20120130

MINAMI FURANO EZO CUTLET CURRY なんぷてい南富良野香脆炸鹿肉

薰衣草是富良野(Furano) 代名詞,好多人去北海道旅行都是為了看富良野的薰衣草花海,但冬天的富良野是沒有薰衣草的,只有一片銀白雪地。雖然我們看不到香香的薰衣草,但就看到(應該話食到)另一樣香香的...炸鹿肉! =)



芬莉和津漢去了玩狼狗拉雪撬,而我們三人就揸架車去附近兜兜風,最後嚟到呢間地點非常平靜又不起眼的餐館+旅館。由於已到午餐時間,大家的肚亦開始打鼓,所以一見到餐館就即刻行入去:P,完全唔考慮有乜食。
見到門口“營業中”的木牌,我即時變得很飢餓。天寒地凍,食幾多都好似唔夠。

餐桌上樣樣齊全,細心周到。

好多份餐牌,但全部都係日文。:S
由於唔識日文,又唔想同噢巴珊雞同鴨講,我最後選擇了有照片的炸鹿肉套餐!:P
的最愛炸豬扒蛋飯配味噌湯及醃蘿蔔(750円) - 他在五分鐘內食完,你話有幾好味?

要食就要食餐館最出名的招牌美食(我的胃食哲學),而我的選擇當然就是南富良野最紅的炸鹿肉飯配咖哩(950円)。炸鹿肉脆口不油膩不再講,最吸引我目光的其實係炸鹿肉上面炸蔬菜,色澤鮮豔到好像假的一樣,唔擺入口都唔相信係真嘎!炸蔬菜家族有南瓜、紫番薯、茄子、紅燈籠椒、黃燈籠椒以及青燈籠椒,營養價值相當高。
有香脆可口的炸鹿肉,當然唔少得獨家醬料陪襯。鐵器上的咖哩濃稠,味道辣中帶甜,香味四溢,送飯一流。
著名南富良野炸鹿肉,皮脆肉實,沾上秘製咖哩後變得更完美。
真正的旅行意義就是行到邊,食到邊,不需預先計劃,反而有更多意想不到的驚喜,今日的午餐就是一個好例子。:D
炸鹿肉套餐包括一罐小熊竹葉茶,好味道十分清香,好特別噢!
日本紫番薯好香甜啊~ ^^
激辛拉麵(730円)- 自製拉麵爽口彈牙, 味道辛辣開胃,飲第一啖湯就征服了阿燊的胃口。
味噌拉麵(630円)-最傳統、最原味的日式拉麵,配搭最簡單的材料-豬肉片(亦稱為叉燒)、紫菜、青蔥以及竹筍。看似一碗非常平凡的拉麵,但一食之下就不得了,湯水濃郁,麵條爽口,裡面仲散發著陣陣古早味,是一種非常難得可貴的味道,在一般大城市絕對食不到。
一向喜歡食日本餐的二人對於這個南富良野午餐相當滿意,而我當然亦不例外。
四人美味的午餐只需3060円(大約馬幣120),而且免服務稅及政府稅,超值!:)


南富亭 なんぷてい
ADD: 北海道空知郡南富良野町幾寅 966 Sorachi-gun town.
TEL: 0167-52-2733

20120117

RESTAURANT EXTRA SUPER TANKER 發啊! 發啊! 發啊!

眨下眼又一年,我很想老土講句:“時間過得真係快。”原來人年紀越大,的確會有種“時間不留人”的感覺,就好似陳奕迅那首《陀飛輪》一樣咁悲慘。時間是殘酷的,我唯有飲多啲膠原蛋白自保,以免有一天照鏡時嚇親自己。 :P

同以往一樣,每年收工過年前老闆都會請大家去撈生,而今年的撈生地點就係老闆一向都鍾情的文華軒大飯店,大家今晚有食神啦! ^^



雖然已經嚟過好幾次,但對於呢度的餸菜可謂百食不厭,每次食完之後都有一種說不出的滿足感。

文華軒的鮮果三文魚生, 色澤鮮豔,睇見都流口水!
侍應邊倒入材料,口中邊說新年祝賀語,令到在座兩位男士幾咁開心。:)
大家邊撈邊叫“Huat Ah!" ,即時炒熱整個氣氛。* "Huat Ah!" 係“發啊!”的福建讀音。老闆對待員工們一向都很豪氣(飲食方面),收工酒當然亦不負眾望,一出場就有波士頓龍蝦!!=)大家即時嘩聲連連,相機閃光燈更加係閃個不停,彷彿紅地毯第一個出場的藝人一樣咁巴閉。龍蝦本身已經非常鮮甜,再配合埋師傅的精湛廚藝,馬上變成餐桌上的一道頂級佳餚,成功俘虜人心。 正當龍蝦還在被消化中,侍應又端上一道令大家眼前一亮的美食,嘩~~係鮑魚啊!係髮菜、花菇、小白菜、沙井蠔炆10頭鮑啊! ! !大家你一口,我一口,唔駛五分鐘就清盤,連一條髮菜都唔放過,美味層度由此可見。 :P “食得咁滋味,放完假後你們就知道味道,哈哈哈~”老闆呢一招“先甜後苦”我又點會唔知,我竟然睇穿他的心態,好恐怖啊! :S

好餸接一連三,繼龍蝦同鮑魚後,又輪到價值RM250 的清蒸龍虎斑出場啦!龍虎斑配搭鮮帶子及木耳,味道鮮甜無比,再加上烹調時間掌握得宜,所以無論係龍虎斑或帶子的肉質都非常嫩滑,感覺就好似啱啱係大海撈上嚟一樣。 o_o

大魚大肉平日都可以食,但臘味就只有每逢農曆新年才能品嚐得到,所以臘味飯係我一直都很期待的年菜之一。今日品嚐的瓦煲臘味飯同以往新年享用的臘味飯有些少唔同,分別在於呢度的做法係臘味同飯分開放,而唔係兩者煮成一煲。客人必須將臘味倒入已煮好的瓦煲飯裡,然後攪拌均勻就可以享用啦!此做法不但能夠令人真正品嚐到臘味的鹹香味,同時又不影響米飯原有的芳香,難怪飯焦也咁好味。


Gary 親手為大家“撈飯”,大家只要翹埋雙手等食就得啦,哈哈!





Restaurant Extra Super Tanker 文華軒大飯店

ADD: 48, Jalan SS 20/10Damansara Kim, 47400 Petaling Jaya.

TEL: 0377267768


20120112

TESHIKAGA KOTAN ONSEN コタン温泉露天風呂 " 天堂 . 裸 . 浴 "

北海道!溫泉!北海道!溫泉!北海道!溫泉!我嚟啦~(極度興奮) =D
眾所周知北海道是一個溫泉寶庫,所以嚟到北海道就當然要浸一浸,否則北海道之旅又點稱得上完美。 :)

據知好多去北海道玩的朋友都會比較喜歡住係溫泉酒店或度假村,主要係貪方便,想幾時浸溫泉就幾時浸,浸完還可以即刻上房訓覺,認真享受。 :P 但其實想係北海道享受溫泉之樂唔一定要住溫泉酒店,一來價錢方面會比較喇脷,二來又唔夠“刺激”,皆因北海道原本就有好多大大小小的免收費露天溫泉 (日文為稱為“露天風呂”),溫泉愛好者可以係世外桃源的圍繞下享受與別不同的溫泉樂趣,邊浸邊賞景,聆聽大自然的各種聲音,絕對係觸覺、視覺與聽覺的一種多重刺激,這就是我所謂的刺激,亦是溫泉酒店未能提供的一種珍貴的體驗。

至於我們這次的北海道溫泉大體驗就選擇了Kurt曾經去過的“屈斜路露天コタン温泉”,一個令大家嘩嘩叫的人間仙泉(好想長住係北海道)。

☃ 天寒地凍,踏入溫泉嗰一刻的感覺實在太美妙...


嘩~雪白的天鵝們迎接我們的來臨呀!


牌上寫著“白鳥xxx湖xx”, 原來日文“白鳥”係指“天鵝”。

天鵝們跟隨我們一起去到湖邊。^^

湖邊景色靚到可以做明信片。溫泉前面有個貓頭鷹告示牌, 上面列明各種溫泉使用規則。


天鵝在戲水,我們也在戲水。^^

在零下幾度的寒冷天氣下浸露天溫泉,嗰種舒服的感覺絕非文字能形容。◕ ‿ ◕ 好榮幸見到我們的滑背出現在如此壯觀的畫面裡面。XD


好明顯的告示牌- 禁菸酒,請大家唔好污染仙境。
浸在熱湯裡,眺望湖面及遠處的山嶺,與自然結成一體,的確令人心壙神怡。

日本人做每一件事都非常細心和周到,就連戶外溫泉亦不容忽視。以上見到的係溫泉旁的一​​個木製儲物箱,溫泉客可以放心將私人物品例如手袋及衣物擺放係裡面。

溫泉前有兩個水龍頭,主要為溫泉客提供衛生自來水,不但可以用嚟洗臉降溫,而且還可以直接飲用,方便溫泉客即時為身體補充水分。

幾乎煮熟!XD

日本就係日本,連戶外更衣室都咁有特色,而且裡面也非常乾淨。

這個冬天之旅可謂我人生最享受的一次旅程,我永遠都唔會忘記看著天鵝浸溫泉的感覺,實在係太震撼喇!0_0
溫泉附近有一間相當可愛的手工木雕小屋- Juyo Original House,裡面售賣各式各樣的貓頭鷹木雕產品,不但手工精巧,而且富有道地色彩,貓頭鷹粉絲絕不能錯過! 浸玩溫泉後的我雖然披頭散發, 但愉快的心情仍然不減。 ^^



KOTAN ONSEN コタン温泉露天風呂

ADD: 088-3351 北海道川上郡弟子屈町字屈斜路古丹,屈斜路湖南面。

TEL: 01548-2-2191 (弟子屈町役場)

20120105

THANK YOU & HAPPY NEW YEAR 多謝 & 新年快樂

多謝所有來自四面八方的網友和關注者,多謝你們對此部落格的喜愛同支持!在新的一年裡面,我會繼續同大家分享更多、更精彩的美食旅遊故事,希望我所提供的資料能夠令你們在搵食或旅遊的途上更加順利。祝福大家有一個美好的2012 !☆░☆░ Happy 2012 ░☆░☆░




7.12.2010 - 5.01.2011 的綜合瀏覽次數。

KUSSHARO GENYA YGH 屈斜路原野ユースゲストハウス:這個冬天最溫暖的38小時-早餐篇

旅行的感覺實在太美好,起身唔駛拾床,唔駛著制服,唔駛化妝,唔駛塞車,唔駛飲MILO當早餐,唔駛對著24''電腦發爛渣...乜都唔駛做,唔駛煩,就連刷牙洗面都會覺得特別開心。 =)

繼昨晚豐富的日式住家晚餐後,Yamamoto夫婦再次落足心思為大家準備今日的早餐。到底日本人的早餐是如何的?就讓我在此同大家細心分享最和味、最真實的日式早餐吧!^^



早安屈斜路!^0^
溫暖的陽光由屋外照射進來,為旅舍增添一份朝氣。

好得意的瓢蟲啊! :P 我唸已經有十幾、二十年未係大馬見過此小生物啦!難道已經絕種?

早餐又點可以少咗報紙,可惜我唔識睇。 @_@

Dai 正在吸塵中...

旅舍提供的室內拖鞋充滿日式味道,我有一剎那的念頭想將它佔為己有。:P

熱水和冷水提供角落,住客可以自由飲用。

手工陶瓷出售。

初步介紹完旅舍內的各角落後,我馬上就要同大家分享我在日本的第一個早餐。到底日本人早上食啲乜?你可能已經略有所聞,冇錯,日本人的早餐就係飯(又係飯)! :P 基本上同馬來同胞早上食椰漿飯(Nasi Lemak) 一樣咁有飽感。

不過對於一向注重健康飲食的日本人嚟講,早餐當然唔係三芭辣椒(Sambal)同炸雞髀,而係清淡又有益的食材,就算食飽都唔會有zzz的感覺。

首先有日本餐的例牌前菜- 漬物 (Tsukemono) 之一白萝卜。

然後有非常開胃的梅子(Ume)。^^

包菜絲沙律,新鮮脆口。

日本大蔥醬油湯。

令我們眼前一亮的小菜!感覺就似食潮州粥一樣咁多菜式。
仲有煎魚(即刻流口水)!

清炒昆布- 類似我們的上湯芫菜,清甜美味。

日式燒蛋- 蛋香味吸引,口感十足。

泡菜口味的芽菜- 我們六人都喜愛的小菜,送飯極品。

這個冬天最溫暖的早,餐多謝Ojisan & Obasan 的心血。
可愛的小熊話:“雞尾酒一律500 yen 。” 旅舍內備飲品販賣機,啤酒、咖啡、綠茶、礦泉水統統齊全。


住客可以睇電視、聽音樂或玩飛鏢。

滿足感爆燈!:P
我的日式“潮州飯”。

OK, 又係時間去廁所排毒喇! =)

Related Posts Plugin for WordPress, Blogger...

Estica ALL RIGHTS RESERVED © - Powered by Blogger