20111129

RT PASTRY HOKKAIDO CAKE 幸福的北海道蛋糕下午茶

今日的食晏地點在Taman Desa的好味導茶餐廳,食飽之後我就提議同事到附近的RT Pastry House睇一睇(其實我心里面早已鎖定目標:P)。“唔該俾我一盒!”我一踏入蛋糕店就指著擺係透明冰箱裡面的浅蓝色紙盒,紙盒裡面装著我今日嚟呢度的目的--- 北海道蛋糕!=)


我未去過北海道,亦唔知道呢度的北海道蛋糕时否真係源自于日本北海道,不過我都幾喜歡佢嘅奶油香味同軟綿綿的口感。:) 就好似食法式千層奶油蛋糕(Mille Crepe) 的感覺一樣。要嘆下午茶唔一定要去高檔的咖啡屋或酒店消費,買一盒北海道蛋糕同埋飲番杯3合1咖啡也是一種樂趣。


對电脑對到想呕, 好彩有北海道蛋糕的陪伴, 呵呵呵~ XD

包装上的字眼令我覺得有啲肚餓,“香軟綿密”,“甜美扎實”, “香甜口感”...嘩~完全點中我的死穴!>.<

一盒裡面有六粒北海道蛋糕 (RM14.80)。

"Share & Enjoy", 大家一齊品嚐北海道蛋糕,一齊幻想在北海道浸温泉的情境。=)

蛋糕面皮铺上白色的糖粉,就如冬天的北海道一樣咁美麗動人。

香滑可口的鮮奶油經過雪凍之後變得更加美味。

除咗北海道蛋糕之外,我亦買咗一粒包装精致又可爱的鳳凰酥 (Pineapple Yolk Biscuit RM3.50)。 我的下午茶- 北海道蛋糕配玫瑰绿茶,幸福~ ^^


RT Pastry House

ADD: 7-0-7, Jalan 3/109F, Danau Business Centre, Taman Danau Desa, 58100 K.L.

TEL:03.79819106 / 03.89382540 (Customer Careline)


20111128

BEN'S GENERAL FOOD STORE 超市裡面的百慕三角洲

早前同大家分享過城中最in超市-B.I.G.的點點滴滴之後,相信唔少朋友都有想到那一遊的衝動,但其實我忘記同大家講一樣非常重要的事,就係超市裡面有個迷你百慕三角洲Bermuda Triangle!凡係到超市購物的客人經過此地都會被吸入去,真係好恐怖嘎~ 而呢個充满神秘力量的地带名為Ben's General Food Store。XD




本来只打算到超市購買做蛋糕的材料,但係都唔知點解會經過呢度...然後就好似遇到百慕三角洲咁被吸咗入去,我都唔想噶。 個人有研究餐具設計及品牌的習慣,而呢度的餐具係出自于瑞士的-Sola

凱撒沙律 (Caesar Salad RM11.90)- 我已經係第二次食呢個沙律(第一次在Bangsar Village),除咗因為材料新鮮又有营养之外,最重要就係好味,尤其係炸火腿及烤芝士,真係不得了!

此沙律最吸引及最令我們瘋狂的地方就係呢塊烤到金黄色的純芝士片!仲好食過Lay's薯片,本来想買一大包入戲院食,可惜侍應話芝士片只用係凱撒沙律上,客人係唔可以只係買芝士片嘎,認真無瘾。:S

在超市裡面用餐的感覺好新鮮,因為可以邊用餐,邊觀賞超市四周圍的環境。:) 唔知點解坐係度睇人買菜揀生果,我會有一種偷窺的感覺!?

迷人羊肉香腸酥皮卷(Lamb Sausage Roll RM9.90)- 有别于一般雞肉香腸麺包/酥皮卷,羊肉香腸的味道比較重,而且口感亦較爽口彈牙,配合埋香脆的牛油酥皮一齊食真係味覺上的一大享受。*注:不適宜對羊騷味敏感的朋友。

嘩~金黄香脆的千層牛油酥皮,香味四溢,魔鬼!魔鬼!魔鬼!XD
蓝白鐵碟係呢度的特色之一,令人身在摩登的環境之下亦能感受一點懷舊的味道。


Ben's General Food Store

ADD: B.I.G. @ Publika, Lot1A, 83-95, Level UG1, Jalan Dutamas 1, Solaris Dutamas, 50480 Kuala Lumpur.

20111124

D.I.Y. HEART SHAPE HARD BOILED EGG 心形蛋

近来在網上見到一個相當有趣的“心形全熟水煮蛋”做法,過程非常簡單,相信無論係小朋友或大人都能够輕易完成,所以你都不妨試一試。:)

如果每次食Nasi Lemak(馬来椰浆飯)的時侯都有一粒爱心蛋係上面,你話幾咁賞心悦目~


用具:兩條橡筋,一根筷子以及一張紙卡(折一半)

只需依照以上幾個簡單步驟就可以做出一粒美麗的爱心蛋,為餐桌上的佳餚加分。

20111123

KEDAI MAKANAN & MINUMAN SUPER TANKER (HAWKER CENTRE) 槟城的RM2.70,好大啊!

馬幣兩個七 (RM2.70) 可以食啲乜? 一碟雲吞麵?普通茶餐室至少都收四蚊啦!一個糯米雞?我公司樓下的包檔都已經賣成三蚊。基本上要用RM2.70嚟解决一餐係冇乜可能嘎,用嚟俾Toll或者買一條Gardenia麵包就差唔多。:S 不過我必需强調的就係以上呢種情况只會出現于係吉隆坡生活的朋友(真係搵食艱難),因為當馬幤RM2.70去到槟城的時後就完全唔一樣啦!

槟城RM2.70的價值係吉隆坡的雙倍!只要你身上有RM2.70,你絕對唔駛怕會係槟城餓死,因為你能够以超經濟價RM2.70换取一碟炒粿条、一碗魚蛋粉、一碗亞参叻沙或者其他美味的道地美食。如果話一餐係RM2.70,咁一日三餐都係只需RM8.10! (搞错,點解可以平成咁?)

早前我就随土生土長的槟城同事Erica嚟到當地一個甚有名气的美食中心享用早餐。呢度的選擇就如槟城美食的總站,應有尽有,而且每一樣食物(細碗/碟)都只係賣區區的RM2.70,所以我同Erica两夫婦就一口气叫咗六樣美食嚟品嚐。其實我好希望能够試埋其他美食,只可惜容納量有限,所以唯有留返下次拜訪槟城時再一一品嚐啦!:)




美麗華美食中心坐落于Lip Sin花圜最大的街市(Super Tanker Market)對面,所以呢一带人流旺盛,經常都會出現交通擁擠的情况。

只需RM2.70就可以係呢度享用各種美味的槟城食物,難怪早上九點就已經咁多人。

卤麵! 玉米煎糕 (Apong Balik)- 口感軟熟,令我食不停口。=D



炒粿條!

雲吞麵!:) 仲有...

咖哩叻沙麵- 材料有鮮鱿、豬紅、豆腐卜及生蛤,味道屬于少辣,類似新加坡加東叻沙的味道。

蝦糕腸粉- 一道不能错過的道地美食,軟嫩的腸粉配搭香濃的蝦糕酱,加上少許芝麻及辣椒酱,多層次的味覺享受,只能將佢形容為“平凡的極品”。

芋頭糕- 質感有彈性,不過個人覺得芋頭份量不足,所以味道方面略遜色。

炸魚肉米粉- 魚肉新鲜又脆口,只可惜米粉的味道過于清淡,必需配搭大量辣椒酱才顯得好味。

就連Angry Bird都嚟呢度食嘢。

食飽之後,我就陪Erica過對面的街市-Super Tanker Wet Market買水果。我個人其實對于又湿又臭的街市非常抗拒,但呢度的街市令我行得安心,因為環境衛生做得相當好,地上没有垃圾及水迹。

蔬果種類好多,而且亦非常新鮮。


菜檔竟然有賣葫蘆,有新意!=)

Kedai Makanan & Minuman Super Tanker (Hawker Centre)美麗華美食中心

ADD: Jalan Nipah, Taman Lip Sin, 11900 Bayan Lepas, Penang.

ZHENG JIA BAK KUT TEH 不一樣的早茶之正家直落玻璃肉骨茶

某一個週末,我們三人一起去嘆早茶,唔係去茶樓飲鐵觀音,亦唔係去咖啡館飲伯爵茶,而係去蒲種嘆肉骨茶!:) 其實佢係好早之前就話過要带我同媽咪去試乾肉骨茶,但偏偏每逢週末我們都冇唸到要去食肉骨茶,反而係去購物商場邊行邊搵食。終于,今日...我可以親口品嚐到佢口中經常提及的乾肉骨茶,到底乾肉骨茶有幾巴閉?XD


他的最爱-芋頭飯 (RM1.50)-粒粒松軟的飯带有芋頭的清香味,令大家胃口大開。

加料肉骨茶 (RM22.50)- 裡面有排骨,半肥瘦肉,豬腸,金針菇,豆腐卜,腐竹以及生菜。材料新鮮,湯底清甜,但如果可以添加些少藥材味會更加好。今時今日要食到味道濃郁的肉骨茶已經好難啦~

“聞名不如見面,你好乾肉骨茶!”招牌乾肉骨茶(細煲-RM9.50)-肉質結實,味道類似加辣版的宫保酱汁,送飯一流。對于初次品嚐乾肉骨茶的我同媽咪嚟講可算係一種新體驗。

喜歡食肉骨茶時配油條,别有一番滋味。

一餐豐富的三人早餐总値RM45.50,都算幾合理。:)



Restoran Zheng Jia Bak Kut Teh

ADD: No.121, Jalan Kenari 23, Bandar Puchong Jaya, 47100 Puchong, Selangor. TEL: 012.910.3798 / 012.606.3366

20111120

10 MINUTES CHEESE CAKE 10分鐘芝士蛋糕

呢次係我第二次親手做芝士蛋糕...

雖然上一次的芝士蛋糕失敗了,但並不代表我會因此而放棄,反而我會更加努力,越戰越勇,誓要做一個令你咬第一口就會難望的芝士蛋糕(希望唔係難食嗰種難望:P)。第二次的芝士蛋糕的確比第一次的好,但唔係我所期待的嗰種質素,芝士味唔够重,可能係因為我選用咗1/3 Less Fat奶油芝士,亦可能係因為我冇加牛奶,或者可能係冇落香草精的關係...总之有萬個可能性導致呢個蛋糕未能達到大師級的水凖。唔紧要,我仲有時間去做實驗,希望係你生日之前可以做出一個實力非凡的芝士蛋糕。

* 雖然我覺得我做的蛋糕未到家,不過喜歡食芝士蛋糕的朋友不妨参考以下的食譜,然後再加入你個人的點子,研發出一個属于你的芝士蛋糕。就趁呢個聖誕佳節期間,為心爱的人做一個美味的芝士蛋糕吧!:)


材料非常簡單,只需準備: 1個Keebler牌Graham Pie Crust,1包Knox牌凝膠粉,2盒(8oz)Philadelphia 奶油芝士,1杯热水及5湯匙糖 。以上所有材料可以係B.I.G. Publika買得到。
1.(A) 首先混合凝膠粉和糖,然後倒入熱水,待至溶化。
2. (B) 将16oz的奶油芝士放入攪拌機裡面以中速攪拌5分鐘。
3. 然後再将(A)加入(B)裡面以低速繼續攪拌3分鐘。
4. 最後将芝士倒入餅餡裡,然後雪藏2個小時就可以食得喇!:)
加片檸檬,為平淡的芝士蛋糕增添色彩!:D

20111115

UMAMI CAFE 得閒温書

近来在網上買咗唔少優惠券,特别係美食餐券。:P 雖然我完全明白“平嘢冇好嘢”的道理,但我更加明白“平嘢唔買會對唔著自己”的說法,呵呵呵!我又俾自己藉口去消費更加多的卡路里!不過其實我並非純粹想食平嘢嘎,我購買一大堆優惠餐券的主要原因係要益身邊的人:P,希望可以借此機會带家人,爱人或朋友去享用更加多的美食,順便發掘一下新地方。:)


而两週前的星期日,我就同我的兄弟兼同事MengQ & Gary 嚟到呢間位于甲洞K Gallery裡面的日式咖啡館- Umami Cafe,用我在Groupon網站預先買咗的三張優惠餐券(RM9.90一張)换取三份总值RM61.50的個人套餐。


星期日下午的Umami Cafe氣氛清静,只有两、三座年輕顧客係度用餐,當中包括幾位係度温書的學生妹,好勤力啊~ :P 。


我點咗杯玫瑰果茶润一润。两位男士都揀咗猪肉拉麵( Buta Kakunimen),碗麵睇落好油腻,不過Gary話味道唔错。


布置充滿活力的日式咖啡館,給人一種温馨又舒適的感覺,適合一個人無聊時嚟呢度睇本書打發時間或同三五好友飲杯茶,聯絡下感情。“一顆燃燒的心”Cappuccino。是飲品,也是擺設品。呢度有各種漫畫雜誌供客人免費閱讀,而當中呢本關于時尚書上的圖像最令我感興趣,頭上掛满手袋的肥仔好酷! 日本餐廳必定出現的甜豆。 随優惠套餐附送的日式餃子,皮薄香脆,肉汁鲜甜。 雖然咖啡館没有一個真正的主题,不過凌亂中也有自己的一種美。 我的選擇- 日式煎蛋炸雞飯(Oyako Don),賣相好似好得,不過味道非常一般,加上白飯又唔够热,所以開胃層度即刻大减。(我最討厭食冷飯:S) 雞肉炸得不够酥脆,失望~ 呢個表情好似...便秘?見到女朋友同第二個男人打情駡悄?落雨忘記收衫?塞車時忍尿?見到外星人? 牙痛?XD (上)烈焰紅唇,令我唸起梅豔芳。(左下)五顏六色的豆袋沙發,感覺好似儿童樂圜。:D (右下)男人+ 咖啡的畫面...我忽然間唸起Papparich的標誌。:P MengQ + Vicki 呢對小情侣係Umami的吸煙區甜蜜合照。^^ 幾乎忘記話俾大家知以上所有充滿時尚感的圖像都係来自于同一本書《SKIN: Bangkok Fashion Now & Tomorrow- Vol.5》。我一直都好敬仰泰國設計師的作品,希望曼谷可以大步槛過呢次的大水災,咁我好快就可以再次重遊呢個潮城市。:) 一見到K,就即刻令我聯想起Kurt! XD 你心目中的K又是谁?





Umami Cafe

ADD:1-01, 1st Floor, K-Gallery, Lot 44667, Jalan 1/62A, Bandar Menjalara, 52200 Kuala Lumpur.

TEL: 012.690.8000 / 012.664.0526

OPERATION HOURS: Mon: 6m-12am Tue-Thurs: 11am-3pm & 6pm-12am Fri-Sat: 11am-2am Sun: 11am-12am
Related Posts Plugin for WordPress, Blogger...

Estica ALL RIGHTS RESERVED © - Powered by Blogger