PARKROYAL - SI CHUAN DOU HUA 收工过年前捞一捞

一年一度的公司周年晚宴+收工酒又嚟啦！老细係Park Royal Hotel 里面的四川豆花饭庄连开三蓆慰劳大家，齐齐捞生！:)

《富贵套餐》RM1188 , 食咗之后大富大贵 XD
西川豆花饭庄最大嘅特色就係呢個长嘴茶壶。由于冲茶姿势相当讲究，所以茶师都必须经过多年训练咖。 一部份早到及准时到的同事。

由西川茶师亲手泡制的八寳茶 :) 滋润养颜

新年必做的指定动作：捞生！

捞一捞，捞到风生水起！盆满钵满！发啊～

唔係搞笑噢，捞下捞下竟然有鱼翅！仲好鬼大塊添！果然够‘富贵’，哈哈！

食完鱼翅捞生之后，再嚟饮番碗蟹皇鱼翅炖鱼鳔补一补。 :)

四川式蒸鸡

鸡肉好嫩滑，不过味道就麻麻 :S 四川甜辣酱的味道抢咗白斩鸡原有的鲜味。

西川式炒虾球
味道同以上嗰款蒸鸡差唔多一样，一啲惊喜都冇，所以就算虾球几爽口都冇用。:S

唔係呱？又係西川式？又係咁嘅颜色？

食到呢度，大家已经开始打冷震，因为前两道餸都係咁上下味道，依家就连呢条海石斑都係咁嘅样，分别只不过係呢個味道比较酸辣，稍微可以刺激条脷。至于口感方面亦有待改进，事关蒸得太耐，所以完全食唔到蒸鱼嗰种软滑嘅肉质。

我当晚最满意亦係最健康的一道餸：焖鲍鱼片，海参，鱼鳔，发菜及西兰花。

卖相好似几吸引嘅鲍鱼仔炒饭，其实好难食！:( 唔单止冇味道，而且又干又硬，好似食紧隔夜饭咁，失望！阿妈嘅鸡蛋炒饭仲好味。

食咗咁多“富贵”餸之后，终于轮到甜品出场，好彩呢個芋丝年糕都算唔错，甜度适中。其实除咗年糕之外，仲有一個杏仁汤圆，但係一围檯里面只有两個同事可以接受佢嘅味道，哈哈～我亦無谓将佢摆上网。

影完咁多食物，又係时候影下身边的同事。 :P

Damien 係公司的老臣子，唔好睇佢咁嘅样，其实“语言”天份好高，而且非常锡老婆。

来自柔佛州的同事- Kenvee，为人风趣幽默，周毕时都会讲啲冷笑话娱乐大家。XD

好可爱的妈妈同仔仔- Suzie嘅仔仔Daniel係受中文教育咖，所以可以讲得一口流利华语，醒目仔一個！

最紧张嘅时刻终于来临啦！头奖：32” SONY LCD，二奖：Home Theatre 一套，三奖：Samsung 数码相机一部，四奖.....

今晚所有丰富的奖品都冇我份，我好‘不幸’咁攞到KFC 餐劵！=_=''' 属猪的朋友今年真係冇运行！點解俾我餐劵～～～我都唔想食炸鸡！

-

西川豆花饭庄 Si Chuan Dou Hua Restaurant

ADD: Park Royal Hotel, Jalan Sultan Ismail, 50250 Kuala Lumpur.

TEL: 03.2147.0088

GOLDEN FISH BAR 百年历史英式炸鱼柳+薯条

嚟到伦敦，当然要试闻名全球的英式炸鱼柳配薯条(English Fish & Chips)，否则必定抱著遗憾返大马。:P 虽然炸鱼柳呢個道地美食係伦敦到处可见，但係要食当然要揀最正宗，最历史悠久及最受英国人欢迎的炸鱼柳啦！经过一轮网上资料搜集之后，我哋揀咗拥有超过150年历史的传统炸鱼柳店 Golden Fish Bar，一场英式鱼柳探险即将开始...

傍晚六点，我哋由King Cross行路到Farringdon Road 的黄金鱼吧 Golden Fish Bar。一路上好静，周围啲铺都已经扇晒门，搞到我哋边行边担心呢次鱼柳探险会白行一趟，好彩... 老板话佢哋今日六点扇门，哗！真係行迟半步都冇得食！

虽然依家已经六点搭三，但係老板都冇拒我哋于门外，依然生意照做，唯一‘條件’就係只限外卖，所以我哋唯有去附近嘅公园石凳坐底慢慢食。除咗有各种炸鱼柳同薯条之外，仲有炸鸡，濑尿虾，香肠及鱼饼等等令人流口水的食物。

*调味酱料另计

我嘅鳕鱼柳即将要落嚄炸啦！嘻嘻，好期待一下。

老板将啲新鲜炸起嘅薯条放係报纸上。

*英国传统的炸鱼柳都係用报纸嚟打包咖，不过当然唔係用我哋平时睇开嘅报纸，而係冇印字嘅报纸，嘻嘻~

等咗大约十五分钟，终于得到手啦！！！ XD

炸鳕鱼柳+细份薯条 (英镑5.2)

鳕鱼肉非常新鲜有口感，但係一啲味道都冇 :S 原来佢哋嘅炸鱼柳係完全唔落调味料嘅，食客可以依個人喜好免费落盐及醋，但係其他酱料例如茄汁就要另外计算。其实我個人唔係好习惯食呢种“原汁原味”的炸鱼柳，虽然落咗好多盐，但係外面咸，里面却冇味，感觉怪怪哋...

炸香肠 (英镑1.3)

几爽口但係好咸，好似食紧客家炸猪肉饼甘 XD

门外贴住鱼吧营业时间，但係未必可靠，食客最好先打电话确定一下。

-

GOLDEN FISH BAR

ADD: 102-104, Farringdon Road, London.

TEL: 020 7837 3547

GREEK DESSERTS 希腊甜品（甜到痹）

希腊除咗有神圣及高贵的一面，其实仲有好“甜”的一面，甜到你同我都未必能接受，讲紧嘅唔係希腊人或D建筑物，而係希腊甜品。

希腊甜品被当地人称为"sweets"，顾名思义甜到飞起，哈哈！唔係我夸张，而係佢地的甜品真係得個“甜”，里面都係糖浆及果仁。:S 我唸希腊人患上糖尿病的机会应该相当高。

驶向圣托里尼南部的道路旁（距离Emporio大约十分钟车程）有一间面包甜品屋，招牌写著''BAKERY & SWEETS''。 里面售卖各式各样的面包，西饼，甜品，蛋糕及饮品。天气咁冻，叹番杯热咖啡及甜品应该好有满足感...虽然外皮好靓好酥脆，但係里面都係糖浆及开心果粒，甜到痹! ! 食咗之后好似有D头痛 :(
一齐同呢塊“ 甜蜜蜜”合照。 :) 希腊甜品睇落好精致吸引，但係好睇唔好食。 呢個好似澳门四宝咁煙韌^^ 好可爱的圣诞装饰。 试一试，你一定俾佢“甜死”！ 我称佢为“笑哈哈面包”，因为佢嘅口好大！里面条火腿好似一条脷！XD包装五颜六色的朱古力及蛋糕。 希腊朱古力品牌- Divine。 循例都要影番张相。 :)

SANTORINI - VILLA MARILY 地球上最浪漫的早餐

眼前呢一幕無敌海景真係同明信片上见到的景色一模一样咖！啊~~圣托里尼，我终于可以同你如此亲近啦！:D 呢種感觉就好似暗恋咗一個人好耐，朝思暮想，幻想又妄想，依家终于可以得到手啦~哗哈哈哈！真係訓着都会笑醒~ XD

-
冬天的圣托里尼（爱琴海）特别宁静，可以话係人影都唔多個，因为大部分居民都会係冬天嘅时候搬去其他地方避寒，所以见到猫猫狗狗的机会多过见到人係一啲都唔出奇咖~ :D 对于专程嚟呢度影婚纱相的 Tom & Ivess 嚟讲绝对係一件好事，因为锺意點摆點影都得，又唔会有闲杂人出现或者遇到摄影过程上不必要的阻碍。不过，对于喜欢觅食的我就变成一项挑战，真如我刚才都有提过，人影都唔多個，啲餐馆又點会有人开门做生意啊！就算有，都要时间揾 :S
-
救命啊~唔通真係要山长水远嚟呢度食西北风？当然唔係啦！我嘅‘求生’意志力甘强，又點会俾自己挨肚饿，嘻嘻！别墅负责人话呢度附近有超市Carrefour，所以放低行李之后，我哋就即刻租车到附近周围睇下，顺便买啲材料准备一下。

傍晚5點几的天色已经开始入黑。位于Fira的超市营业到晚上8點，所以要买就要趁早。 呢度买唔到新鲜的肉或海鲜，只有冷藏食物及干粮，想煮餐好嘅都难。:S
买咗啲面包，鸡蛋，意粉，米，罐头，芝士及红酒...
1.1.2011 早上七點，Villa Marily 前面的景色。
天与海的距离就好似咫尺之间，一片蓝。别墅四周围的环境十分平静，没有海浪声，只有自己的呼吸声。
可以係2011年第一日睇见如此令人叹为观止的景色，真係毕生难忘。 Villa Marily 的门牌 No.25
呢度周围都係“生活悠闲”的猫猫，又肥又健康，连行步路都特别型，同马来西亚的污浊猫比起嚟实在差好远。
Villa Marily 全景

今日的早餐有Tom 为大家准备的焗薯仔。
落番啲盐会更好味 :D
简单又美味的芝士焗薯仔+朱古力牛角包。
係超市买返嚟的朱古力牛角包，只需放入焗炉加热五分钟就马上变得好松脆啦！

别墅里面里面的每一個角落及细节都甘有feel :)

面向大海的别墅亦称为 Cave House, 窑洞住宅。夏天时住会有阴凉舒适的感觉，而冬天时住就冻上加冻！好彩屋主准备咗两個暖炉 :D

别墅里面的装饰与摆设俾人一種温馨舒服的感觉。

（美女）厨房 XD

别墅负责人早已经为我哋准备咗啲果汁，鲜奶，牛油及乳酪。

厨房外的景色，煮饭都写意过人！

即刻就要派上用场的材料。

轮到我为大家亲自下厨准备今日的早餐。 :D 煎午餐肉好易唶！

地球上最浪漫的早餐地点，嘻嘻~

用爱心炮制的早餐 :D

可能唔係最好味的早餐，但係绝对係最浪漫的早餐！ XD

能够煮早餐俾人食係我嘅荣幸亦是一種满足感。^^

Ivess 同猫猫玩...

人唔怕猫，猫亦唔怕人，大家都过得悠闲自在。

寻日食剩的希腊比萨，叮一叮之后一样甘香！

好得意的两公婆。

两款暖炉，左边嗰個可以好似风扇甘转。

蜜蜂亦懒得侵犯人，忙住採蜜。

早晨的天气有几冻可想而知。

圣托里尼- 一個人间天堂，一個人一生中必去一次的地方，将自己变成明信片里面的主角，然后将回忆带走。

-

Villa Marily

ADD: Imerovigli, Santorini, Greece.