20110423

ORGANIC GOES CHIC 有機很潮

點為之健康饮食? :) 咁當然係要符合三高三低”的标准啦!三高即是高维生素,高纤维素及高微量素,而三低即是低糖,低盐及低脂。要做到呢几點真係唔容易,除非食住家餸,外面的食物通常都唔会健康都邊 :P 不过,随著时间的进步及现代人对于食物的要求,以健康為大提前的餐馆越嚟越多,當然佢地都係斋馆(素食馆),哈哈!XD 一唸到食斋,就好自然唸到D假鸡,假鱼,假肉等用面粉制成的翻版食物 XD,高淀,高盐,唔肥就假!所以食斋都唔一定好,除非选择蔬果同豆腐,而且最好就係有機。近来行Empire Gallery 时发现一间深粉红的有機餐馆- Organic Goes Chic :) 感觉好潮好舒服,咁啱又係食晏时间,所以就决定入去试一试。 ^o^


"O"型标志代表 "organic" 有機。^^要食得健康,當然係要食100% 天然的有機食物。 餐牌的设计简洁时尚,一目了然。

你的有機体验由此开始...

甜腐皮紫菜沙律卷 (RM7.90),卖相犹如日本寿司般精致吸引,令人食欲大增。:)

一碟沙律邊够喉啊~再嚟多碟甜腐皮杂菜袋( RM5.90) 就差唔多!XD

咬落去时仲索索声, 有機蔬菜果然係唔同啲!:D 有機东蔭米粉 RM11.90- 味道酸辣适中,相當开胃,不过材料方面就比较寡,只有有鲍鱼菇,红萝卜,香茅及大葱,建议厨师加入多啲唔同種类的蔬菜令碗东蔭更加丰富。


呢度的有機餐可谓中西合璧,变化多端,连素梅菜扣肉饭都有!吓到~XD

西餐方面有比萨及意粉, 适合喜欢快餐的年青朋友。




Organic Goes Chic

ADD: LG32, Empire Shopping Gallery, Jalan SS16/1, 47500 Subang Jaya.

TEL: 03.5022.2155

20110418

ROYAL OPERA 我和伯爵有個约会

2011年1月9號,晚上9點
-
繁华的都市经过雨水的洗礼之后变得沉默,变得凄美。
街上没有平日的喧哗声,只有急促的脚步声,因为一個不甘寂寞的心正在赴约,雨不停咁落,我不停咁行,终于行到街口的Royal Opera。佢早就已经係里面等紧我,我心急地整理一下头髮,再泼走外套上的雨珠。越嚟越冻,越嚟越紧张,双手互相磨擦几下,好自然地摆入外套袋取暖,然后侧身咁用手臂推开道門,我和伯爵的约会即将开始...



Royal Opera- 约会好地方。
玻璃窗上的手绘图案俾人一種神圣及幸福的感觉,令我联想到一对正在教堂中行礼的新人。

若然将伯爵比喻为男人,我可以话巴黎令我遇上最好的男人。虽然曾经和不同的伯爵有过无数次的邂逅,但係冇一個能够给我呢種感觉,遇上你,我先知道乜嘢係最好。Comptoirs Richard - Grand Earl Grey 绝对係伯爵之中的极品,我只想好好拥有。

Comptoirs Richard 的茶包袋唔係用纸做成,而係用高质素的丝绸网制成,一摆上手就可以感觉到佢嘅柔滑质感,过后仲手留余香添~ :D

要懂得享受杯中物就要懂得三個步骤: 1.觀- 静觀茶色的变化 2.聞-用嗅觉感受茶香 3.饮- 细啖品尝。

伯爵茶的热气随品尝时涌向脸上,阵阵清香的佛手柑味道,令我觉得好似做紧香薰facial咁,舒服到不得了~ ^^

爱人點咗呢杯热朱古力,相當符合佢黑黑实实的形象。XD

雨天时可以饮杯香浓的热朱古力有種说不出的幸福。

如果你有机会光顾呢间咖啡屋,記得要望多两眼,我係话望呢度的男性侍应,嘻嘻~因为每一個都好似同一個厂出嚟咁,同样发型,同样身形,连個面孔都几乎差唔多一样,咿~好得意啊!:P

沉醉于古典欧陆风之中,令我几乎忘记自己原来係個大马人。XD

价钱同本地的星巴克Starbuacks差唔多,不过环境就天同地比。
-


ROYAL OPERA

ADD: 19 Avenue de L'Opera, 75001 Paris, France.

TEL: 0142607270

20110412

TRACY'S KITCHEN 砂劳越卤味及客家加章玛鸭

拜訪砂劳越一定要有當地的朋友带领,否则必定错过好多美食,事关佢哋的美食都比较低调隐秘,要老马识途的當地人才知道。呢次古晋之行真係多得Gary,Georgina及佢一班同事,如果唔係我哋都唔会品尝到咁多砂劳越道地美食,而其中之一道比较难忘的菜式就係加章玛鸭(KacangMa Duck),单聴佢嘅名堂就知道与众不同! :)


Tracy's Kitchen 原味卤汁鸭鸡 。 卤味邊度都有,但係客家章玛鸭就只此一家,所以(女性朋友)嚟度古晋一定要试! 坦白讲,呢张相真係有啲搞笑!XD
卤鸭- 颜色比吉隆坡的卤味深,感觉上应该好够味,但原来只係麻麻 :S 而且鸭肉本身缺乏一種应有的咸香味。 卤汁味只係淡淡咁包围鸭皮,里面啲鸭肉完全冇味,失望~
唔知點解砂劳越的青菜特别新鲜好味,我嚟咗古晋几日都未曾食过“老菜”或者有苦味的蔬菜,可能係砂劳越的农夫比较有爱心。 XD
吉隆坡的卤味通常都係邊卤邊卖,就好似煮茶叶蛋咁,所以卤汁能够完全渗入食物里面而变得更加入味;砂劳越的卤味就真好相反,食物会预先卤过,然后抽干汁摆入用保鲜纸包住的铁盘里面,待食客要食时先再淋上卤汁。虽然两者都係卤味,不过处理方式唔一样就会大大影响食物的味道,我個人就比较喜欢吉隆坡的卤味,因为味道比较浓郁,肉质经过长时间慢火焖煮之下亦特别软滑。以上呢碟卤蛋连普通商场卖的茶叶蛋都不如,而且係冻冰冰咖~ (好似有啲绝 :P)
我们的卤味午餐,不过最好味都係加章玛鸭。^^
Tracy's Kitchen 獨家招牌菜-客家加章玛鸭。

"改良"自砂劳越客家人的著名食物-加章玛鸡,主要材料係由當地一種植物,亦即是加章玛(KacangMa) 连同白酒,姜及蒜米同鸭肉(或鸡肉)煮成一煲,味道略似我哋的姜酒鸡。加章玛鸡/鸭的功效同姜酒鸭一样都係女性补品,通常係产后坐月或经期后食用。 有机会嚟古晋的女性朋友就千奇咪忘记叫煲KacangMa补一补啦!:)-

-
Tracy's Kitchen

ADD: Lot251,Abell Road, Kuching 93450 Sarawak.

TEL: 082.4288.66

20110409

HOUSE + CO 家居店内有乾坤

上回同大家分享过IKEA里面的美食,今次再继续同大家往家居店“寻宝”,不过呢次係另外一间家居店,名为 House + Co,地点藏身于Bangsar Shopping Centre 三楼,属于比较宁静的位置,所以鲜少人发觉,就算行过都未必知到里面有间餐馆。House + Co 卖的食物比IKEA更加多选择,而且卖相同食物配搭亦令人眼前一亮。呢度你可以揾到鸡饭,椰浆饭,叻沙,牛河呢类型大马人口味的美食,亦可以揾到caesar salad,牛扒,意粉,芝士蛋糕等西式美食,所以無論係早餐,午餐,下午茶或晚餐时段嚟呢度都唔怕冇选择。


今日就带妈咪嚟呢度行街,顺便食個丰富的午餐,佢最驚人多吵杂,所以呢度最适合佢。:P


位于Bangsar Shopping Centre三楼的House + Co 家居店大门口。 沿路行入去都只係见到家居用品,完全察觉唔到有乜“乾坤”^^。 行到家居店的尾端,“乾坤”终于曝光!原来呢度隐藏住一间漂亮的餐馆!虽然係周末,不过人客唔多,最适合喜欢“低调”的朋友。 同IKEA一样,呢度一切家俬摆设及餐具都係自家品牌,真係一物二用。:)
五颜六色的餐巾。
望咗呢两盏燈好耐,平凡得嚟好唔平凡,低调得嚟又好唔低调, XD 就好似一個雀巢,一個等待建成的雀巢。
三文治的配搭新鲜又健康。:)
卖相好似艺术品甘靓嘅椰浆饭Nasi Lemak (RM24), 有牛肉,鸡肉及鱿鱼供选择,而妈咪就揀咗鱿鱼。粒粒绿色的饭係由巴斯马蒂米(basmati rice)煮成,所以米饭本身的味道已经好香,再加上椰浆就更加唔驶讲,而我哋平时食啲椰浆饭只有椰浆的香味,好少食到米饭的香味。鱿鱼方面甜辣适中,软度亦啱啱好,唔会难咬断。其余伴菜都做到几好,尤其是係炸江鱼仔,新鲜又香脆,并非一般餐馆能够做到。*必食!(RM7) 最特别之处唔在于呢杯茶的味道,而係杯旁边啲花生:),因为通常人哋都系俾饼仔或曲奇,俾花生我都系第一次见。:P



蜜瓜汁 (RM7) 比较罕有,所以就叫嚟试一试,味道其实都係一般。XD
石斑三文治 (RM24) 新鲜松软的杂谷面包里面夹住片片鲜甜的石斑肉,牛油果及芝士。伴碟有一塊多汁西瓜及沙律配果仁。营养价值非常高,而且亦很适合列入减肥餐单,哈哈~

**客人可以自选杂谷面包或白面包,不过要健康就梗系揀杂谷啦!


石斑鱼肉非常新鲜! 沙律的材料之一,你知唔知道咩嚟咖?:)



周围都係精致的摆设品,搞到我的相机好唔得闲。XD
燈光下的花盆美艳动人~
摩卡千层糕 (RM3.50),质感松软,咖啡味好香,必试!:D
虽然係一间家居店,不过环境同气氛绝对比一般咖啡屋优胜。=)
家居店里面竟然仲有個户外用餐区(吸烟区),老板果然够细心。
蛋糕方面除咗有例牌芝士,朱古力蛋糕之外,仲有本土风味的千层糕 (Layer Cake),而且有三種口味甘多。
呢度的家居摆设富有艺术色彩,所以任何一個角落都係漂亮的摄影背景。:)
House + Co 的家居用品属于中上层,所以价钱当然不能与IKEA相提并論。
House + Co 的地方宽敞,客人可以选择係店内,店外或者户外吸烟区用餐。
House + Co 的后门比较似係一间餐馆,可惜呢個位置比较少人会行过,所以好多人都会错过呢间概念独特的餐馆。


HOUSE + CO

ADD: Lot T101, 3rd Floor, The Bangsar Shopping Centre, Kuala Lumpur.

TEL: 03-2094 4393/ 2094 3139

Related Posts Plugin for WordPress, Blogger...

Estica ALL RIGHTS RESERVED © - Powered by Blogger