20110331

CAFE PALAIS ROYAL 巴黎,早晨!

“巴黎,早晨!” 今日的巴黎没有阳光普照,只有细雨绵绵,令我踏出门口第一步又有衝动想返入棉被里继续发梦。:P 好在 "食欲" 够争气,所以就算天气再坏我都唔会放过任何一個与美食打交道的机会,更何况係巴黎早餐!XD 一杯热咖啡,一個法国包,一份报纸...这就是法国人的生活。 -
巴黎到处都係咖啡屋,而且檯凳都係并排咁摆置于咖啡屋外,顾客可以邊嘆咖啡,邊欣赏街景,写意都不得了啊!:) 可惜今日落雨,所以我哋惟有係室内享用早餐,透过窗口观赏雨景。 Cafe Palais Royal 的燈饰及墙纸都係同色同花纹,衬到绝!:) (左)英式早餐餐牌 (右)普通餐牌(又係同燈饰及墙纸一样款咖 :D) “巴黎版的英式早餐”价值Euro 12 一份,套餐包括三片多士,一塊总统牌牛油 (President),两粒煎蛋,火腿,一杯橙汁以及一杯咖啡/热茶。味道唔错,不过配搭唔够丰富,若然加入肠仔,蘑菇及蕃茄就真係冇得弹啦~ XD 咖啡屋用嘅係Florio牌子的咖啡豆,所以可见咖啡杯及包装糖都印有佢嘅logo,大打广告。 英式早餐始终都要係英国食,而係法国当然係要食法国面包啦!所以我點咗呢嗰特长的"皇家三文治" (Sandwich Royal) Euro 7.5 ,材料非常新鲜吸引,有熏肉,鸡蛋,芝士,青瓜,番茄及生菜。营养丰富,口感一流! 满足感 100% 。 想减肥的朋友可以考虑呢嗰“不含碳水化合物”的早餐- 火腿煎蛋 (Omelette Jambon)、Euro 8,健康之选。 咖啡屋里面充满咖啡香,令人心情特别放松。 齐齐同面包合照留念。
喜欢黑板上的字迹...
4人早餐平均一人消费Euro 11。
门外的路牌。-

-

Cafe Palais Royal

ADD: 202 Rue Saint-Honore, 7500 Paris, France.

TEL: 014 261 3491

20110322

RESTAURANT JAPONAIS SAPPORO 人在巴黎,食在札幌

巴黎最浪漫及幸福的事係乜?巴黎铁塔下湿吻?河边撑艇?穿梭名牌专门店?或是嘆咖啡食牛角包?相信大部分人都有类似的同感,不过对我嚟讲巴黎最浪漫及幸福的事就係可以係冻冰冰的气温下同爱人享受一碗热辣辣的拉面。:D 當冬天来临时,就算十個鹅肝酱配法国包都不及一碗热到出烟的拉面嚟得矜贵。无论我身边围绕多少法式美食,我始终拥有华人的味觉,一個对于湯水非常热情的味觉,所以能够係冬天饮番啖热湯暖身就係我最理想的“浪漫与幸福”。XD

浪漫的大都市有個小札幌,令我觉得分外窝心。 :) 未食就先令人流口水~~全赖日本人的精致杰作! 亲切的日籍老板娘为我哋落order。
法国啲饮品贵,所以都係饮免费清水好。XP 传统日式拉面一般都係以半肥瘦叉烧片为主,但係由于我唔係甘喜欢食猪肉,所以就选择咗以上呢個鲜虾拉面 (Shrimp Ramen)。睇似普通,但其实佢係一碗非常有"实力"的拉面,湯水清甜,面条爽口,而鲜虾同蔬菜的分量亦相当大方, 令我食得好过瘾!=D *极力推荐 好大碗啊~~不过我冬天时的胃口特别大,所以好轻松地就将整碗面吞咗落肚,哈哈! 日式猪扒蛋饭 (Katsudon),同拉面一样咁大碗夹抵食。:D 大葱及煎蛋的香味毫无保留地渗入炸猪扒的表皮,令味道及口感更升华。一個简单手势就就可以代表食物的质素,ichiban !
日本人煮的味噌叉烧拉面 (Chashu miso ramen) 一向都有一定的水准,包你唔会失望。:)
另一位朋友就选择咗口味较重的青椒牛肉拉面 (Green pepper beef ramen),湯汁香浓,牛肉鲜嫩,好适合冬天暖胃。
多款套餐供选择。
卖食之余顺便卖埋日文报纸。:)
传统日式餐馆都会摆放一系列漫画任客人边食边睇,非常体贴。
餐馆面积唔大,可以容纳大约25-30人

餐馆燈光温和,好舒服,有“家”的感觉。:)


Restaurant Japonais Sapporo

ADD: 276 Rue Saint Honore 75001 Paris, France.

TEL: 0140159866

20110315

POMME DE PAIN 山莓诱惑

法国人的生活离唔开咖啡同面包,所以無论去到邊都会见到面包店或咖啡屋,而且水准亦相当平均。因此你根本唔需要浪费时间去选择或比较邊一间咖啡馆,因为佢哋啲咖啡同面包难食极都有限,就好似日本係唔会有难食的拉面。:) 你绝对可以贸贸然行入任何一间咖啡馆,放心食,尽情食,分分锺仲会有意外惊喜咖~Pomme de Pain 就係一個非常好的例子,因为佢俾咗我一生中最难忘的山莓挞。:)


法国连锁咖啡屋 Pomme de Pain 以鲜制三文治,水果挞及各種法式面包为主。
请让我隆重介绍 =) 本年度最具诱惑力的食物- 山莓挞 Raspberry Tart
食前感:香酥的饼皮上装满粒粒色泽鲜艳的山莓,狠狠地诱惑我的眼睛及胃口,令我想食又唔舍得食。:P
食后感:山莓甜中带酸,爽口多汁,再配上充满牛油香的饼皮,简直天衣无缝!我从来都未食过咁原汁原味的水果挞。Pomme de Pain 就係Galerie Lafayette附近,所以马拉松式购物完之后,最好就係嚟呢度饮茶食挞,慰劳一下“疲累”的身躯。 :P
我哋揀嘅"Formule Menu"套餐价值Euro 7,有一個法式火腿芝士三文治(自选口味),一個山莓挞(自选口味)及一樽300ml的橙汁,价钱都算合理。
佢食三文治,我食山莓挞 :) 简单又美味的一餐就此解决。
-


Pomme De Pain
ADD: 10 rue de Lafayette 75009 Paris, France.
TEL: 01 4770 5847

20110313

FOUCHER PARIS 与馬卡龍的华麗邂逅

巴黎唔单止係一個购物天堂,亦係一個美食天堂。先抛开鹅肝酱,鱼子酱及黑松露呢几個巴黎名牌货,其实巴黎仲有好多必食极品,例如话牛角包(croissant),焦糖布丁(creme brulee)及馬卡龍 (macaron)。馬卡龍?佢係法国著名特产之一,地位比牛角包同焦糖布丁更加高,外面亮麗娇小,里面丰富多层次,佢内外兼优的特色风靡全巴黎(甚至乎全球)的女性。

手袋有分级数,馬卡龍都一样有,而属于LV级数的馬卡龍品牌就有Lenotre, Gerard Mulot, Dalloyau, Pierre Herme及Laduree。不过我今日唔係要介绍以上呢啲顶尖品牌,而係选择比较大众化但又不失知名度的Foucher。佢就好似Longchamp咁,价钱中等,品质良好,而且人人都买得起。虽然大马某些咖啡馆或面包店亦有售卖馬卡龍,但係质素始终不及原产地咁出色,所以有机会嚟巴黎就一定要亲身体验一下正宗馬卡龍的滋味。


Foucher 的橱窗设计宛如巴黎服装专卖店一样咁精彩。 色彩缤纷的馬卡龍(macaron)亦称为蛋白杏仁小圆饼,佢係两塊由蛋白,杏仁粉及砂糖制成的饼乾,然后中间再夹上唔同口味的忌廉。Foucher的馬卡龍手工精致而且口味选择多,睇见都开胃! :D馬卡龍的制做过程费时又费神,所以价钱亦理所当然比一般西饼贵,不过绝对值得一试。佢味道香醇,层次感丰富,食咗令人齿颊留香~ :) Foucher 另一卖点就係呢啲精美的包装盒,每一款图案都令我爱不惜手!XD 我特别喜欢呢個猪仔盒,好可爱啊! :D Foucher的朱古力及糖果好“时尚”,无论味道,形状或包装都咁讲究。外型好似泰国绿豆糕。XD 呢盒最适合电影《黑天鹅》的粉丝。 每一塊都咁完美无瑕。 Foucher 传统朱古力,欧罗31一盒,人人都卖得起,但就唔係人人都舍得买。:P 要买边盒好咧?(价钱好贵):P 哗~核桃朱古力!睇样都知道好味。XD



FOUCHER
ADD: 30 Avenue l'Opera, 75002 Paris, France.
TEL: +33 147 422075

20110308

BEA'S BLOOMSBURY 维多利亚小甜甜下午茶

係未正式介绍维多利亚小甜甜下午茶之前,我想先同大家分享下英式下午茶的故事...
-
根据网上资料搜查所得,英式下午茶(English Afternoon Tea)的概念源自贝德福德第七公爵夫人安娜 (The 7th Duchess of Bedford, Anna, 1799-1861)。十八世纪的英国人每日只用早餐同晚餐,而英国贵族一般係晚上8點后才用晚膳。早餐与晚餐的漫长时间,令到唔少人饥肠辘辘。而公爵夫人就喜欢邀请三五知己,係每日下午四點锺左右到佢家中,一同享用以上等瓷制餐具盛载的香醇好茶,以及精致的三文治及小蛋糕,此即为英式下午茶文化之始。后来呢種习惯蔚然成风,係上流社会渐渐流行起嚟,成为时尚名媛淑女午后聚首,享用茶点的文化。但係随着时间的变迁,饮用英式下午茶的风气已经流传到英国各個阶层,成为英国人每日生活饮食的一部分,同时亦成为世界各地五星级酒店都会提供的食物。
-酒店
回归正题,我今日要同大家分享的英式下午茶有别于一般传统三层式下午茶,因为佢只有两层,而且糕點都係以“甜”为主,因此我称佢为“维多利亚小甜甜下午茶”。:P 人生短暂,所以唔好再浪费时间去百货公司血拼,不如学下英国人悠悠闲闲咁享受下午茶,体验一下贵妇的生活。 XD

位于Theobald's Road 的 Bea's Bloomsbury咖啡馆,地方虽细,但係感觉唔错。:)
下午时段,咖啡馆坐满晒客人,但係90%都係女性,好明显英式下午茶係我哋女士们的玩意,男士们未必懂得欣赏。XD 客人必需到柜檯點餐,但係食物将会由侍应送上。
二人份双层式英式下午茶 (24镑)
有一壶伯爵茶(自选口味), 杯仔蛋糕, 英式松饼 (Scone)配果酱或冻奶油,布朗尼(Varlhona Brownie),迷你酥皮,及各式甜點。卖相精致诱人,不过糖份指数相当高!都係少食为妙!:P 下午茶下层有两塊英式松饼,贝壳形海绵蛋糕(madeleine) 及柠檬软糕。
味道好纯正的士多卑梨杯仔蛋糕~ :D 好香!
柠檬软糕,质感好似橡胶加海绵,都几奇怪 :S
香味不断由开放式烘焙室传出嚟~令人食欲大增!
柜檯上摆放住各式美味糕點,任君选择。
有11種口味咁多,不过我始终最喜欢伯爵茶(Earl Grey)嗰種香味,闻到都令人觉得醒神 :D
我非常喜欢英式Muffin嗰種味道同口感,好庆幸
係大马的麦當劳(早餐)及三藩市咖啡 (San Francisco Coffee) 都可以揾到类似的火腿Muffin。 :)
Pistachio Macarons 开心果口味蛋白杏仁饼乾。
食完之后才发觉呢两個藏係碟与碟之间嘅兔仔,好得意!好精致!餐具设计师的创意真係令人惊嘆~
循例都要影番张相。:P 创意不断...呢度仲有性感美腿下午茶三层碟,女性又點唔心动?!XD
就算唔食都会望多两眼!
虽然我唔係好锺意食甜嘢,但係我享受嘆下午茶嗰種悠闲的过程,能够令人放慢平时忙碌的节奏,慢慢地,轻松地品尝下午茶带嚟的乐趣。

-

BEA'S BLOOMSBURY
ADD: 44 Theobald's Road London WC1X 8NW
TEL: 02072428330
BUSINESS HOURS: Mon-Fri 8am-7pm Saturday 10am-7pm
**Afternoon Tea 英式下午茶供应时间: 2:30-5:30pm
Related Posts Plugin for WordPress, Blogger...

Estica ALL RIGHTS RESERVED © - Powered by Blogger