20110627

FOUR SEASONS LONDON ROASTED DUCK 倫敦文興燒鴨

文興嚟到Subang!!!唔係乜乜靓仔明星,亦唔係乜三頭六臂的人物,而係红遍倫敦(甚至乎整個華人社会)的一個焼臘酒家名字。其实文興係三年前已经静計計嚟咗吉隆坡,相信部分本地朋友已经品嚐過文興的招牌燒鴨 ,但由于餐館地點在CapSquare里面,並不属于大型商場或旅游熱點,所以並未能够掀起“文興热潮”,依然好多朋友都唔知到呢個在倫敦Bayswater排长龍的燒蠟王原来已經“排”到嚟大馬 XD。





文興由倫敦BAYSWATER嚟到吉隆坡Cap Square之後,再係梳邦開多間分行,對于PJ的朋友真係一個喜訊! 文興的地點相當隱秘,若然唔行入去Jaya Grocer超市裡面, 都唔知有間咁唔错的餐館,而且人潮都唔少。 食物選擇一目了然 。 文興的鎮店之寳-燒鴨,幾好味,肉质軟滑,可謂难得,因为一般燒鴨的口感都有些少嚡同硬,唔容易咬,但呢個就唔會。唯一...唯二唔好的問题就係皮唔脆,同埋D肉好肥。大馬咁多靓燒蠟,所以就算係倫敦最好,唔代表係大馬最好。但我绝對相信倫敦的文興的确有一定的水準,否则唔會有咁多人讚赏。 雲吞面(RM9.80)- 有六粒雲吞咁多,不过唔係蝦雲吞,係猪肉雲吞,有D失望,俾咁嘅價錢,虽然唔係十分貴,但都不至於俾咁嘅料。 港式雲吞面爽口弹牙,口感类似竹升面,不過亦唔顯得特别出眾,因为依家好多地方的雲吞面都係咁。而比較唔同的地方係一般雲吞面都係配搭菜心或青葱,但呢度的雲吞面係配搭白菜,所以多咗一份鲜甜的口味。 叉燒燒肉雙拼(RM22)-蜜汁叉燒味道相當唔错,虽然外皮带焦,但里面D肉質依然柔軟,唔似一般燒到黑黑乾乾的叉燒咁难入口。另外燒肉亦做得幾好,肥瘦均匀,皮脆肉厚。 小朋友的燦爛笑容令人睇見都開心。 蘿蔔牛腩煲仔饭 (RM12.80)-香味四溢,蘿蔔牛腩汁非常好味,就算斋食飯唔食肉都咁有满足感。*値得一試* :) 地方唔大,所以任何时候都满座。XD 幾段文字加燒鴨圖片說明文興的一切。 有點吸引力,唔知係唔係同澳門的猪扒包一樣咁好味?:D


總結:價錢-中等,個人消費平均大約RM15。食物質素-中等,鴨太肥腻,皮又唔脆,有待進步。服務態度-差!櫃檯有個細細粒嘅四眼妹講嘢好寸,當我們在櫃檯前討論要食乜嘢时話到雲吞面一碟卖RM9.80都几幾貴,佢就即刻答嘴話:“邊到會貴啊?外面D面仲貴啦! 嘩西眼妹!有冇搞错啊?!我們似乎唔係同你講嘢噢?你做乜咁口多?难到消費者冇權評論?得罪客人都唔知,真係蒙惺惺!



Four Seasons Cuisine 文興酒家


ADD: Lot LG-01, Lower Ground Floor, Empire Shopping Gallery, SS16, 47500 Subang Jaya, Selangor. (inside Jaya Grocer Supermarket 超市里面)

20110622

CHOI LOU KEI 蔡佬記鍋气十足扬州炒飯VS.美味十足猪扒包

澳門就如一個小香港,虽然感觉摩登前衞,但实质上仍散发出濃厚的传统文化特色,而當中的文化特色當然唔少得为人熟悉的“茶餐廳文化”。冇错,澳門的大街小巷同香港一样都有好多茶餐廳,里面卖乜相信有睇港劇的朋友都知,随便舉例有奶茶,西多士,波箩包,餐蛋面...仲有猪扒包!猪扒包係澳門非常具代表性的食物,所以嚟到呢度,一定要試猪扒包,而且要係最传统,最道地的茶餐廳猪扒包。^o^



由皇都酒店步行至蔡佬記只需十分鐘。我們四人一共點咗三样美食医肚:扬州炒飯,猪扒包以及细蓉(云飩面)。
食物好快就送上,我同Yukie就开始猛咁影 :P,而媽咪同大佬就認唔著要馬上开餐。


媽咪一直都好喜欢食云飩面,所以呢度的细蓉($16)最啱佢。颜色睇落好黄,不過味道ok。



澳門猪扒包($22)外形涨卜卜,令人想即刻咬一啖!:D
e...原来面包唔係软淋淋咖,而係好似法国面包咁又硬又脆,一咬落去啲面包碎就跌到周围都系,哈哈~不过口感几好。另外猪扒味道好正,而且肉质结实,終算冇令第一次食猪扒包的我們失望。:)



呢間茶餐廳的面积好细,天花板亦好矮,俾人一種無形压迫感,所以一食完就想即刻走。




你所見到呢碟炒飯的面貌係完全未经過我動手时影底咖 XD 初时我几乎被呢碟“炒到乱”的卖相嚇衬,不过一食之下,我就爱上咗呢碟“内涵丰富”的扬州炒飯($24)。我都係第一次食咁够鍋气的炒飯!:D 材料非常简单,有培根(半肥瘦火腿),鸡蛋及猪油渣,哗~有肥腻嘢,难怪咁好味啦!*但如果可以少油會好啲*。


随炒飯附送的例湯-西洋菜湯,好似味精湯。


:) 試一啖?


蔡佬記 Choi Lou Kei


ADD: Estabelecimento De Comidas 麻雀園羅憲新街4A


TEL: 28304748

20110618

HARAJUKU RICE 原宿爽口带子拉面 + 弹牙芝麻麻籽

食拉面會上瘾,你是否認同?若然你認同,証明你都同我一样,係個死硬(die-hard)拉面粉丝! :D


近来我同一班同事去谷中城睇《功夫熊猫2》时就去咗以下呢間日式餐館用餐- Harajuku Rice,當时大家只不过抱著一般“未食过就試一試”的心态帮衬呢間餐館,心唸都係一般菜色,點乜知原来呢度的食物相當有水准,而且价钱合理,锺意拉面的朋友更加值得拜訪。:) 餐館里面的燈光微暗,感觉好舒服。:) 木檯及皮革凳同样採用咗低调的素米色,而墙纸係由各種日本景色及人民文化图连成,简约得嚟不失特色。 食物价钱大众化,十几蚊就可以食到個bento,都算合理。 我的指定前菜-日式海蜇(Chuka RM5),好喜欢佢嗰種爽滑的口感,仲有摆入口时冰涷涷的感觉。:) 呢度的主要卖點就係拉面,选择方面當然唔会少,而其中之一的冬蔭拉面(Tomyam Kani Ramen)相信能够吸引唔少喜欢食辣的大馬人。:D 虽然我很想試冬蔭拉面,但由于近来气温实在太热,所以都係选择口味比较淸淡的食物會好啲,最終我都揀咗日式带子拉面 (Hotate Ramen RM18)。我非常開心自己作出咗一個明智的选择,因为呢碗拉面实在太好味啦!尤其係嗰五粒新鲜爽口的带子,令到我邊嚼邊偷笑。^^ 浓郁的湯汁,鲜甜的带子,誘人的溏心蛋,弹牙手工拉面,一切一切只卖RM18,值得! 传统叉烧拉面(Tonkatsu Ramen RM18),简单而好味。 加咗好似银纸$$甘大張的紫菜叉烧拉面(Nori Chashumen RM18),卖相同以上嗰款拉面类似,但就多咗紫菜的獨特香味。 每一碗拉面都有粒令人迷戀的溏心蛋。 XD 同事們享用拉面时發出“嗦嗦”声,可见大家都食得几投入。:P 面后甜品有质感超Q的芝麻麻籽 (Kinako Goma Mochi RM5)。幼滑的白芝麻粉铺满一粒粒弹性十足的方形麻籽,咬落去时凍凍哋,好似芝麻味的啫哩一样。我個人觉得佢含有一種特殊的“兴奋剂”,因为食咗之后好似心情好啲,你不妨都試一試?哈哈~初时我以为呢個日式麻籽同夜市卖嘅花生麻籽一样,应该冇乜大不了,點知一啖咬落去时,就被佢的Q感打動了,真係唔简单咖~ 造型可爱的冬瓜盅 (Anmitsu RM8),里面有原味麻籽,红豆及一啲罐头生果,纯粹好睇,美味程度始終不及芝麻麻籽。


Harajuku Rice 原宿


ADD: G(E) 010,Ground Floor, Mid Valley Megamall, 59200 Kuala Lumpur. (Next to Starbucks)


TEL: 03.22841311


BUSINESS HOURS: 10am-10pm

20110605

BEBEK BENGIL (DIRTY DUCK DINER) 巴厘岛最红 . 污浊鸭

巴厘岛有两大必食明菜,就係烤乳猪(Babi Guling)同污浊鸭(Dirty Duck)。聽人講巴厘烤乳猪的猪骚味好重,所以我哋并冇想試的冲動,反而对污浊鸭就大感兴趣。到底污浊鸭係點咖?污浊邋遢點食啊?唔知係唔係好似臭豆腐甘,越臭越受欢迎?所以越污浊就越好味? 大家心裡面都有好多疑問,同时亦好想一尝污浊鸭的味道,所以就算知道由别墅前往污浊鸭餐館的行程要一個鐘,我哋都毫無意见。:)
-
終于...當我的肚开始打鼓时,我哋到达污浊鸭餐館啦!同时我哋心裡面的疑問亦得到答案,原来污浊鸭一啲都唔污浊,而且香脆可口,背后仲有一段为人津津乐道的故事...
-
話説呢間餐館建立于1990年,當时佢哋为餐馆的招牌(名字)唸咗好一段时間,虽然當中亦得到不少朋友的建议,但始終觉得唔适合。老板心裡面理想的名字就係能够翻譯成英文的巴厘名字。就在某日早晨,當餐館几乎建成的时候(地砖已经铺好,檯凳亦准备好),有一群鸭由稻田跑入餐館(餐館的周围都係稻田)“捣乱”,企起地砖同檯凳上係甘叫,然后离开时留底沾满泥的脚印,呢啲鸭就係呢間餐館的第一批“客人”,因此餐館命名为Bebek Bengil,英文翻譯为Dirty Duck,而中文當然就係污浊鸭囖!XD 从此呢個名就红遍世界各地,餐館生意亦蒸蒸日上,老板真係要多谢呢群污浊鸭。:)


由Kuta出發至Ubud的Bebek Bengil (Dirty Duck Diner)餐館需要大约一個鐘的车程,但为咗一偿心愿,几远都要去!XD

Bebek Bengil的正門外有几個同我哋一样慕名而来的华人旅客。
污浊鸭泊车?!XD
餐館外面普通,但行入去又另一個天堂。

镇店之寳-污浊鸭(Bebek Bengil/ Dirty Duck) ,虽然聽落有啲恐怖,但其实一啲都唔"污浊",而係炸得非常香酥。一份单座污浊鸭价值印尼币Rupiah 72000(大约马币RM24),客人可以选择鸭配薯仔同沙律或白饭同巴厘式蔬菜。等待鸭中... :)


在厨房影咗呢碟新鲜炸起的脆皮污浊鸭,香味不停甘诱惑我的嗅觉,我快顶唔顺啦!!!

干净又卫生的厨房令客人可以放心享用呢度的食物。

呢一幕有啲日本feel...

餐館最令我驚嘆的地方就係后院隐藏著一片绿油油的稻田,可以在如此幽雅写意的环境之下享用道地美食,可谓双重享受。:D 由于必须在黄昏前赶至Tanah Lot,所以我哋不能在餐館逗留太耐,唯有打包走人。:P



-


Bebek Bengil Dirty Duck Diner

ADD: Jl. Hanoman, Padang Tegal, Ubud Bali 80571

TEL: 62361.975489/ 977675


20110604

INDOMIE POPMIE 劲辣乾捞杯面

大馬最具代表性的即食面莫过于美極面(Maggi),金旦面(Cintan)同媽咪面(Mamee)呢三大品牌,而講到印尼方面,不能不提就係Indomie。:) Indomie对于大馬的朋友嚟講相信一啲都唔陌生,因为几乎每一個嘛嘛檔(Mamak Stall)都有卖佢,另外各大超市亦有出售Indomie。虽然系大馬可以随时随地可以食到佢,但若然有机会去印尼,一定要試一試杯装的Indomie,名为PopMie!:D 我個人極力推荐辣味乾捞面(Mi Goreng Pedas),非常刺激,食完又想再食,所以臨返大馬前,我同Sam都买咗唔少做'纪念"。XD



PopMie 咖哩湯及鸡湯口味,味道比较咸,食完之后一定要饮番几杯水。:P

玩水玩都饿,索性系泳池度食面!XD 坦白講,呢個辣味乾捞杯面真係好正,令我唸起泰国某個绿色包装的即食乾捞面,又辣又爽口! 对于男士嚟講,一杯绝对唔够喉。
对于怕辣的朋友,建议放70%的调味包就够啦!


PopMie辣味乾捞面,一杯卖印尼币4500,馬币大约RM1.50。杯形面积比我哋呢度的杯面大,所以捞起嚟亦比较容易,而且透明塑胶杯盖上有几個洞仔,方便滤水之用,大馬的乾捞杯面係唔係都应该向佢多多学习呢?:)

20110603

PLEASE SUPPORT ME 請支持我




多謝所有喜爱呢個美食日記的朋友们,請按以上黄色标志进入DIGI WWWOW AWARDS的网页,然后按绿色“VOTE" 投我一票,記著填写左手边的CAPTCHA空格,否则投票不成效,感激不尽!:)

20110601

KISS VILLA BALI 地球上最写意的早餐

上次在圣托里尼(Santorini)同大家分享过地球上最浪漫的早餐,亦即是我亲自下厨的早餐:P,呢次我想同大家分享地球上最写意的早餐,地點就在巴厘岛的Kiss Villa。Kiss Villa 唔係一般旅游特辑上见到的传统度假别墅,佢係一個时尚,摩登兼价钱合理的私人度假别墅。除咗环境清静幽雅及服务周到之外,呢度其中的一大吸引(我)之处就係为客人“量口定做”的早餐。客人只需在前一晚填上预备好的早餐表格,然后选择早餐时间,明早别墅员工就會将新鲜美味的早餐准时送到府上啦!:) 而我哋只需...嘆!嘆早餐!嘆世界!享受皇帝式的度假生活。:D

第一次去巴厘岛,第一次住系有私人泳池的别墅,第一次去旅行去得咁轻松...很多第一次都發生在呢個咁美麗的地方。幸福,只有"心"才能感受。:)
早上七點起身,睇见透明玻璃門外的泳池,绿油油的草地及所有"度假味" 很重的家居摆设,心情真係靓爆!當时我就情不自禁咁做咗一样我自己以为很浪漫的事...系玻璃門度呼气,然后一手快速写上"LOVE",另一手就好镇定咁即刻影底,再等佢起身时,同佢講:"呢张相送俾你咖!" :P *若然想亲自实验,切記要用99.9%的速度,否则啲气會好快化开,而你的"LOVE"就会消失在空气中咖啦!但如果你想写 "I LOVE XXX " 有埋名咁长,咁你就要超速啦!小心,极有可能會导致手部抽筋。 XD
住咁靓的别墅其实同做猪冇乜分别,訓醒就食,食饱就玩水,玩完又食,食完再訓....不停咁重复以上动作,直到离开别墅为止。不过,間唔中做下猪都几爽嘅!XD
寻晚check-in时,别墅的员工就俾我哋填写呢张“早餐表格”,當时我真係有俾嚇到的感觉,因为早餐的选择实在太多啦!:) 有American Breakfast,Continental Breakfast, Egg Benedict, Egg Omelette,Indonesian Breakfast 五大category任选择,而每一個category又有一大堆options,譬如話你选择American Breakfast,你必须揀要[白面包或麦面],要[太阳蛋,炒蛋,荷包蛋或半生熟蛋],要[猪培根,牛火腿,鸡香肠或牛香肠],就连果汁都有[波萝汁,橙汁,西瓜汁,苹果汁或雜果汁]咁多俾你揀,揀完果汁之后,仲要揀要饮[咖啡,英式早茶,柠檬茶或姜茶]...可见佢地几咁专业,哈哈!:D
别墅里面栽種咗唔少粉色的“纸花”,我相信佢有一個比较专业的名堂,但我唔知道,我只知道佢的质感好似纸咁薄。:)

我唔係模特儿,但我喜欢做你的照片。:P
早餐在我哋要求的时间- 九點鐘准时送上,我此刻的心情非常兴奋,正所謂美食當前,谁唔兴奋?XD 我今日的早餐有煎双蛋,鸡香肠,蘑菇,薯仔,蕃茄及麦面包,可谓营养丰富。
“鸭仔,饮啖橙汁啦!” :D

牛油同果酱。
从未食早餐食得咁轻松写意,环境因数占咗七十分。^^
爱人的早餐有炒蛋,牛香肠,蘑菇,薯仔,蕃茄及麦面包。
嘻嘻!
唯一美中不足就係呢壶印尼姜茶- 一啲都唔辣,清淡如水,失望。:S
睇到"SLIM" 呢個字眼,落糖都落得舒服啲 (虽然我知道其实都一样)。XD
無論坐係邊都可以见到蓝蓝的泳池,心情就如Lisa Ono的歌曲-"Aloha Oe"一样,轻松無比。
我在别墅第二日的早餐比较丰富, 有火腿芝士荷包蛋 ,牛香肠,牛火腿,薯仔,蕃茄及白面包。整体味道几好,除咗面包有啲硬同乾。
落足料的煎蛋,里面有火腿,芝士,蕃茄,蘑菇及燈籠椒,非常好味!;)
寻日饮咗一杯無味姜茶,我今日决定饮柠檬茶,味道同我哋嘛嘛檔的Teh O Limau一样。 :)
佢哋两個下下都情侣装出现,恩爱都痹~ XD


KISS VILLA BALI
Add: Jalan Cendrawasih 99x, Petitinget, Kerobokan Kuta, Bali, Indonesia.
Tel: +62.361.847.6670 WEB: http://www.kissbali.com/
Related Posts Plugin for WordPress, Blogger...

Estica ALL RIGHTS RESERVED © - Powered by Blogger