Estica

20101212

MARU KOREAN & JAPANESE 日韩料理之我们的私人空间

为咗同佢庆祝生日，我做咗好多RESEARCH- 考虑范围包括：日本餐（因为我地都锺意），地点要特别（气氛都会好D)，食物要有水准（如果唔係就好扫兴），环境唔可以太吵及有私隐（无论讲话或影相都比较方便）。果然，皇天不负有心人，竟然俾我揾到呢间私隐程度极高的日韩餐厅-MARU，地点位于MONT KIARA 某高尚公寓里面，无论环境或食物都相当吸引，而且仲有私人房间，咁我地就可以係不受干扰的环境之下慢慢享受呢個生日大餐啦！:D

BACON ENOKI 猪肉火腿包金针菇

里面有好多金针菇，而且包得几扎实，建议沾上照烧酱，味道会更好。

MARU係MONT KIARA的一大秘密 -地点靓，食物正，价钱平。

我好荣幸同你一齐分享呢個秘密:D (你唔好话俾人知OK)

左望右望...我们的私人房间虽细，但係感觉ICHIBAN。^^

（最好就係可以食烟，啱晒佢）

餐牌好吸引，乜花款都有。最大嗰隻刺身船只不过RM60，笑（XIAO)!

呢度有卖猪肉！

胡椒 & 盐两兄弟，一個脾气躁，一個好咸涩。 XD

无论你选择食日本餐或韩国餐，佢地都会免费俾你 KOREAN STARTERS 韩式前菜。
有9款咁多，包你即刻‘开胃’！

其中之一款前菜：黑芝麻沙律
我超锺意！！

接落嚟有 JAPANESE STARTERS 日式前菜（一人一碟）：

炸鸡 TORI KARAAGE，炸软壳蟹 SOFT SHELL CRAB ，猪肉卷PORK ROLL

每一样都咁好味，而且又係免费咖！老板咁大方，我一定会落多几钱肉紧推荐呢個好地方俾大家。

前菜未食完，主菜就嚟到，真係生多個口都食唔切。:P

SASHIMI （5 KINDS）有五種海鲜刺身的船仔
非常新鲜，而且每一片都咁厚身。

三文鱼厚度啱啱好，最适合摆落口度慢慢嚼～用好似嚼香口胶咁嘅力度，嚼下嚼下，好过瘾。

HOTATE SUSHI 扇贝寿司
佢鲜味无比，而我就快乐无比 :P

TENZARU SOBA 冰冻荞麦面+天妇罗

天妇罗炸得好酥脆，面又滑又爽口！

我個人非常喜欢呢张相，如果外面落雨（最好可以落雪）相信感觉会更加好 :D

佢都几锺意呢個地方，好自然地又提起佢去日本时點點點... XD
(其实我都好想去）

我无聊行去隔篱房取景，感觉超正！
不过如果夜晚有人係度玩秋千就有D恐怖 :S

寿司吧。

同一般日式餐馆好唔同，呢度有自己养嘅海鲜，就好似呢条波点鱼...

仲有我地刚才食过D章鱼刺身...咦～好似好恐怖。

饱到冇声出～

HAPPY BIRTHDAY！希望你永远健康快乐 :*

我们的私人空间有道门，锺意點就點，哗哈哈～

韩国烧烤的价钱同日本餐一样咁合理，下次一定会再返嚟食！

陶醉在其中...

唔怕热的朋友可以选择户外用餐，环境都几舒服，又可以睇到游泳池（顺便睇埋性感比坚尼）XD

餐厅外面的圣诞装饰 :)

全程气氛都好温和平静，直至我见到呢张单据，心跳同表情都突然紧张起嚟 =D

有冇搞错？食咗咁多嘢，尽然唔使一百蚊？我从未俾钱俾得咁开心，哈哈哈～

喜欢食日本或韩国餐的朋友一定x2要嚟食啊！（记住，唔好话俾人知）XD

MARU KOREAN & JAPANESE RESTAURANT

ADD: 20-00-6 Cafeteria, Angkupuri Condo, Jalan 1/70C Off Jalan Bukit Kiara.

TEL: 03.6201.1471/1472

BUSINESS HOURS: 11am-3pm & 6pm-10pm

20101210

BIG BROTHER 最令人期待的意大利芝士鸡扒

又係星期五...

我爱星期五，因为佢俾我的感觉好似永远都係"the night is still young" 甘！:D 所以放工咗之后，我就同蛇仔明及Gary 三人一齐去Kota Damansara揾食，目标係一间马来同胞营业嘅西餐馆，叫做BIG BROTHER。未嚟之前我对呢间餐馆抱住半点怀疑，因为当蛇仔明话呢间餐馆係马来同胞开嘅时候，我即刻联想到Taman Mayang的William Western Mamak- 佢係一间...唔係...应该话係一档，一個街边露天西餐档- 出名食物分量大，但係味道麻麻，价钱却同一般西餐馆冇乜分别，而且环境污浊，真係'物不所值'。

由于曾经有过甘嘅遭遇，所以我对马来同胞营业的西餐馆都冇乜信心，但係既然蛇仔明极力推荐，我就梗係要试下啦~哗~~~不得了！一试之下即刻爱上，呢度D西餐真係好好味啊~

位于KOTA DAMANSARA的BIG BROTHER RESTAURANT & GRILL。餐牌上的照片好吸引，每一样都好似同我打紧招呼甘 XD

左揀右揀，最后我揀咗芝士鸡扒。招牌厨师沙律 CHEF'S SALAD

材料丰富，沙律酱好特别 *必试！我，蛇仔明及Gary三人都超锺意的薯泥 MASHED POTATOES，味道一流！*必食！
CHAR-BROILED LAMB CHOP 炭烤纽西兰羊扒 RM18.90

整碟羊扒的表现有过而不失，无论主角，沙律或炸薯条都甘有水准。 AU GRATIN CHICKEN CHOP 意大利芝士鸡扒 RM16.90

好震撼！好浮夸！美味程度令我感动~试一试你一定好锺意！:D

CHAR-BROILED RIB EYE STEAK 炭烤黑椒牛扒 RM29.90
由于煮得太熟，所以口感欠佳，黑椒酱汁亦难以渗入肉质里面。
我個人比较喜欢六成熟牛扒。

GARY与牛扒开心合照。

ICED PEACH TEA 冻蜜桃茶
货真价实，有真桃咖！

每次食D油腻嘢我都一定会點番杯热绿茶，饮咗之后好似冇甘内疚~XD

多谢蛇仔明介绍我地嚟呢個地方，我嘅胃口好满足！

-

BIG BROTHER RESTAURANT & GRILL

ADD: No. 3-G, 3-1, Jalan 5/20, Pusat Perdagangan Kota Damansara, PJU 5, 47810, Selangor.

TEL: 03. 6142.7678

BUSINESS HOURS: 10am-11pm

20101209

FROM AUSTRALIA 来自澳洲的手信

"惊喜"呢家嘢真係好奇妙，佢会系你预料之外突然出现，然后令到你开心到不得了。可能係一下，亦可能係几日几夜都未能平复，就譬如话求婚，相信呢個係每一個女仔都毕生难忘的惊喜及经历。而对我嚟讲，其实生活每一日都係惊喜，因为冇人会知道下一秒会发生乜嘢，是惊或是喜，令人满怀期待。

最近我就收到一個惊喜，係一個手信。其实朋友去旅行买手信俾我应该係一件好普通的事，但係重点在于我从未唸过呢個朋友竟然会买手信俾我，而且仲买咗份我肯定会锺意的手信-茶壶，真係好惊喜！估唔到一個认识唔耐兼第一次去澳洲旅行的朋友竟然会买一份甘有心思嘅礼物俾我，惊喜之余觉得感动^^。點解我甘锺意茶壶？其实就要由几年前讲起-我第一次接触传统英式下午茶(ENGLISH AFTERNOON TEA) 嗰阵时...好自然地迷上咗叹下午茶的感觉及漂亮茶具。

来自REESE的手信：薰衣草色的二合一茶具+ 30克英式早茶叶

精致得嚟又几有创意性，上面係茶壶，而下面就係茶杯。

其实饮茶唔一定要同一大班朋友去D人流多的地方，有时一個人係屋企，听听音乐，悠悠闲闲甘叹番壶茶亦是一种人生乐趣，真所谓偷得浮生半日闲。

*配角〉皇冠猪仔係KURT年头去日本时带返嚟的手信，亦都係一個大大惊喜，因为我从未唸过一個外表睇起嚟有些少'cool'的男仔竟然会走去公仔机挟隻猪仔俾我 XD 我超喜欢呢隻猪，因为佢识行识叫，而且係用心机同时间挟返嚟咖~TQ!

茶叶散发独特而舒适的清香味，再加上背景播放的法语歌曲，令我觉得早晨叹茶特别美好^^

好似突然间到咗巴黎某一角落...

茶叶浸咗几分钟之后就可以倒嚟饮啦~
讲真，越睇呢個茶壶越觉得佢可爱，肥肥矮矮 =D 好衬后面嗰隻猪仔。

其实我觉得每一個牌子茶叶的味道都差唔多一样，原因唔係我味觉迟钝而饮唔出佢嘅分别，而係饮茶讲求心情，你饮嗰杯茶时嘅心情。
冇坏茶，只有坏心情。

20101206

PANTAI SEAFOOD 水上人家-名菜试食

其实今次觅食地点係位于KG SG KAYU ARA 的啦啦张(LALA CHONG) ，但係由于临时收到唔少负面的评价-话佢的食物水准退步咗，所以大家就临阵改去同一条街的水上人家(PANTAI SEAFOOD)。久仰大名好耐，而今次终于可以探讨一下呢间海鲜餐馆的菜色，到底谁胜谁负？睇落去你就知...