RESTAURANT WONG LIM 旺林 . 超多羔大肥蟹

全吉隆坡最靓，最肥，最新鲜，最多羔，最抵食的蟹尽在旺林- 一個罕为人知的中餐馆，地方隐秘简陋，但係里面竟然隐藏住一级厨师及超多羔的肉蟹。特别鸣谢：DAMIEN 介绍大家嚟呢度一睹多羔蟹的风采！

今日的主角：寿星仔GARY & 多羔大肥蟹 本年度最令人期待的酸甜大肥蟹！！虽然我地点嘅係肉蟹，但系极之多羔，唔通好生养？可以同时间食到咁多蟹肉同蟹羔，真係非常着数。如果满分为100%，我唸我会俾佢101%，因为我从未食过咁多羔的肉蟹！ 好锺意GARY食嘢时嘅表情。 斋睇佢嘅表情就知道佢係几咁满意手上的蟹羔!

咁肥嘅蟹肉，唔食又点对得住自己，嘻嘻！

甘香蟹- D蟹肉有几鲜甜同D羔有几多我唔再讲，其实我真係好想知道师傅到底係用咗乜嘢材料嚟烹调呢個甘香蟹？！点解呢個“甘香”程度可以“甘香”成咁？咪以为我语无伦次，其实我想讲嘅係呢個蟹真係非常好味，佢比一般甘香蟹更加甘香。原来甘香都有分好多個层次，可能呢個就係甘香中的最高层次。

奶油炸墨鱼，又係一道令人赞不绝口的餸菜！墨鱼肉新鲜有弹性，而且外皮炸得非常香脆，面粉份量啱啱好，皮与肉的比例十分完美。一口蛋丝，一口炸墨鱼，大家都食到停唔到口！*注：虽然话炸墨鱼好普遍，周围都可以食得到，但係可以炸得咁靓又好味都冇几间餐馆可以做到，就算做得到都未必可以好似旺林咁价钱公道。

又大又爽口又鲜甜又入味的鼔油虾我都係第一次食！！呢個鼔油嘅味道好特别，甜得嚟有一种香味，香得嚟又唔会埋没虾本身的鲜味，一流！

落咗猪油渣的炒冬粉，味道当然有番咁上下，但係如果减少D油就会更好。

炒生面，味道唔错可惜太油腻啦～成碟都係油，好恐怖，好似猪油捞面咁。

连厨师毕业证书都挂埋上壁，真係有D搞笑！我係咪都要挂番张广告设计师毕业证书係我间屋企度？！哈哈哈！

唔知GARY 有乜生日愿望咧？同佢心目中嗰位女偶像亲近一D?

胃食全家福 =D

-

RESTORAN WONG LIM 旺林海鲜餐馆
ADD: Corner Shoplot @Taman Suntex, Cheras Batu 9 1/2

VEGIPAI 新素派 . 初一十五唔使愁

如果你嘅朋友问你：“今日要食D乜啊？”而你答：“不如去斋馆食斋啦！”相信大部分朋友（尤其是係1980年后出生的新新人类）都会先俾你一个错愕的表情，然后话：“哈？咁老土咖！”、“咁鬼闷，又係嗰几样餸。”、“食斋边有力咖，食肉仲好啦！”、“唔冇呱～清淡都好似俾病人食咁！”又或者“你又唔係老人家，食乜斋啊！”等等抗拒的理由....原因係佢地对一般传统的斋馆已经留下咗一個“好闷好老土”的印象，食物选择唔多，唔係蔬菜就係面粉，餐馆装修非常中式，檯上又摆著D免费佛册及CD，仲顺便播埋佛经添～哗～～～真係唔係人人都可以接受咖！蒲惯CAFE的年青人及其他信仰的朋友都唔敢嚟啦！

-

不过，每個问题都必定有佢嘅解决方法，而新素派VEGIPAI就係以上种种问题的最佳答案啦! 哈哈！

新素派果然係新一代的素食专家，无论食物或环境都咁摩登新潮，俾人一种“食斋唔老土”的感觉，最啱注重健康饮食的年轻人。
新素派炆拉面，味道唔错，材料亦相当有益，有木耳、豆腐卜、蘑菇、青菜及红萝卜。单座份量足够二人享有。
新素派的红牌之一：鸡饭。饭好香，但係用腐竹制成的烧鸡就麻麻，虽然脆口但就有D淡，好彩有自制辣椒酱弥补整碟鸡饭的缺陷。
水果茶，酸酸甜甜好似FRUIT PUNCH。
新鲜自制迷你烧包及娘惹南瓜卜，各RM1.80一粒。南瓜卜外形同味道有D似我地嘅咖哩卜。
迷你酥脆烧包, 我最少都要食两粒！
皮脆馅靓～真係估唔到斋烧包可以咁好味！
五谷汉堡包，好健康啊～非常适合喜欢食快餐的小朋友。

仲有唔同口味的比萨，呢度果然係一间好潮的斋馆。

亦有大马人最爱的瓦煲老鼠粉及印度炒面，厨师真係唸得周到。

单单汤面就有11种咁多- 沙捞越叻沙、红烧拉面、鱼头米、槟城亚三叻沙、苦瓜汤面、越式濑粉、清汤拉面...一个星期都食唔完！

锺意一边叹茶一边食烟的朋友又多咗個落脚的地方啦！

-

新素派 VEGIPAI

ADD: 37A, Jalan Desa Bakti, Taman Desa, Off Jalan Klang Lama 58100 Kuala Lumpur.

TEL: 03.7982.8184

DOME 全日西式早餐，锺意几时食都得！

早餐係我一日三餐里面最喜欢的一餐，因为一個靓早餐就好似等于一个美好的开始，所以我的早餐从来都唔寡～而我最锺意的早餐类型就係西式早餐，最好就係乜都有齐啦！真係贪心！

好难得可以係周末訓到咁迟，我真係唔想七早八早弹起身食早餐，但係唔早D起身又会错过西式早餐提供时间（大部分餐厅都有限制早餐提供时间，通常都係8-11am），想食又想訓，都真係好难抉择咖！好彩有DOME的全日早餐 (ALL DAY BREAKFAST)，我可以係任何时间享用丰富的西式早餐，就算想訓到王朝八晏都唔怕，哗哈哈！而今個礼拜日“下午1点”我、KURT、SAM & REESE四人就约埋係呢度食早餐～

THE BIG BREAKFAST (RM24.50) 有两片白面包、两粒荷包蛋、两条CHIPOLATA鸡香肠、两片鸡肉火腿、一塊HASHBROWN、半只番茄、少许蘑菇及包装PRESIDENT牛油。食完之后觉得好有满足感！！ 材料新鲜丰富，味道虽然普通，但係肠仔鬼死咁多汁爽口~
同样都係THE BIG BREAKFAST，但係就选用咗牛肉培根，味道唔错但就冇猪肉培根咁香囖！

食咗呢個意粉好多年，睇住佢由RM16变成今日的RM21，感触良多，哈哈！

SPICY OLIO 鸡肉火腿意粉，又香又醒胃，最啱喜欢食辣的朋友。未食之前我就先俾上面嗰堆芝士吸引著~

SAM点咗CAPPUCINO，佢话味道一般，泡沫唔够滑 -_-'''

KURT的胃口超好，食完丰富的BRUNCH之后又整多件蛋糕- MARBLE CHEESECAKE 大理石芝士蛋糕 (RM12)，芝士味好重，但係竟然唔会滞！

咖啡迷REESE点咗杯LATTE。

呢度的DOME特别多外国人，令我几乎忘记自己系马来西亚叹紧早餐 :P

我开玩笑叫佢摆個性感表情...佢就俾咗我呢個LOOK -_-''' 性感？哈哈哈！

食量同佢身形一样咁娇小的REESE，食咗两啖就话饱～果然容易养! :D

-

DOME CAFE

ADD: G7, Ground Floor, Bangsar Shopping Centre.

TEL: 03.2092.4377

SMK SERI KEMBANGAN 对面的無招牌羅面档

有华人的地方就有美食，就好似SERI KEMBANGAN呢个华人区咁，连住宅区都有靓嘢食！今日我的同事MENGQ就介绍我嚟呢个位于SERI KEMBANGAN 中学正对面的住家食羅面，未食之前佢就猛话好味，听到我吊晒瘾咁～马上就想食！

無招牌的羅面档就开係某住家前面，所以我称佢为“住家羅面”。生意唔差，多数都係做熟客及学生的生意。

羅伊面(RM4.50-小)，馅汁香滑够味而且仲有好多蛋花添～

注：馅汁里面隐藏著几粒炸猪油渣，唔怪之得咁鬼香啦！

由于开正係学校对面，所以经常都会有唔少学生食客。

呢度有好几种“羅”，羅大碌面、羅伊面及羅板面。如果唔想“羅”，可以选择瓦煲老鼠粉、麻辣面、猪肉粉等其他面类。

呢个绝对不能少！干辣椒碎～越食越过瘾！

-

HOMEMADE LOH MEE 住家羅面
ADD: Opposite to SMK SRI KEMBANGAN, Jalan Sekolah, 43300 Seri Kembangan, Selangor. （学校对面）

JARRAH 澳洲咖啡，齿唇留香

唔知几时开始渐渐地戀上咗咖啡，尤其是係拉铁 LATTE，好锺意闻到嗰种濃濃的咖啡香，令我感觉好幸福。因此，我周毕时都会尝试唔同品牌的咖啡，亦喜欢行超市揾新嘢。如果你都同我一样咁锺意饮咖啡，不妨嚟位于EMPIRE GALLERY里面的超市JAYA GROCER，呢度售卖超过四十种由唔同国家入口的咖啡粉及咖啡豆，包保你有收获！

而我今日的收获就係澳洲入口的JARRAH...

根据包装上的指示，我落咗5茶匙咖啡粉入170ml的热水，效果非常令人满意！香都痹～
澳洲品牌JARRAH - LATTE （MOCHA TRUFFLE 口味）一樽150g可以冲10杯，计起嚟都只不过係RM1.80一杯，超抵饮！

JARRAH 咖啡有多种口味，售价係RM17.99一樽。

呢度有意大利、日本、法国、澳洲等各种唔同国家入口的咖啡，选择多过其他超市。

JARRAH即溶LATTE粉

-
JARRAH-
ADD: JayaGrocer @ Empire Shopping Gallery, Subang.

LAVAZZA CAFE 五星级的味觉享受

点为之五星级餐厅？地点高级? 装修夸张? 食物贵夹唔饱？用外国厨师？又或者......其实总结论都只系一个字，就系“贵”！

而我心目中的五星级餐厅唔系酒店里面的法国餐厅或者装修富丽堂皇的酒楼，而系一间非常低调的CAFE，一间唔使我打扮到贵妇甘都可以舒舒服服坐系呢度享受五星级美食的CAFE，名为LAVAZZA CAFE。

LAVAZZA CAFE 背后制作班底系来自于国际五星级酒店餐厅的厨师，经验丰富而且对“色香味俱全”呢个原则非常执着，务求令每一个客人达到视觉、嗅觉及味觉的享受。虽然食物质素系五星级，但系价钱非常合理兼免收5%政府税，真系仲好过去KOPITIAM，哈哈！

（上）抢眼的粉红色俾人感觉好摩登。（左下）地方宽敞，泊车唔成问题。（右下）天花板的翠蓝色及透明玻璃吊灯令我你唸起蒂凡尼( Tiffany & Co.) 的钻石戒指，高贵得来又好低调。

如果你以为呢D五颜六色的饮品係用人造色素及调味料制成嘅话，甘你就大错特错啦~
其实呢三杯饮品都係新鲜果汁，但係经过师傅巧手“整容”一番之后，就变成一杯杯迷人的艺术品，果然有五星级水准！（左至右）TRAFFIC LIGHT 红绿灯，GRAPE SMOOTHIES 葡萄冰沙，BERRY PUNCH 啤哩宾治
LAVAZZA 著名招牌菜- BRAISED LAMB FORE SHANK WITH MASHED POTATOES 炆羊腿伴薯泥 (RM22.90)， 睇落好似好普通，但其实制作过程相当费时，师傅话羊腿係要经过三个小时慢火炆咖！难怪羊肉甘入味啦～
FISH & CHIPS 炸鱼柳&薯条 (RM12.90) 配秘制咖哩芝士沙律酱，香脆可口！ 大人同小朋友都锺意～
MUSHROOM & HAM CREAM SAUCE 蘑菇火腿忌廉意粉 (RM12.90) ，非常香滑而且一D都唔滞。
我最爱的芝士粉啊！！！好食都飞起～
呢度有7种唔同口味的意粉，顾客亦可以叫师傅特制其他餐牌上冇的口味，果然够“五星”！
LUNCH TIME 唔使愁，食靓嘢仲有免费饮品！
连调搅饮品都一样甘讲究，用亲都系入口货，就讲左边第二樽的GALLIANO，佢系意大利名牌甜草本酒，亦都系多款著名鸡尾酒的主要成分，例如GOLDEN CADILLAC及SAILOR VENUS。

要做到五星级的水准，当然唔少的精致甜品，就算唔食得都一定要睇得。
而LAVAZZA的蛋糕论卖相及味道都相当唔错，感觉好"FINE"，而且只卖RM4.90一塊，仲平过SECRET RECIPE。
注：晚上十点过后仲有50%折扣，亦即是RM2.45一塊！！！本都蚀埋～

甘多款蛋糕之中，我最锺意呢个PASSION FRUIT 百香果口味的蛋糕, 酸酸甜甜好开胃啊～ :D 师傅，点整咖？
外形同上面嗰款甘上下，好似孖生姐妹。佢有一个好浪漫的法国名堂 "AMOUR"， 意思系“爱”，哗～～一咬落去真系即刻爱上佢 ！
当绿茶遇上提拉米苏...原来系会变成甘～ 呢个混合儿嗰样系生得唔错，可惜味道太甜。如果可以减少D糖，然后再加番多D绿茶甘就完美啦！

用巴基斯丹入口芒果制成的芒果焦糖布丁 MANGO CREME BRULEE，必食！

好似水晶甘嘅金黄色焦糖。

LAVAZZA 的拿手好戏就系制作呢D靓到好似摆设品的蛋糕，立体又逼真，可见蛋糕设计师手工一流，我俾五粒星！

蛋糕就好似艺术品甘摆系玻璃柜里面，任人欣赏。

餐厅二楼作为私人宴会用途，最啱搞生日派对或公司周年晚宴，地方可以容纳60人。

-

LAVAZZA CAFE

ADD: No.1 , Jalan Perdana 2, Segar Perdana Avenue, Taman Segar Perdana, Batu 9 Cheras, Kuala Lumpur.

TEL: 03.9057.2345

OPERATION HOURS: 12pm-1am daily