印尼巴厘島是一個所有喜歡陽光舆海滩的朋友都嚮往的渡假勝地，亦是新婚夫婦們理想的蜜月天堂。而對我而言，巴厘島係一個令我十分難忘的地方，肉麻故事我就唔講喇，不過有樣嘢我可以同大家分享的就係巴厘沙爹喇！我知道有些朋友可能會話大馬的加影沙爹够出名好味喇，點解我係都要話外國的月亮特别圓？！:P 其實我都以我國的沙爹為榮嘎，只不過論口感同香味就好似輸咗"少少"（我唔敢講多，免得得罪自己人）俾巴厘沙爹囖 ~ XD
想知道巴厘沙爹點解可以戰勝馬来沙爹？請往下看。
今日晚餐的地點並非我在網上預先搜集的“必食名單”裡面，而係當地人-司機的好介紹。為於Seminyak區的Sate Bali (沙爹巴厘)係一間小型傳統巴厘式餐館，得到司機推薦的主要原因當然就係呢度的食物有水準，其次就係價錢合理以及環境氣氛良好。
名符其實的"燭光晚餐"。:P
由於餐館的四周圍都比較黑暗，容易招惹蚊仔的拜訪，所以老闆細心地為客人準備咗呢支"OFF"！只需係身上噴一噴，所有蚊仔即刻fly off ! :D
首先上桌的有印尼特产-恩餅(Emping)，一種由Melinjo果實製成的炸餅，口感類似炸薯片，係當地最長見的小食之一。另外餐桌上亦可見到有三種自製酱料，唔係恩餅的配料，而係幫助增添燒烤食物的味道，令客人可以體驗不同酱料所带来的味覺享受。
米飯係印尼人的主食，所以一餐正統的巴厘餐又點少得香噴噴的米飯。Sate Bali 為客人提供三種米飯- 白飯，糙米飯及印尼黄飯，份量多少由客人自由决定，而且加飯不加錢，食幾多都係只收一個價，:D 我锺意！
除咗加飯不加錢之外，就連呢碟巴厘式炒蕹菜都係免費嘎！:D 蕹菜的味道香辣可口，越食越開胃，搞到大家對下一道餸更加期待。
嘩～嘩～嘩～不容错過的巴厘沙爹終於擺在我們的眼前喇！（流曬口水）
沙爹四拼(Mixed Sate RP. 78000=RM27)-有鷄肉沙爹、猪肉沙爹、牛肉沙爹以及海鲜沙爹。每一串肉厚多汁的沙爹擺在特别的碳燒石盘上，新鲜热辣，香味四溢，尤其係用香茅串成的海鲜沙爹，好味層度令我難以形容。*極力推薦*
好嘢連一接二 :)，以上呢碟海鲜燒烤拼盘(Grilled Mixed Seafood RP.270000= RM94)亦是呢間餐館的招牌美食。如其洗幾百蚊馬幣去海邊食貴夹唔飽的風景餐，不如嚟呢度嘆豐富又美味的海鲜BBQ，有大魚、大蝦同大墨魚，分量足够四人享用，超抵食！=) 
師傅在海鲜上面放咗大量辣椒粒、蒜米粒、酸柑粒、大葱粒等等又酸又辣的材料，令大家直叫過瘾！XD
師傅的燒烤功夫真係令小女子甘拜下風！我手上呢塊肥厚的魚肉，表面輕微燒焦，散发出迷人的碳烧香味，而裡面的肉質軟滑多汁，十分鲜味，係我有史以来食過最好味的燒魚，完全不需要靠任何辣椒酱或多余的調味料去装飾自己，原汁原味！ 
咬咗好耐都咬唔断嘅墨魚...駛唔駛嫩成咁？
今晚所有的食物都令大家相當满意，尤其是沙爹特别叫人難忘，希望明年可以再返嚟！
SATE BALI
ADD: Jl. Laksmana/ Oberoi No. 22A, Seminyak, Kuta, Bali.
TEL: (0361)736734
EMAIL: satebali@yahoo.com
No comments
Post a Comment