好味!

TEN ON CALL
ADD: 4th Floor, Kuala Lumpur Convention Centre

20100503

MR.CLAYPOT 瓦煲先生-连香港食家韜韜都嚟食既瓦煲鸡饭

从来都唔知呢度有瓦煲鸡饭食,事关个餐馆係位于蕉来TAMAN DESA AMAN组屋楼下,如果冇人介绍都唔会无拉拉嚟到呢度。听朋友讲MR. CLAYPOT瓦煲先生以前係路边摆档咖,后尾生意越做越好就索性开间铺。每日由早到晚都客似云来,唔怪得知香港知名食家韜韜都嚟食。

招牌瓦煲鸡饭- 上面仲有炸江鱼仔及腊肠,捞埋一齐就係一煲香喷喷既瓦煲鸡饭啦~
除咗瓦煲鸡饭之外,呢度仲有卖潮州粥,菜式选择多又丰富,唔想食饭可以考虑食粥。我地另外点咗一碟蠔油玻璃生菜及卤豆腐。
胡椒猪肚猪肉丸汤-有别于一般猪肚汤,呢度D汤加咗猪肉丸,唔会甘单调。胡椒味适中,入口顺畅。
墙上挂住瓦煲先生老板同韜韜既合照。
间铺以红色为主,好有华人新年FEEL
-
-
RESTORAN MAKANAN MR. CLAYPOT / RESTORAN MAKANAN TEO CHEW
ADD: NO.19 & 21, Block C, Jalan Desa Aman 2, Taman Desa Aman, Cheras, 56100 Kuala Lumpur.
TEL: 03.9133 1339

20100502

LOT 10 WU TONG 与十号胡同一起回味相当年

杨生真係一個非常聪明的生意人,因为佢有办法将所有坐落係吉隆坡几十年的街边美食老字號搬到嚟佢间商场里面,豪掷千万装修之余,仲邀请名食家兼好友蔡澜帮佢提笔同剪彩,势必打造一個独一无二的美食天堂,而呢个美食天堂就名为“十号胡同”。十号係商场"LOT 10"嘅意思,而胡同就係引用于中国胡同小巷
如果你有外国朋友到访,不妨带佢地嚟呢度食嘢,因为佢地可以係呢度试匀晒咁多吉隆坡美食,咁你就唔使浪费车油及时间走嚟走去啦~哈哈! 其次就係环境干净又有冷气,大家都可以坐耐D。
我最爱的颂記牛肉丸面,无论係面或牛肉丸都咁爽口!!!牛肉碎亦做的好入味,我俾满分!
漢記靓粥之一:生鱼片粥
漢記猪杂粥,炸猪肠干净又香脆,正!
煮粥的材料。
金莲记炭炒福建面,火候十足而且好香猪油味~
注:水准会因厨师繁忙程度而改变,所以要食到一流的福建面就要等冇乜人嗰阵时,千其咪揀食晏时间或者拜六礼拜
啊!金马律薄饼的档口
金马律薄饼- 以前的食物就係咁简单好味,可以话係冇乜特别,但係可以用咁简单的方法将普通嘅材料变成一道美食已经係一种学问,一项成就。
睇到呢D电话,就唸起想当年...
以前妈咪带我去食嘢,依家轮到我带妈咪去食嘢。
-

十号胡同 LOT 1O WU TONG
ADD: LG Floor, Lot 10 Shopping Complex, Bukit Bintang, Kuala Lumpur.
Related Posts Plugin for WordPress, Blogger...

Estica ALL RIGHTS RESERVED © - Powered by Blogger