我從來都未去過冬天會落雪的國家，心裡面一直覺得落雪的地方離我好遙遠，就好似永遠都去唔到一樣。白色的小木屋、白色的松樹、白色的土地、白色的熊...我以為只會出現係電影《納尼亞傳奇》Narnia或聖誕故事裡面。但其實唔係，世界上真係有如此完美的畫面，就連身在其中都會感覺好似發緊夢一樣，因為一切實在美麗得令人難以相信---這就是日本的北海道 (興奮)。
吉隆坡國際機場 > 東京成田機場 > 東京羽田機場 > 北海道女滿別機場，全程大約10小時（包括从成田機場搭巴士去羽田機場）。 
再見東京！
哈囖北海道!
一到步，我們就直接到機場附近的Nissan租車公司去租借我們在網上預訂的Nissan Elgrand。七日租金大約係馬幣4800 （好重皮啊～），而且唔包括油費，所以要係北海道自由行一啲都唔經濟嘎，反而跟旅行團會比較划算。不過自由行點都精彩過跟團嘅～行程可以自由安排，又唔駛曬時間等陌生人。:P
安置了行李之後，我們就隨著GPS的指示出發喇！ 注：日本的GPS真係好先進嘎，只需輸入目的地的電話號碼就可以順利到達喇！快而準 ! :D
由申請咗國際駕照的津漢帶領大家到目的地。 注：大馬人申請國際駕照的費用係 RM150。 
在途中，芬莉忽然間從手袋中攞出一包Hello Kitty 的人形焼（購於機場）請大家食，搞到我們V嘩鬼叫咁興奮，幾乎嚇親正在駕駛的津漢，哈哈哈～
每一粒人形焼裡面都包著唔同的餡料，例如朱古力、紅豆以及奶油等等，無論口感或味道都一樣令人覺得滿足。咁可愛的Kitty，我又點忍心一口就將它毀屍滅跡，我首先食Kitty的頭，然後食它的雙腳.，再慢慢品嚐它的內臟...一口接一口，看著它消失於我的口中，而我竟然有痛快的感覺。XD
（旅舍前的景色）冬天的北海道日短夜長，踏入四點就開始天黑，令我特別想早睡。 :P 
旅舍內不但溫暖，而且亦相當舒適，令我們有回家的感覺。
日本人對於美感和細節都非常講究，就連房間鎖匙亦跟足整棟旅舍的設計概念（以木料為主），將房間的名字雕刻在樹枝上面，既實用又有創意。
我們的四人房間分上下兩層，每一層有兩張單人床。房內備有洗手盆及吹風筒，住客可以係房內做一般的面部梳洗，不過若要沖涼或如廁就要到旅舍樓下的公用廁所或浴室。住客大可以放一萬個心，因為無論房內或公用廁所/浴室的衛生及清潔都做得非常好（話曬都係日本），住客想投訴都好難。除此之外，浴室內備有溫泉，而且亦免費提供資生堂Tsubaki 洗髮乳及潤髮乳，女士們就唔駛再帶一大堆沐浴用品而導致行李超重喇! XD 
非常好玩的房間，可以爬上爬落做運動，哈哈～
爬上去睇一睇 !
沖完一個熱水涼後，差唔多又係晚飯時間囖～我迫不及待將頭髮吹乾，然後跑去樓下享受廚房傳出嚟的香味，飢餓地等待我們在北海道的第一個晚餐。^^
（晚餐篇即將出現，請耐心等待...）
Kussharo Genya YGH 屈斜路原野ユースゲストハウス
ADD: 443-1 Kussharo-genya Teshikaga-cho088-3341 Kawakami-gun Japan
TEL: 81 1548 42609
WI-FI: Yes
No comments
Post a Comment