Estica: STEVEN‘S CORNER 全吉隆坡最著名嘛嘛

20100309

STEVEN‘S CORNER 全吉隆坡最著名嘛嘛

STEVEN'S CORNER 系华联花园呢个华人住宅区立足甘多年，生意一直非常好，每晚都客似云来，搞到檯檯凳凳摆满成条街都唔够坐。到底呢度有乜甘吸引？D嘢系咪甘好食？价钱系咪好平？还是系环境好舒服？相信呢D都系见仁见智，而我就真系唔觉得STEVEN'S CORNER 冇乜甘特别，斋睇都系一间嘛嘛餐馆（MAMAK:印度回教人在马来西亚的称呼），卖D食物同其他嘛嘛大同小异，环境都系一般，但就每晚都爆晒棚，羡慕死同行。
STEVEN'S 之所以甘成功，当中梗系有段故，唔讲你唔知，佢其实系掀起MAMAK文化的祖先。MAMAK文化系指夜晚坐系呢D印度档、餐馆或街边饮茶，而STEVEN'S CORNER 呢个地方系十几年前就已经变成年轻人的潮点，最大原因系因为佢营业到凌晨两三点，所以吸引咗好多年轻夜猫子嚟呢度饮茶食宵夜。虽然同期都有其他嘛嘛，但系人唔多就冇人要去，人越多就更加多人去，年轻人都系锺意一大班聚集系比较热闹的地方，所以STEVEN'S CORNER的生意就越做越好。另外，我个人觉得呢度D食物又真系比其他嘛嘛好味，就譬如话炸墨鱼、印度烤芝士面包（CHEESE NAAN）及印度炒面都系我的至爱。