Estica

20101001

DE OCEAN DIMSUM 马六甲大洋點心

去马六甲唔一定要排队食鸡粒饭或沙爹自律，可以试一试当地的點心，其实一样甘受马六甲人欢迎，每逢周末都必定爆棚！唔信？睇下呢间位于大洋酒店的點心屋- DE OCEAN HOUSE OF DIM SUM!

大洋點心屋

同吉隆坡的點心有啲唔一样，呢度嘅點心比较“五颜六色”，唔知味道又如何？

水晶饺- 味道一般，饺皮粗咗啲。

沙律炸虾饺- 用一般水饺皮包的沙律虾，味道OK，虾肉都几新鲜。

忘记咗呢個叫乜，但係口感唔错。

日本豆腐釀鱼肉- 由于我本身都几喜欢日本豆腐，所以觉得OK，如果可以再热啲会更好！

咸蛋鱼肉- 一道简单又美味的點心 =D 虽然胆固醇好高，但係我实在太锺意啦~

传统虾饺- 唔.....有待进步。

大洋點心招牌之一：香炒萝卜糕

係当日最好食的一道點心，火候够，味道足。

炸腐竹- 馅料不够，但係炸得好香脆。

侍应都係后生仔，应该係打假期工。

招牌港式皮蛋粥- 好滑~

四人食。

斋睇好吸引，食咗之后就觉得还好。

虽然唔係啲‘必食“點心，但係可以一试！

DE OCEAN DIM SUM

ADD: 174, Ground Floor, Jalan Laksamana Cheng Ho, 75000 Melaka.

TEL：+606.2826.988

20100915

PONTIAN 笨珍的传统味道- 云吞面 . 叻沙

传统的味道係点咖？我就话係婆婆煮餸的味道，就例如算盘子、蒸荀粄、咖哩杂菜及猪油捞面等等。虽然我唔係几锺意食猪肉，但係我竟然好喜欢猪油捞面嗰种独特的香味，可能係因为嗰种味道陪伴我长大，令我好怀念以前婆婆亲手为我地煮的传统美食。

几日前同妈咪行广场时，意外发现呢间笨珍云吞面餐厅，而我地又锺意食传统嘢，所以就即刻行入去试一试。初时真係俾餐牌上的价钱吓到，因为同茶餐室的价钱一样，分分锺仲平过食经济米粉！

位于金河广场五楼的笨珍云吞面餐厅。

水饺云吞面 (RM5-小碗)

笨珍云吞面的口感唔似香港云吞面甘爽口弹牙，但係味道好正，事关佢係一碗猪油捞面！所以未食之前就先闻到一阵猪油香，令人流晒口水~再加上碗水饺汤，我简直觉得自己好幸福！哈哈！

传统水饺就係包住猪肉甘简单，坚持原汁原味。

如果你有食过新加坡的加东叻沙KATONG LAKSA，甘你就可以完全幻想呢碗笨珍叻沙(RM5-小碗 )的味道，因为佢地D味道同材料係几乎一模一样咖！有鱼饼、豆腐卜、炸腐皮、生蛤及鸡蛋。椰浆及香菜的混合令碗叻沙汤特别香滑可口，搞到我饮到一滴不流，嘻嘻~早知叫大碗嘅啦！

一目了然的餐牌，选择唔多，价钱同一般华人茶室的食物一样，非常经济而且免收政府税及服务费。好想问老板：“有得赚咩？”

招牌小食- 炸云吞 (RM4十粒)

虽然炸得好香脆，但係似炸“云吞皮”多过炸云吞，因为嗰馅肉少到咬落去都唔觉得有馅，而且猪肉味好重，可能係我本身唔锺意食猪肉，所以对猪骚味特别敏感。我都係比较喜欢生虾云吞，鲜甜又爽口。

除咗云吞面及叻沙之外，呢度亦有多款传统糖水，当中以豆爽、芋头露及花生汤较为罕有，一般KL及PJ的糖水铺都冇卖呢几种糖水。呢度D糖水唔單至落足料而且价钱非常合理，仲好过去記X食。*注：花生汤係用大粒又长的花生煮成好似甜粥嘅糖水，同花生糊係完全唔一样咖！

有帮助排水肿及养颜功效的绿豆汤只卖RM2一碗！里面仲有好多滑寽寽的沙谷，所以饮起嚟特别有口感。味道清香带甜，甜而不腻，绝对称得上係一碗靓汤水！

呢度的装修同一般连锁咖啡店冇乜分别，但係胜在有仿传统油灯设计的吊灯帮整体环境加分。

PONTIAN WANTON NOODLE & LAKSA RESTAURANT 笨珍云吞面 . 叻沙

ADD: 5th Floor, Sg. Wang Plaza, Kuala Lumpur.

20100910

HOMEMADE FISH HEAD NOODLE 与众不同 . 酸辣鱼头米

一提到“鱼头米”呢三個字，我就觉得好厌倦，可能係早派食太多，亦都可能係D人係又卖鱼头米，唔係又卖鱼头米，搞到我对鱼头米有些少反感。但係自从试过美味园的酸辣鱼头米之后，我对鱼头米又有返D兴趣啦！唔同呢D就叫做新屎坑？！

如果你都同我一样对鱼头米失去咗兴趣，不妨考虑试一试呢個与众不同的鱼头米啦！你可能又会好似第一次食鱼头米甘再一次爱上佢...

令我对鱼头米重拾信心的酸辣鱼头米，味道好鬼刺激，最啱喜欢追求味觉新享受的朋友。

呢度唔似一般鱼头米餐馆甘俾D冇肉鱼头骨，而係新鲜香脆的炸鱼肉，仲好大塊添！哈哈！

我個人超爱呢度嘅辣椒酱，眼訓时食两啖包你即刻精神！

美味园的传统鱼头米亦做得唔错，汤水清甜得嚟带有淡淡的奶香味，而浸係汤里面的炸鱼肉依然保持香脆。

与DELICOUS及MAYBANK同排的美味园，有室内与室外用餐区，环境都几舒服。

美味园鱼头米 HOME MADE FISH HEAD NOODLE HOUSE

ADD: Lot G(E) 015, Ground Floor, Mid Valley Megamall

TEL: 03.2282.0216

OPERATION HOURS: 10am-10pm

20100907

KUALA SELANGOR BIG FISH HEAD 恐怖大鱼头

瓜拉雪蘭莪以海鮮盛名，大大細細的海鮮餐館當然多不勝數，有啲甚至乎上過美食雜誌及電視節目，因而吸引好多遊客慕名而來。到底嗰啲餐館嘅食物係唔係真係咁好味？定係啲人心裡上覺得雜誌或電視介紹過嘅就必定好食？其實口味呢家嘢都係見仁見智，但係我絕對相信上過雜誌或電視的餐館肯定唔平，就算係都會係未介紹之前嘅事，一旦“曝光”咗之後就會乘機起價！
雖然話瓜拉雪蘭莪啲海鮮好靚，但係要揾一間平靚正的海鮮餐館都唔易，要食得開心又要俾得甘心，睇怕都要揾個老馬識途的食家帶我地去揾食，而我地亦非常幸運有WEI QUAN呢個周遊列國的導遊幫我地細心安排“瓜拉雪蘭莪美食一日遊”，令我地可以係一個隱秘的住家海鮮餐館享用美味又抵食的海鮮餐！尤其是係佢地的招牌蒸石斑魚頭更加叫我難忘～事關個樣好兇殘惡煞，哈哈哈！