KISS VILLA BALI 地球上最写意的早餐

上次在圣托里尼(Santorini)同大家分享过地球上最浪漫的早餐，亦即是我亲自下厨的早餐:P，呢次我想同大家分享地球上最写意的早餐，地點就在巴厘岛的Kiss Villa。Kiss Villa 唔係一般旅游特辑上见到的传统度假别墅，佢係一個时尚，摩登兼价钱合理的私人度假别墅。除咗环境清静幽雅及服务周到之外，呢度其中的一大吸引（我）之处就係为客人“量口定做”的早餐。客人只需在前一晚填上预备好的早餐表格，然后选择早餐时间，明早别墅员工就會将新鲜美味的早餐准时送到府上啦！:) 而我哋只需...嘆！嘆早餐！嘆世界！享受皇帝式的度假生活。:D

第一次去巴厘岛，第一次住系有私人泳池的别墅，第一次去旅行去得咁轻松...很多第一次都發生在呢個咁美麗的地方。幸福，只有"心"才能感受。:)

早上七點起身，睇见透明玻璃門外的泳池，绿油油的草地及所有"度假味" 很重的家居摆设，心情真係靓爆！當时我就情不自禁咁做咗一样我自己以为很浪漫的事...系玻璃門度呼气，然后一手快速写上"LOVE"，另一手就好镇定咁即刻影底，再等佢起身时，同佢講："呢张相送俾你咖!" :P *若然想亲自实验，切記要用99.9%的速度，否则啲气會好快化开，而你的"LOVE"就会消失在空气中咖啦！但如果你想写 "I LOVE XXX " 有埋名咁长，咁你就要超速啦！小心，极有可能會导致手部抽筋。 XD

住咁靓的别墅其实同做猪冇乜分别，訓醒就食，食饱就玩水，玩完又食，食完再訓....不停咁重复以上动作，直到离开别墅为止。不过，間唔中做下猪都几爽嘅！XD
寻晚check-in时，别墅的员工就俾我哋填写呢张“早餐表格”，當时我真係有俾嚇到的感觉，因为早餐的选择实在太多啦！:) 有American Breakfast，Continental Breakfast， Egg Benedict， Egg Omelette，Indonesian Breakfast 五大category任选择，而每一個category又有一大堆options，譬如話你选择American Breakfast，你必须揀要[白面包或麦面]，要[太阳蛋，炒蛋，荷包蛋或半生熟蛋]，要[猪培根，牛火腿，鸡香肠或牛香肠]，就连果汁都有[波萝汁，橙汁，西瓜汁，苹果汁或雜果汁]咁多俾你揀，揀完果汁之后，仲要揀要饮[咖啡，英式早茶，柠檬茶或姜茶]...可见佢地几咁专业，哈哈！:D

别墅里面栽種咗唔少粉色的“纸花”，我相信佢有一個比较专业的名堂，但我唔知道，我只知道佢的质感好似纸咁薄。:)

我唔係模特儿，但我喜欢做你的照片。:P

早餐在我哋要求的时间- 九點鐘准时送上，我此刻的心情非常兴奋，正所謂美食當前，谁唔兴奋？XD 我今日的早餐有煎双蛋，鸡香肠，蘑菇，薯仔，蕃茄及麦面包，可谓营养丰富。

“鸭仔，饮啖橙汁啦！” :D

牛油同果酱。

从未食早餐食得咁轻松写意，环境因数占咗七十分。^^

爱人的早餐有炒蛋，牛香肠，蘑菇，薯仔，蕃茄及麦面包。

嘻嘻！

唯一美中不足就係呢壶印尼姜茶- 一啲都唔辣，清淡如水，失望。:S

睇到"SLIM" 呢個字眼，落糖都落得舒服啲 (虽然我知道其实都一样）。XD

無論坐係邊都可以见到蓝蓝的泳池，心情就如Lisa Ono的歌曲-"Aloha Oe"一样，轻松無比。

我在别墅第二日的早餐比较丰富， 有火腿芝士荷包蛋 ，牛香肠，牛火腿，薯仔，蕃茄及白面包。整体味道几好，除咗面包有啲硬同乾。

落足料的煎蛋，里面有火腿，芝士，蕃茄，蘑菇及燈籠椒，非常好味！;)

寻日饮咗一杯無味姜茶，我今日决定饮柠檬茶，味道同我哋嘛嘛檔的Teh O Limau一样。 :)

佢哋两個下下都情侣装出现，恩爱都痹~ XD

KISS VILLA BALI

Add: Jalan Cendrawasih 99x, Petitinget, Kerobokan Kuta, Bali, Indonesia.

Tel: +62.361.847.6670 WEB: http://www.kissbali.com/

BUKIT MATA SEAFOOD 猫眼嶺海鲜 . 任睇任揀

我一直都聽人講東馬一带的海鲜特别新鲜，究竟有几新鲜？我真係相像唔到，直至我亲口验证猫眼嶺餐館的海鲜之后，我終于都明白人人口中的“新鲜”:).... 若然你未曾食过東馬的海鲜，可能你都會好似當初的我一样，心里面偷偷觉得：“唓~有乜甘巴闭？依家雪隆区大把新鲜海产食啦！驶乜去東馬甘麻烦？”XD 但我错了，因为呢度的海鲜真係非常鲜甜，而且连蔬菜都靓过人，所以食过呢餐饭之后，我对海鲜的要求又提升多一级咗 （其实我都唔想太过揀饮择食咖，但點解Georgina带我哋食甘正的海鲜？XD）。

聽下招待员有乜好介绍先...
各種各样海鲜及蔬菜排列整齐，等待被人睇中。:)

今日的蝦都几新鲜，攞嚟清蒸应该一流。:P

著名砂劳越蔬菜- 米琳 (Milin 或 Bilin)，外形几得意，其实係一種蕨类。

Kelly人比菜娇。XD

我們的8號檯。

极度好饮的沙梨酸梅，够味兼够凍。

咸蛋蟹-除咗有咸蛋味之外，仲有一啲焦糖味(caramel)，聽落有啲怪，不过相當好味，搞到我哋邊食邊咀手指，哈哈！

酸甜炸鱼-好大条鱼啊！皮脆肉鲜，口感丰富，必食！

五人食八样菜，齐齐变大胃王。

蛋白蒸蝦- 鲜甜 X 10 + 爽口 x 10= 十分鲜甜又爽口 :P

砂劳越式的蠔煎- 外形好似锅甘大，皮仲脆过Roti Tissue！

香脆版的蠔煎味道不及传统蠔煎甘有味，但就胜在卖相同口感。

招牌蟹柳豆腐-材料仲有雜豆及蘑菇粒，芡汁味道好正，餸饭极品。

一菜两味，泰式酸辣米琳沙律及馬来栈米琳，两者同样优胜，爽口無比, 令人食不停口。

BUKIT MATA SEAFOOD RESTAURANT 猫眼嶺海鲜餐館

ADD: 4th Floor, One Jaya Shopping Mall, Jalan Song, Kuching, Sarawak.

PREMIER 101 PORK SATAY 馬来同胞唔食的沙爹

沙爹(satay)係馬来人非常著名的美食之一，亦係我国三大民族都喜爱的食物，但有種沙爹係馬来同胞绝对唔會食嘅...就係猪肉沙爹(satay babi)！古晋人，你地果然好嘢！XD

Premier 101 有过百個美食檔位，而其中比较引我注目就係呢個“猪肉沙爹”！XD 虽然我唔係猪粉丝，但都呢種比较特殊的猪肉产品都几感兴趣。
我叫咗十串（一串只卖RM0.50)，打算打包返去俾正在酒店的同事試味...
(烧烤过程中传出阵阵香味，应该几好味。）

第一次见用塑胶袋包裹的沙爹饭糰，乜唔係用椰葉包嘅咩？

HAWKER STALL @ PREMIER 101

ADD: Jalan Tun Jugah, Kuching, Sarawak.

CARPENTER STREET 上帝庙酸辣鱼片鱼鳔湯

每當拜訪另一個地方或国家时，我都有一種坚持，就係試道地美食，因为咁唔单止可以了解當地人的饮食文化，亦能从中體會民生风情。呢次古晋旅程虽然只得短短四日，但足已令我对呢個小城市留下深刻的印象，尤其是係古晋人的热情及真材实料的道地美食，例如上帝庙对面的酸辣鱼片鱼鳔湯，真係有食过返寻味的感觉啊~ :)

亞答街上帝庙对面的阳春台饮食中心有几個营业超过50年的熟食檔仔，而當中有几個只做夜市，所以放工后我地就嚟呢度'happy hour'，嘢！:)

招牌酸辣鱼片鱼鳔湯，咁大煲只卖RM18， 我俾佢50分！* :D

*鱼肉10分鲜甜，鱼鳔10分爽口，酸辣湯10分开胃，材料10分充足，价钱10分平。唔食一定会后悔！
虽然依家已经係晚上十點，但我并冇半點内疚或担心，因为能够在雨天享用一煲煲热辣辣的美食就如大热天时饮椰青咁幸福，所以我宁愿选择肥多一日都唔要错过咁美好的时刻！XD 瓦煲焖鱼頭- 味道有D难形容，有些少甘香，又有些少辣...唔....仲有一D豆鼓味，怪怪地但又几好味。;S

不能错过的古晋美食之一：粿汁！ 坦白講，我从来都唔食内脏，并且觉得内脏好核凸 :S ，但無可否認呢碗粿汁的味道真係一流，香濃無比，唔通呢度的粿汁煲从来都未洗过？！XD

亞答街阳春台饮食中心

ADD: Opposite Shang Di Temple （上帝庙对面）, Carpenter Street, Kuching.

COFFEE CLUB 书中自有咖啡屋

我唔係一個书蟲，但我喜欢徘徊在书局裡面，翻翻雜誌，看看图画，同埋聞聞书香味。虽然雪隆区大大细细的书局多不勝数，但我只情有獨锺于纪伊国屋 (Kinokuniya)，嘻嘻～當然唔係因为呢度D书特别香:P，而係呢度的选择比较廣，尤其係關于設計，摄影，旅游及日本入口的书籍。我曾经試过一個人花大半日时間穿梭中文部，英文部，日文部及楼上的設計部，实质收获虽然唔大（买书其实係高消费嗜好:P)，但短短几個鐘已算获益不浅。
-
當然...我并非纯粹被书香味吸引咁简单 XD，如果冇美食的存在，我又岂能在书局裡面逗留几個鐘？（终于講出真心話）XD 有去过Kinokuniya的朋友相信都知道楼上設計部旁邊有個小型咖啡屋，应该話係一個小角落比较适合。呢個咖啡角落叫Coffee Club Xpress，佢係一個新加坡咖啡连锁店品牌，記得早几年前我在新加坡生活时亦帮衬过呢家咖啡屋，饮品同食物都唔错。其实Coffee Club系吉隆坡已经有一段好长的时间，如冇估错应该有大约10年咁耐，只不过一直都隐藏在书局裡面，所以就鲜为人知。之但系低调咗咁多年，CC终于都开分行啦！而且仲係城中最旺地带- Farenheit 88 正門口，对CC迷嚟講真係一大喜讯。:)

Kinokuniya书局裡的Coffee Club。
虽然呢度的食物选择不及新加坡，不过有沙律，意粉，三文治，糕點同甜品都已经算唔错。

本来我想叫咖啡，但由于口好干，所以最后都揀咗玫瑰花茶(Rosebud Tea RM8.50)。^^

芝士烤鸡面包 Chicken Bruschetta (RM9.00) 卖相类似比萨，不过有别有一番风味，係一個相當唔错的小食。

今日的收获: 5月份InRed日本雜誌，裡面的服装配搭ichiban！:)

-

COFFEE CLUB XPRESS

ADD: Upper Level, 406-430, Level 4, Kinokuniya Book Store, Suria KLCC, 50088 Kuala Lumpur.

TEL: 03.2162.8292

LORONG TAMAN RIVERVIEW TIMUR 夕阳无限好之住家粿汁

當我未嚟古晋之前，身邊的朋友或同事都同我講呢度冇好嘢食，當时我聽落都真係几担心咖，事关我要係度四日三夜咁多，唔通要自备干粮咁惨？好彩～ 同古晋“相处”一日之后，我發觉我的担心实在多余，因为呢度到处都係美食，無論大街或小巷都係绝佳係觅食地點，甚至乎住宅区亦不例外！:) 講紧嘅就係位于 Lorong Taman Riverview Timur 1 路的排屋粿汁，請認明係“粿汁”唔係“果汁” XD 一般上當地人都以福建話Kuay Chap嚟称呼呢個美食。 到底呢度的Kuay Chap有几巴闭？

多得Peggy的好介绍，我們先可以品尝到如此隐秘兼富有住家风味的粿汁 (Kuay Chap)及乾捞面（Kolo Mee)，好開心啊！:D
一到黄昏时間，呢度已经坐满晒人，可见呢間住家粿汁得到唔少古晋人捧场。

香味扑鼻的粿汁 (Kuay Chap) 材料：大片的河粉（面粉皮），猪雜，豆腐卜及鸡蛋。湯頭：用五香（肉桂，丁香，八角，花椒，陈皮）及卤猪雜熬制而成。味道聞起嚟清香诱人，饮时香浓顺口，整体感觉上类似我們西马的肉骨茶，但实质上佢并冇添加任何药材。粿汁的肉质软而不烂，肥瘦均匀，而且略带弹性，咬劲十足，再配搭一片片软滑可口的河粉，实在係口感上的一大享受。 除做粿汁之外，呢度仲有超正的砂劳越乾捞面（Kolo Mee)，佢亦都係我呢次古晋行程中食过最好味的Kolo Mee。面条爽口不再讲，最难得就係佢嘅肉碎及肉汁同面係一体咖，講白D即是呢碗面好够味，而且唔会乾，我未曾食过一碗面係咁“爽口多汁”咖～老板，可唔可以俾多碗我？:D

天空一片紫粉红色，食粿汁忽然变得很浪漫... ^^

HOUSING ESTATE KUAY CHAP & KOLO MEE 住家粿汁 & 乾捞面

ADD: 1599, Lorong Taman Riverview Timur 1, Bintawa, Kuching. OPERATION HOURS: 6-10pm