20110830

WILD RICE RESTAURANT 五颜六色慶開齋

一年一度的開齋節即将来临了,一向注重员工胃口的老闆又話要請大家去食開齋自助餐,一来係要對即将慶祝開齋節的馬来员工表達心意,二来係要慰劳我們呢班胃食的華人员工(偷笑)。而我們當然會食到尽,以免辜負老闆的對大家的一番好意。今次的自助餐主題係 "Selera Malaysia" (馬来西亞的味道),顧名思义就係馬来餐,所以透過呢次自助餐我們能够品甞到各式各樣富有傳統馬来風味的食物同飲品,例如Rojak,Assam Laksa, Nasi Kerabu,Kuih-Muih,Roti Canai, Sirap Bandung, Teh Tarik等等。整體食物水準只属一般,對於酒店餐廳的質素嚟講似乎有段距離,就舉個例子: 我們在嘛嘛檔俾一兩蚊就可以飲到一杯用人手新鲜拉出嚟的拉茶(Teh Tarik),但俾RM88++竟然要飲自動機拉茶,點講都講唔過去喇!仲有冇牌子的廉價雪糕,繯慢的收碗碟服務等等,雖然唔駛我俾錢,但都會覺得唔抵。:(


日期:18.8.2011 (星期四)
時間:晚上7點
地點:Wild Rice Restaurant @ Boulevard Hotel
人物:公司上下20人



順時針方向)1. 食物擺放位置分户内同户外。户内係已經準備好的食物,而户外就係廚師現場烹飪的食物,例如:沙爹,印度燒餅及亞参叻沙。 2. 清淡的海鲜東炎湯,味道好似即食麵。3. 亞参叻沙,湯底同樣唔够濃郁,不過都算幾開胃。 4. 東炎湯的摊位。
落顏色素好似唔駛本咁,所以我一樣都不敢點。 :S

(順時針方向)1. 橙汁,甘蔗汁,檸檬汁,豆浆及玫瑰糖浆汁。2. 七彩糕點,糖尿病患者不宜。 3. 人造雜雪配料,睇見都驚。 4. 傳統娘惹茶粿。( 順時針方向)1.自製馬来水果沙律 Fruit Rojak,酱汁的味道好怪。 2.傳統印度小食Putu Mayam,我並不感興趣,所以没有試食。 3.印度炸料沙律,材料新鲜,味道唔错。 4.印尼沙律Gado-gado,合格。
(順時針方向)1.又係表情多多的MengQ。 :P 2.热飲機-各種咖啡,奶茶(Teh TariK),朱古力及美禄。 3. 廉價雪糕,我食咗两啖就停口,因為只有甜味。 4.親切的女同事Suzie & Vannis。
(順時針方向)1. 最多食客排隊的沙爹摊位,香味四溢。 2.鲜嫩烤羊肉。 3. 雞肉,牛肉沙爹,馬来棕Ketupat及竹筒飯Lemang,整體味道令人满意。4. 烤羊肉配香喷喷的Basmati米飯及黄姜酱汁,肉質ok但就唔缺乏香味。

(順時針方向)1.Wild Rice 趁Puasa 期間推出呢個Selera Malaysia自助餐,每位收費
RM88++。2.傍晚七點(接近開齋時段),餐廳已經坐满曬等待開餐的馬来同胞及其他喜歡馬来美食的客人,如果唔預先訂桌都冇得食嘎! 3.馬来餐當中亦可見到西式土豆泥,同事們都好喜歡。:) 4. 海鲜選擇十分罕有,只有鼓汁燜魚同茄汁蒸蝦,而且賣相唔開胃。:P


(順時針方向)1. 入黑後的餐廳外景。 2. 煎到金黄色的印度燒餅Roti Canai,令我食慾大增。:D 3.切片後的燒餅被廚師放入瓦盤里面任客人提取,外貌即刻扣分,"Boss, i tak mau ini, i mau itu besar-besar punya ! XD 4. 客人可以選擇户外用餐,一来可以睇夜景,二来可以對著游泳池,感覺比較凉爽,三来方便食煙的朋友。


Wild Rice Restaurant

ADD: Boulevard Hotel , Lingkaran Sted Putra, 59200 Kuala Lumpur.

TEL: 03.2295.8000

GOKU RAKU RAMEN 六步登極樂

只需六步,你就可以早登極樂!

哈哈~你千祈唔好誤會我叫你去死,我所謂的“六步登極樂”係指依照六個步驟就可以真正體験拉麵的極樂(極度快樂)。坦白講,我从来都唔知道原来食拉麵係咁有學問嘎,我只係膚浅咁認為“食物送到埋嚟就食”,只要拉麵湯够靓,麵够爽,並且趁热食,咁就係食拉麵的最大樂趣及满足感喇!不過近日同MengQ拜訪咗谷中城的極樂Goku Raku Ramen之後,我先知道原来我平日食拉麵的方式只能够让我感受一般的快樂(其實我都唔係好清楚快樂的程度要如何計算),而非極度快樂。XD 若然要體験拉麵美味的最高的境界,就要依照餐牌上的六個步驟,嘩~聽落好似好神奇,食拉麵就好如護膚咁有Step 1,2,3....至于效果如何,就要親身試過先知喇! :)



坐落于谷中城二樓的極樂拉麵 Goku Raku Ramen就在F.O.S的附近。 “透明化”的製麵房及廚房,外面可以睇得一清二楚。
簡約舒適的設計。


餐牌上的木雕標誌,好有心思啊!

極樂所提供的拉麵係由著名拉麵大師清水照久 (Teruhisa Shimizu) 創製的“岠切”拉麵(Horikiri)。

極樂的两大招牌- Ultimate Tonkotsu Ramen & Gokuraku Ramen。

《六步登拉麵極樂》的第1-3步驟。

第4-6步驟。留意第4步驟,亦是我做唔到的唯一步骤(無奈),佢話麵最好在上桌7-8分鍾後食完,哈?=_=" 咁热,點食得咁快呀?如果大馬有冬天怕且可以。

日式八爪魚仔 Chuka Lidako (RM7.90)- 味道同口感都唔错,不過價錢同份量好似不成對比,如果可以加多三粒八爪魚仔就啱啱好喇!:P

鹹蛋炸蓮藕片Renkon Chips (RM4.90)- 脆卜卜,一食就停唔到口。

招牌終極拉麵 Ultimate Tonkotsu (RM20.90)- 老火猪骨湯裡面带有韭菜油的香味,濃郁的味道令人難以抗拒。材料方面有一大片叉燒,溏心蛋,木耳絲,青葱,韭菜,蘆筍,紫菜以及香蒜油。有靓湯同好料,梗係一定要有好麵,極樂的自製拉麵彈性十足,香滑可口。食下食下,MengQ已經唔跟步驟咁将整碗拉麵吞落肚。XD

呢度唔單止有中英文餐牌,亦有日文餐牌。

喜歡刺激(味覺)的我選擇咗以上呢碗辣味猪骨湯拉麵 Spicy Tonkotsu (RM17.90)- 第一次飲咁開胃又冇豬騷味的拉麵湯,個人覺得非常满意!材料同終極拉麵差不多,只不過多咗芽菜,少咗溏心蛋。

大大瘦瘦的叉燒!

餐廳經理向我們推薦呢個小食- 豬肉培根包番茄仔 Yaki Tomato Maki (RM6.90),先鹹後酸的味覺享受好特别,口感有D似心太軟朱古力蛋糕咁,外硬内軟,當你發覺自己咬断培根時,其實番茄仔已經偷偷地溶在你口中。:P

有冇覺得佢好似引誘緊你?

大杯绿茶Green Tea (RM2)

炸墨魚 Breaded Ikageso (RM5.90), 正!

放心,唔係炸麵粉, 裡面有好大條墨魚嘎!=)




Goku Raku Ramen 極樂拉麵

ADD: Lot No. S025 & 026, Level 2, Mid Valley Megamall.

TEL: 03.2282.3924

OPERATION HOURS: 10am-10pm



20110824

TERY PORK KAFE 豬羅記1983

好多華人都話人的的特徵或性格都會同佢出生年份的生肖相似,例如属狗的朋友為人比較忠實,属兔仔的朋友性格比較温馴及属鼠的朋友比較細胆咁,雖然此說法並都冇科學根據,但我就覺得唔係完全冇道理,至少我可以證實我同自己的生肖係非常相似嘎!(當然唔係個樣)我出生于1983年,亦即是豬年 ^(oo)^ ,我覺得自己的性格十足豬咁,锺意食又锺意訓,連我媽都係咁話我。:P 一旦食得太飽,我就會有昏昏欲睡的跡象,然後唔駛幾分鐘就會入睡(恐怖)。

婆婆以前在生時週畢時都話::“做人最紧要冇病冇痛,食得訓得就好喇!”所以我覺得似猪都幾好,食又食得落,訓又訓得著,做人都開心D。但最開心都莫過于遇到两個志同道合的朋友- Gary & MengQ,佢地唔單止同我一樣喜歡食,而且消耗量亦相當驚人,所以無論叫幾多食物都唔担心會浪費。XD

今日放工後,我們三人又再次去美食探險,呢次的地點係位于陳秀蓮的一棟新大厦-Southgate。據講呢度有好多嘢食,但當我們去到的時候只見到Overtime,Subway,不見不散茶餐廳同埋Terry Pork Kafe,而其他餐館例如Papparich,Sushi King等都未開張。就在没有太多選擇的情况之下,我們就大胆咁揀咗一間當時完全冇客人的Tery Pork,點知咁好彩探險成功,(興奮)大家唔單止對呢度的食物讚不絕口,而且仲話一定會再返嚟幫襯添!:)


Southgate 的大厦由商場及办公樓組成,設計摩登搶眼,好潮呀!如果我的office係度就好喇~得閒可以落樓下飲杯Pacific Coffee,放咗工又可以同幾個同事去Overtime歡樂時光,嘩~唸下都開心! 細細間又装修普通的Tery Pork,容易被人错過。
豬寫真。


有機蜜瓜火腿沙律(RM13.90),用香醋調配而成,有益健康。

习慣動作,一有時間就玩pad。

有生之年必食的排骨拉麵 (RM13.90),味道味道味道...點講好咧?唔...味道就好似西式客家麵!哈哈!冇错,就係咁!呢個麵裡麵混合咗鲜甜的豬肉碎同埋D我不能用字眼形容的湯汁,總之就係好味到令人食呢碗麵時會好自然咁發出嗦嗦聲 XD。麵上的蜜汁燜排骨更加唔駛講,救命~~我已經講唔落去喇!越講越餓!你自己去試食喇!

*你咪以爲呢一餐係老闆賄賂我,請我食免費餐所以我賣口乖啊!我係从来都唔食免費餐而幫人打廣告嘎!呢度所有post都係我同家人或朋友俾錢體験後的真實評語,所以就算你(餐廳老闆)請我食免費餐,我都會有嗰句話嗰句,分享事實。


發光發亮的排骨,你是否心動?:P

我的選擇- 日式照焼雞扒 (RM18)雖然豬肉係呢度的主要賣點,但並不代表其他肉類唔掂,就譬如話呢個雞扒咁,師傅選用咗肉質最靓的雞髀肉,鲜美多汁,然後配合埋惹味的日式照焼酱汁,好味到我想加碗白飯捞汁。XD 配菜方面有炸薯條同芥末沙律,同樣都係新鲜做起,薯條炸得非常通透香脆,而沙律菜的外型亦好健康同完整,唔似得有D餐廳以爲配菜冇乜所謂,就随随便便俾客人食埋D過期爛菜 你覺得豬邊一個部位D肉最正?甚少食豬肉的我真係唔清楚,但我就覺得豬頸肉的口感幾好。MengQ點嘅豬頸肉扒 (RM38),我試食咗一啖,肉質鲜嫩無比,口感令人满意,可見師傅控制火力的功夫到家。再加上獨特的中日式蒜蓉酱汁,令整體味道昇華,客人可以品嘗到有别一般西餐廳的口味。


豬媽媽同一對孖豬仔,好温馨啊~ :)

我個人大力推薦- 百香果伯爵茶 (RM4.50), 好想用一個形容詞去表达呢杯茶俾我的感覺,但我實在唸唔到一個比好味更好味的形容詞,只可以話Tery Pork 的飲品同食物一樣唔馬虎,真材實料,製作用心,身爲客人的我都能感受得到佢地的誠意。

凍檸茶 (RM4.50) 裡面有一片片檸檬,够味,够凍,够清爽!:)

當胃食家遇上大胃王....

MengQ的身上充满搞笑細胞。

炸豬肉丸 + 香醋沙律(RM6.90)

*Tery Pork 必試小食* 六粒高爾夫般大細的豬肉丸,可以用“皮薄餡靓”呢四個字嚟形容,XD外皮炸得非常香脆,而裡面的豬肉新鲜冇騷味,就連一向不喜歡食豬肉的我都能够接受噢! 所謂真正的豬肉丸就係好似以上呢張圖咁,用原汁原味的鲜豬肉製成,没有添加麵粉或任何化學材料,一咬落去就知道係手工肉丸,好正啊!客人仲可以凴個人喜好配搭各種中西式辣椒酱,體驗另一番口味。


豬肉熱狗的另一创意名稱“豬狗仔包”。

咿?!乜原来...原来...坐係我身邊的MengQ竟然就係Laughing哥失散多年的細佬!(肥版Laughing)細佬的生活應該過得比大佬好,如果唔係都唔會咁豬圓肉潤。XD


各種不同款式的豬仔擺設,肥嘟嘟,好得意。


Tery Pork Kafe

ADD:C-1-6, Block C, Pusat Komersial Southgate, No.2, Jalan Dua Off Jalan Chan Sow Lin, 55200 Kuala Lumpur.

TEL: 014.2366.355


BUSINESS HOURS: 7:30am-10pm daily

20110821

KEDAI MAKANAN & MINUMAN MIAN JIU 蘆骨祖傳三代拉揸麵

記得好多年前睇過一部港產片叫做《初戀嗱喳麵》,故事情節我已經記不起,反而特别的戲名叫人難忘。其實嗱喳麵又稱為車仔麵,係一般港人對于廉價麵食的稱呼,意思係指香港早期的流動販賣(以賣麵較多),由于擺街邊的衛生程度較差,所以車仔麵就被叫為嗱喳麵。

雖然我早就知道香港有嗱喳麵,但却不知原来我們大馬亦有拉揸麵(嗱喳同音),直到嗰日同朋友去波德申玩時,當中有位来自芙蓉的朋友就話要带大家去食當地著名的麵包鷄同拉揸麵,我才知道原来波德申有個叫蘆骨(Lukut)的小镇竟然有賣拉揸麵! :D


想知道麵久拉揸麵有幾多年历史?睇下個褪色招牌你就知。:P 一麵三煮法-乾捞,清湯,炒。
價錢位于RM3.50-4.50之間,非常合理,所以生意相當好。 乾捞拉揸麵- 賣相不吸引,酱油沾满鐡碟四周圍,睇落好似好油腻,真係名符其實的拉揸麵。味道同一般乾捞猪油雲吞麵冇乜分别,勝在自製麵條够韌性同結實,並且冇碱水。

随乾捞拉揸麵附上的猪肉湯 ,朋友話碗湯的味道清淡,不過猪肉的口感幾好,所以都值得一試。*客人可以要求加海鲜,價錢另計。

爽口!

炒拉揸麵-賣相同口感接近燜伊麵,材料一樣有猪肉同青菜。雖然有鍋气不過我就嫌佢太湿,睇見都唔開胃,如果可以稍微乾身D會更香。

多謝来自芙蓉的William带大家見識大馬版的拉揸麵(嗱喳麵),雖然味道麻麻,不過麵條的口感絕對值得推薦。

麵久的正對面係中華學校。




Kedai Makanan & Minumian Mian Jiu

ADD: No.1854, Jalan Besar, 71010 Lukut.

TEL: 01.353.8307

BUSINESS HOURS: 6:30am-1:30pm (Mondays closed)

Related Posts Plugin for WordPress, Blogger...

Estica ALL RIGHTS RESERVED © - Powered by Blogger