JADE POT 叹一品火锅送生猛肉蟹

唔知你认不认同我讲呢句话：“有华人既地方，就有火锅食。”食火锅（打边炉）呢个玩意其实包含咗团聚的意义，无论係三五知己亦或一家大细都锺意围住个锅边倾边食，就好似西方人锺意聚埋一起BBQ甘。係马来西亚可以食到好多种汤底既火锅咖！有中国麻辣、泰式东炎、猪骨汤、豆浆、药材汤等等，仲有粥地火锅添！无论你试过既係PULAU KETAM火锅，SUNWAY一带D 自助火锅，海港火锅亦或者係COCA泰式火锅，你一定要嚟呢度试下，因为D材料好正好新鲜，汤底又落足料，绝对唔係一般胃味精汤甘肤浅。

有三种汤底-粤式老火汤、潮式芋头鱼汤、泰式东炎汤，而我地揀咗老火汤。
四种酱料-麻辣酱、腐乳、泰式青辣椒酱、红辣椒酱。我最喜爱泰式青辣椒酱，好醒胃！

虾饺放入火锅你又试过未？ 里面係好爽口的原只鲜虾，食一粒梗係唔够！

食上RM50就可以免费得到一只肉蟹，超值优惠。

（左上）二人套餐RM49,我觉得价钱都几合理，事关全部都係自制丸同釀料，就连个炸腐皮都做得好干脆，好似一D油都无甘。（右上）师傅将D材料摆係英式下午茶用开D四层架上，突然令我觉得食火锅好高贵优雅~:D

餐牌- 黄金虾丸就如D澳洲鲍鱼甘吸引

火滚！

一樽罗汉果凉茶RM10，两个人饮就岩岩好，最适合清热降火。食饱咗之后，嚟个随套餐附送的柠檬JELLY，感觉好舒服~正啊！

餐厅好阔落舒适，似酒楼多过似火锅餐厅，就算一大班朋友嚟都唔怕无位坐。

-

一品锅 JADE POT STEAMBOAT RESTAURANT

ADD: No. 413, Batu 5, Jalan Kelang Lama,Kuala Lumpur

TEL: 03.7987.9918

*BRANCH: No.5, Ground Floor, Plaza Prismaville, Jalan 19/70A, Desa Sri Hartamas.

HACHI-BAN NO.8 熱辣辣拉麵

位於曼谷的Hachi-Ban Ramen 就好似我們馬來西亞的Ajisen Ramen咁，同樣都係來自日本的拉麵專門店。第一間Hatchi-Ban Ramen 誕生於1967年的日本石川-加賀第八路線，因此命名為Hatchi-Ban（八番），係一間又細又簡陋的小餐館。雖然間餐館只得25張凳，但係每日都有人排曬隊等食他們最著名的蔬菜拉麵，高峰期仲一日賣出300碗拉麵咁多。而今時今日的Hachi-Ban Ramen已經遍布於亞洲各個城市- 泰國、香港同台灣，令更多人可以食到原汁原味的蔬菜拉麵。

為咗配合泰國市場而特別推出的海鮮東炎拉麵，酸酸辣辣好開胃！

Gyoza 日式餃子- 外脆內軟，餃子皮煎得好靚，裡面D肉汁仍然保存。 Tori Karaage 日式炸雞- 香脆可口！

Char Siu Ramen 叉燒拉麵- 傳統拉麵就係咁簡單好味，不需太多材料。

Terriyaki Ramen 照燒醬雞拉麵- 融入咗照燒醬的湯水特別香甜。

各種調味料任君選擇。

簡約舒適的拉麵館,令客人可以放鬆心情享用美食。-

Hachi-Ban Ramen

ADD: Chamchuri Square, Pathum Wan, Bangkok

UNDERGROUND TRADITIONAL THAI CUISINE -BANANA LEAF 廣場低層食家鄉泰國餐

Shopping-永遠都係女性的嗜好，就算係由早行都晚都無所謂，因為對女性嚟講係最佳的運動，哈哈！今日在Platinum Mall掃完貨之後，本來打算返酒店冲番個靚麗涼休息一下，但係我們行咗大半日都無嘢落過肚（因為紅衫軍入侵，導致Siam一帶的廣場只開幾個小時，所以我們分秒必爭:P），已經開始肚餓，所以就在酒店附近的Silom Complex揾食...終於揀咗呢一間青吡吡的Banana Leaf。

Shopping完後，就梗係要滿足番個胃~ 曼谷果然係一個購物及美食天堂, 有靚嘢買又有好嘢食，而且消費唔高。

Fried Shrimp Cake 煎虾肉饼- 超好味！啖啖都係新鲜爽口的虾肉，哗~

Thai Style Steamed Fish 泰式蒸魚- 酸辣程度爆燈，食到幾乎面部抽痙，不過好過癮！！

Seafood Otak-Otak 咖哩海鮮包- 同大馬的的麻坡烏達(Muar Otak-Otak)有些少唔同，這裡的材料比較豐富， 除咗有魚肉、墨魚、蝦仔之外，仲有好多蔬菜。一個海鮮包足夠4-6個人享用。

用普通碗裝著的黃梨炒飯Pineapple Fried Rice，賣相扣曬分之餘味道亦好淡，應該用較甜的黃梨及加番些少黃薑咖哩粉。

嚟泰國就梗係要食東蔭公Tom Yum Kung！放在火炭上的瓦煲東蔭湯，飲落每一啖都咁熱辣辣，好鬼刺激！

Stir Fried Vegetable 清炒時菜- 師傅落鹽重手，所以有D咸~

雖然廣場人潮唔多，但係Banana Leaf 的生意都算不錯，坐滿80%人。

-

BANANA LEAF RESTAURANT

ADD: Basement Floor, Silom Complex, Bangkok.

TEL : 02 231 3124

KUALA LIPIS HAKKA NOODLE 瓜拉立卑彰哥客家面

有四分之一大埔血统的我，自细就接触各式各样的客家菜, 好自然地对客家美食存有一份深厚的感情。无论系算盘子、冬菜蒸猪肉、姜酒鸡还是客家面，都系我心目中留下好多童年回忆，令我好怀念婆婆伴住我地长大的日子...可惜依家已经冇可能再食返个种家乡味，因为婆婆已经离开咗我地，而呢D传统客家美食就跟著失传，冇人识得做客家菜，就算识都冇婆婆的厨艺甘好。
由于对客家美食深切思念，所以凡系有客家餐馆我都唔会错过...包括呢家位于 PANDAN INDAH 的彰哥客家面！其实彰哥客家面系彭亨-瓜拉立卑KUALA LIPIS 可谓家喻户晓，但系听讲呢间彰哥客家面同瓜拉立卑个间系冇任何关系咖，阿贤曾经都有系节目访问过瓜拉立卑-彰哥客家面的老板，佢仲话“只此一家，别冇分行”，所以结论系有两个彰哥，两个唔同肠出嚟的彰哥。

彰哥客家面馆位于PANDAH INDAH STEVEN‘S CORNER 斜对面。

粗面掺丸（鱼丸+猪肉丸）RM4.20一碗（细），价钱合理。睇落好似一碗好简单普通的面，其实卖点纯碎在于佢地的自制面条～～爽口新鲜，冇碱水味，冇防腐剂及人造色素。肉碎清甜唔肥腻，加上青葱的点缀之下碗面变得更吸引。*注：此面只适合口味清淡的朋友，如果你系食惯猪油捞面或猪油渣云吞面等较口味较重的面，大有可能你唔会锺意食彰哥客家面。

锺意食辣的朋友，可以系碗面度加上彰哥自制辣椒酱，然后捞埋一齐食，味道好唔错咖！

（左上） 除咗客家粗面同幼面，彰哥亦有自制老鼠粉，客人可以另外购买返去自己煮。（右上）原味客家面-细碗 RM4.20, 大碗 RM4.80 （左下）鱼丸粒粒新鲜弹牙 doink~ （右下）猪肉碎特写
-

CHONG KO HAKKA NOODLE 彰哥客家面
ADD: Jalan Pandan Indah 1/22, Pandan Indah, 55100 Kuala Lumpur.