PANTAI SEAFOOD 水上人家-名菜试食

其实今次觅食地点係位于KG SG KAYU ARA 的啦啦张(LALA CHONG) ，但係由于临时收到唔少负面的评价-话佢的食物水准退步咗，所以大家就临阵改去同一条街的水上人家(PANTAI SEAFOOD)。久仰大名好耐，而今次终于可以探讨一下呢间海鲜餐馆的菜色，到底谁胜谁负？ 睇落去你就知...

原来'水上人家' 同 '奇怪海鲜'UNIQUE SEAFOOD 係一家人。 等咗大约十分钟，终于有人“应酬”我地，送上餐牌。
九大名菜- 我地随意點咗其中之三样。

某朋友的朋友极力推荐的白灼草虾，的确几鲜甜，但係如果係大虾，口感会更好^^。

蟹肉红烧面，有种‘异味’，好似個嚄洗唔干净嗰种味道-_-''' 失望！

名菜之一：二松芥兰

一种菜，两种煮法，一炒一炸。正！

宫保濑尿虾，煮得相当入味，可以话係当晚最好味的一道餸。

名菜之二：OTAK-OTAK 豆腐

味道唔错，但係面粉有D多。

名菜之三：上汤沙白

啦啦肉好肥厚同新鲜，可惜上檯时已经唔热，令人品尝唔到热辣辣的啦啦汤。

高朋满座，好似D旅行团食饭嘅场面。XD

-

其实除咗以上几道餸之外，最后仲有一条蒸鱼及汤圆甜品，但係我已经唔想再影落去啦，因为条鱼蒸太耐，一D口感都冇，而热豆浆汤圆就完全唔热，豆浆又太甜。:S

所以终结咗之后，我個人决定投啦啦张一票，因为啦啦拉张的食物水准比较平均，而且服务效率亦较为优胜。

-

PANTAI SEAFOOD RESTAURANT 水上人家

ADD: Jalan Cempaka, Kampung Sg Ayu Ara, 47400 Petaling Jaya.

TEL: 03-7725 5099

KING CRAB 蟹王出擊，誰與爭鋒

每逢農曆新年我們都會去酒樓撈生食團圓飯，而今年... 一向鍾意食好嘢嘅姨丈就請咗大家嚟蟹王King Crab 過“肥”年。姨丈不嬲都唔照餐牌點菜，更加唔睇啲咩新年套餐，通常都會叫Captain介紹酒樓招牌菜同當日新鮮的海鮮。我們點咗大約十樣餸，有菜有肉有海鮮，而當中最令我​​食過返尋味就係以下呢四種：

上湯燴龍蝦- 肉質爽口多汁，非常鮮甜，簡直係既極品！如果佢地要開分行，大可以叫龍蝦王。
媽蜜蟹- 雖然呢度啲奶油蟹好出名，但係媽蜜蟹亦相當好味，蟹肉雪白鮮甜，果然係名副其實的蟹王！
炆龍蝦麵- 龍蝦汁同啲壽麵完全融一體，令人食完第一啖就想即刻再食，原來龍蝦麵系咁正嘅~唔知幾時可以再食？
鹽燒海底雞- 明明係魚，何解變咗雞？原因係呢個魚的肉質好似雞肉咁結實，咬落去就如食緊雞肉咁甘，所以被人稱為海底雞。由於魚皮超咸，所以必須撕開塊皮，然後剩食裡面的魚肉。做法類似泰式的鹽燒魚。

KING CRAB RESTAURANT 蟹王

Add: 03-107, Jalan SS25/2, Taman Mewah Jaya, 47301 Petaling Jaya.

(Opposite to Kelana Jaya LRT station)

Tel: 03.7803.6999

Operation Hours: 11am-2:30pm & 6pm-10:30pm