20111030

SEN-YA DINING 絕不仙家的鲜家經濟Set Lunch

相當年位于城中城Isetan三楼的超市終于都大變身喇!佢唔單止變大,變靓,變貴,仲由三楼變到去底層。由開張至今開已經吸引咗無数的師奶同(胃)食家到訪,人人都對整容後的Isetan超市贊不絕口。當一個幾乎令人忘記的supermarket仔變成一個强大的Food Market時,好多形象好,信誉又高的超市- Village Grocer, Cold Storage以及 Jusco等等都開始係度喊驚,因為Isetan超市裡面有好多好嘢食啊!=D 而當中比較令人瞩目的就係名為“鲜家”(Sen-Ya Dining)的日式小餐館,嘻嘻~講到“鲜家”,我不得不偷笑,因為“鲜家”同“仙家”的發音實在太相似,試想想有朋友問你:“要去邊度食晏啊?”,然後你答:“鲜家!”哈哈!佢大可能會誤會你鬧佢係仙家。XD 今日試過鲜家套餐後,我可以好肯定咁話鲜家的水凖絕對不仙家,而係新鲜又到家,雖然不至于什么驚人之作,不過整體令人相當满意。

P/S: 日本師傅個樣好酷 >_o ,like !

位于城中城Isetan Food Market 裡面的鲜家日式小餐館 (Sen-Ya Dining)主要係為客人提供一系列簡單,美味兼快捷的日式餐飲,方便忙碌的城市人可以在短短的20-30分鐘之内就能够享用一份热辣辣又豐富的午餐,唔駛下下食麦記或老伯炸雞咁無益。^^ 食物選擇方面以麵飯为主,不過怕食得太飽會出現“钓魚”(眼訓)情况的朋友大可以選擇壽司或沙律。Sen-Ya 每日亦會推出不同的套餐,而當日的套餐分别有烏冬麵餐同炸雞飯餐,而我同Gary都同樣地揀咗價值RM18.80的烏冬麵套餐。
Sen-Ya小餐館前的冷庫擺放了很多不同口味的包装壽司,啱曬外賣。 仲有誘惑力十足的日式飯盒,就算食唔落都有衝動想買返屋企。XD 坐係我隔離呢位白衣aunty非常“好談”XD,一直同佢朋友講某某人的别墅值幾多錢,又話某某某人有幾多身家之類...(其實我唔係有心偷聽嘎,只不過aunty的聲音實在太响亮喇) 我們今日的Set Lunch (RM18.80)- 烏冬湯麵配海带,甜腐皮壽司,毛豆,意粉沙律及味噌湯。烏冬麵十分爽滑,配菜亦做得相當唔错,一份簡單而不賣弄外表的午餐令我有满足感。個人認為能够以呢個價錢就可以在城中城呢片黄金地上享用到一份如此真實的日式套餐都算是經濟抵食! 日式甜腐皮的飯糰面上有很多白芝麻啊~我锺意!:) 味道好特别的沙律,散發出淡淡的的芥末香。 " I love food, we love food." 今時今日的Isetan超市已經不再只是一個普通的Supermarket,而係一個Food Market。客人除咗可以係呢度購買各種新鲜蔬果,肉類,乾粮,日常用品等之外,亦可以品嘗到各式各樣日韩美食,包括日式燒餅(Okonomiyaki),現烤串燒,芝士蛋糕,咖啡等等。而另外最值得同大家分享的就係呢度大部份的廚師都係日本人!!!日本人煮日本嘢,未食都先加多幾分喇~:P








Sen-Ya Dining 鲜家


ADD: Isetan Food Market, Suria KLCC.


OPERATION HOURS: 10am-9pm

20111027

TONG PAK FU 糖百府點芒果秋香

近来大馬人(雪隆區)興啲乜?排隊!自從(Snowflake)雪花棧在大馬吹起一股排長龍風之後,我才發覺原来我們大馬人是這麼有“耐心”的 :P,可以為咗一碗冰排半個鐘,甚至一個鐘都面不改容。其實排隊買冰都未够夸張,最夸張就係排隊買茶-珍珠奶茶!雖然大馬人在好多年前就已經接触過珍珠奶茶呢種台式飲品,而珍珠潮亦早已退热多時,但當日出茶太(Chatime)同貢茶(Gong Cha)最近無喇喇殺入大馬時,珍珠奶茶就好似咸魚翻生咁再次掀起热潮,繼續挑戰大馬人的排隊耐力。只要有日出茶太或貢茶的地方,就必定排曬长龍,由此可見大馬華人對来自台湾品牌的珍珠奶茶有幾瘋狂。XD

今日我在KLCC食晏時,同樣見到貢茶面前有一条人龍,但今次我没有加入“耐心”團:P,反而同同事去貢茶附近的糖百府試一試。其實較早前同朋友去Sunway Giza的時後亦見到糖百府,但估唔到短短一個月後又見到第二個糖百府的誕生,睇嚟係大馬做甜品生意都幾好搵!:P 尤其係早有名聲的亞洲連鎖甜品品牌,就好似糖百府之前就有香港發記甜品 (Lucky Dessert @ Sunway Giza),話唔定迟下連許留山都嚟埋(馬来生意咁好做)...



来自香港的糖百府如今已經嚟到大馬的Sunway Giza 及人潮最犀利的城中城 (Suria KLCC),大家有口福啦!:)
糖百府賣的不只是甜品,亦包括形象同包装。
奪目的顏色及可爱的插畫不得不令我留下深刻的印象。
糖百府的創办人就係将台湾著名雪花冰(香港人稱為棉花冰)改良及带入香港的李氏两兄弟。此可爱的图片係来自于餐牌封面。 有睇 "So Far 蘇 Good" 飲食節目的朋友對佢應該好熟悉,佢就係香港知名美食節目主持兼烹飪師-蘇施黄 Ah So,亦係糖百府的代言人。
糖不甩係我們今日最想食的甜品之一,點知侍應竟然話薯粉用完,暫時缺貨咁話,所以搞到我們都好失望。:( 都唔明點解唔喇喇臨去超市買包薯粉?Isetan Food Market就在隔離...

台式雪花冰係糖百府的招牌甜品,口味選擇方面當然唔少,而我們就揀咗比較受欢迎的芒果秋香 (Mango Snow Ice RM11.80)。基本上口感同100 Yen Shop及金加利的雪花冰無乜分别,味道亦没有話特别出色,不過配搭蜜瓜球同爆珠一齊食都算係味蕾上的一種新享受,整體效果令人满意。 我對面前这個法式焦糖炖蛋 (Creme Brulee RM6.80) 比較有興趣。:D 炖蛋香滑的嚟唔會太甜,上面仲有芝麻餅乾同士多啤梨,正!


雖然要在週末工作,不過有美味的甜品陪伴,总算係心理上的一種安慰,嘻嘻~

餐牌的每一頁都有得意的插畫,包括潜水两兄弟。:)

墙上有更多令我望完又望的图案。我個人對糖百府的感覺良好,希望下次可以品嘗糖不甩及其他傳统甜品。=D

Tong Pak Fu


ADD: Lot C15F, Concourse Level, Suria KLCC.


20111024

HEARTY BREAKFAST 爱心早餐

十月二十四日 * 星期一 * 早上十點

今日唔駛去上班,因為過去的週末都要到HOMEDEC展覧會工作,所以今日完全没有"Monday Blue"的症状 :D,而且一起身就有一股“非常想煮早餐”的慾望 :P!所以就在你仍然熟睡的時候,我就行入廚房“尋寶”,希望可以搵到一些做早餐的材料。講到呢度,我不得不贊一贊媽咪,因為她的貼心,我才能够一打開雪櫃就見到雞蛋同腸仔,然後一轉身又望到麵包同香蕉。:) 材料經過我简單處理之後,就变成一份誠意十足的早餐...

“Good Morning,起身食早餐啦!”:)


為你準備一份简單而豐富的早餐,希望你會喜歡。^^
芝士煎蛋 + 煙肉卷香腸 + 迷你火腿麵包 + 迷你芝麻牛角包 + 香蕉 + 原味酸奶

20111018

TWININGS EARL GREY TEA FOR TASSIMO 德國製造的倫敦伯爵茶

品茶係我的嗜好,但我並没有好像有些飲茶之人對茶道咁有研究同學問(我屋企没有古典茶几或百年老茶葉),我喜歡品茶的原因純粹在于它的味道和感覺。平日在家中或公司我都會习慣地冲一杯绿茶解渴提神,据說绿茶對于长期對电脑的朋友有莫大的益處,所以每日對著24''荧幕画画的我一定要飲多啲(好怕变四眼妹) :D 至于出外用餐時,我通常都會選擇伯爵茶(Earl Grey Tea),一来喜歡佛手柑清新芬芳的味道,二来個人覺得伯爵茶的味道同任何一款蛋糕都咁匹配,所以伯爵茶經常都會成為我下午茶的首选飲品。


最近就收到一位朋友由德國带返来的手信,一盒特别為Tassimo热飲機(又稱為咖啡機或冲茶機)設計的伯爵茶葉,而茶葉品牌係大家都熟悉的倫敦Twinings。Twinings茶雖普遍,但Twinings + Tassimo 就一啲都唔普遍,事關如果無Tassimo機係飲唔到嘎!XD 難到朋友的意思係要鼓励我去買番一部Tassimo? 但大馬都無賣...在没有办法之下,我唯有自己搞掂!哈哈~

著名Tassimo 热飲機(咖啡機)*照片来源:tassimo.com 暂時放下手上的工作,嘆番杯伯爵茶輕松一下囖!
德国製造的“Twinings倫敦伯爵茶”,包装上的設計既简單又高貴。一盒裡面有八粒 “檸檬”,好得意!^^ 没有Tassimo热飲機 (Brewer),我唯有自己拆開包装,加入热水,然後再隔茶渣。:P 味道一樣咁香濃,感覺一樣咁美好~ 如果此刻面前唔係两個电脑荧幕,而係一片绿色的草原,有几隻綿羊仔係度散步....幸福層度應該會满到瀉。XD




欲知產品資料: http://www.tassimo.com/

20111011

IT'S MY DIET MONTH 節食

不知不覺已經食咗二十幾年,相信體内日夜累積的毒素早就已經逼到上脑,如果再唔清理一下,我相信好快就會被自己的毒素毒死。為咗健康着想,為咗年終佳節期間有更多空間容納其他美食,我决定節食!(喂,我無話要减肥,你唔好俾压力我,唔好以為一個月後的我會有苗条的身段,减肥唔係我的玩意,我的脂肪係唔會舍得離開我嘎!)

節食,唔係唔食而係有節製咁食,小心食,揀飲擇食。因此,我會暂停分享美食一個月,让自己清一清腸胃,同時亦让所有喜歡此部落格的朋友小休一陣。一個月後的我會重新出發,同你分享國内國外更多令你發福的美食。:D


P/S: 唔好係我面前食炸墨魚圈 Calamari Ring!!XD

20111003

BISTRO 42 法式焦糖布丁下午茶

好多男士都會經常為唔知要带自己的女朋友或心儀對象去邊度撑台脚而煩腦,希望餐廳環境舒適浪漫,又希望食物美味有新意而能够令對方feel到你的誠意同心思。之但係,浪漫需要金錢製造,美食也需要金錢調味,若然搵錢唔够又如何下下去高級餐廳燭光晚餐啊?單單一個情人節就可以食咗一個普通打工仔的1/3薪水,真係好凄凉嘎!其實,我想話俾所有男士們知,想給女性一份新鲜感(或驚喜)唔一定要据扒飲紅酒,燭光配小提琴(其實呢套已經out咗幾十年),大可以係一個悠閒下午茶。 咪住!!:P 唔係你唸嗰種下午茶,唔係食塊餐包或Secret Recipe蛋糕就叫做下午茶(老土),我講紧的下午茶係法式下午茶 French Afternoon Tea。XD

位于Bangsar Village II 裡面的Bistro 42 (又稱為T42) 係一個8至80岁女性都會喜歡嘆下午茶的好地方。精緻的法式糕點,芬芳的焦糖布丁口味紅茶,漂亮的茶壺餐具...一切一切都係如此華麗動人。男士們,你係唔會明白點解女性咁鐘意食埋呢啲貴夾唔飽的下午茶,XD 其實女性喜歡下午茶係一種有品味的嗜好(你冇理由唔鐘意有品味的女性嘎~),因為她們唔單至懂得品嘗食物的味道,同時亦喜歡将一件件娇小的糕點當鑽石咁欣賞,在一個美麗的環境下嘆下午茶可以令她們突然有公主般的幸福,一種連燭光晚餐也不能比較的满足感。所以...仲等?今個週末就带你心爱的她感受一下做公主的幸福,同她一起研究各種美味的藝术品,放心,成功率99%(1%要靠临場表現)=D。

Bistro 42 在每日下午三點至六點都會提供二人份量的法式三層下午茶 (3-tier French Afternoon Tea),食物選擇可以話比一般傳統英式下午茶更加吸引,而且只賣RM59.90,價錢非常大眾化。:) 首先,上層有两種口味的馬卡龍(Macaron)、两種口味的棉花糖(Marshmallow)、两粒士多啤梨酱甜甜圈及一款自選蛋糕(我當日的選擇係法國非常著名的Opera 蛋糕)。中層有英式下午茶最常見的Scone两粒,配啤梨果酱及凝結奶油 (Devonshire cream)。底層有两塊青瓜全麦三文治、两塊蛋治以及三文魚牛角包。然後可以任揀两種不同口味的茶或咖啡,Lynn揀咗香茅姜茶(Lemongrass ginger tea),而我就揀咗我从来都未試過的焦糖布丁紅茶(Creme brulee tea) :D,真係好特别啊!食法國嘢,飲法國茶,睇法文餐牌...我又再一次催眠自己唔係一個马来妹,因為我仲識得講法文 "Bon Appetit”! XD
















































Bistro 42


ADD: 1F-28 & 1F-K2, 1st Floor, Bangsar Village II, No.2, Jalan Telawi 1, Bangsar Baru, 59100 Kuala Lumpur.


TEL:03.2201.3028


WEB: http://www.thebiggroup.co/


FACEBOOK

Related Posts Plugin for WordPress, Blogger...

Estica ALL RIGHTS RESERVED © - Powered by Blogger