20110807

TOKYO STREET 大馬東京街走一趟

近来吉隆坡有條街好紅,唔係Chow Kit Road,唔係亞羅街,更加唔係你屋企條街,而係東京街!點解吉隆坡會無啦啦有條東京街?咁你就要問Pavilion的高層,事關條街係Pavilion裡面。點都好,對于消費者的我們嚟講絕對係好事,因為人都係貪新鲜的動物,所以間中有D新鲜嘢刺激一下消費慾望同埋社會經濟都未必係件壊事。至少朋友問你去邊時,你唔再答Mid Valley或Curve咁鬼悶,而係話:“我去Tokyo Street啊!” XD

位于Pavilion購物商場六樓的東京街。


我本来貪心咁期待呢度會有些日本潮人服饰专門店,例如:Comme des Garcons Y-3等牌子,或者超正日本快餐Mos Burger咁,點知都係奢望(輕微失望),真係冇乜驚喜囖~ 裡面有DAISO(其他商場早就有啦!),日本乾粮食品店(其實只不過将樓下超市的日本入口食品全部擺埋一齊賣),HABA专門店(其他商場已有櫃檯),日式陶瓷餐具店(不如去Daiso買RM5一隻嗰D),幾間日式餐館及小食店,而最令我覺得稍微有些少新鲜感嘅係老母(Lomo)相機店同麻薯(Mochi)专賣店。"老母"唔係一種潮流,而係一種態度,一種文化。 The Click Shop係一個LOMO產品专門店,里面售賣各種品牌的相機及菲林, 老母發燒友切勿错過啊!=) 本條狀餠乾王Pocky同Pretz 生產數十種口味獨特的餠乾(興奋), 甜酸苦辣乜都有,邊似得大馬的翻版Pocky >Rocky咁, 几十年嚟都只得朱古力同士多啤梨口味咁悶!:P
必買1: 著名北海道芝士及牛奶朱古力餅, 包装精美, 送禮佳品。=) 必買2:去北海道唔買會俾朋友打的<白之恋人>!依家就算去唔到都可以食得到啦!(興奋層度飙升)買一盒送朋友,然後同佢講我由北海道带返嚟嘎!嘻嘻~ XD 唷~好得意的牛油曲奇餅, 唔该俾我一盒!(好容易被包装欺骗的消费者)XD

話明係东京街,當然少不了有日本美食。呢度有好幾間日本餐館/咖啡屋,每一間都好似好掂咁,要試邊一間先?

我覚得“高橋”呢個名,应该係属于一個高大威猛,英俊潇灑的男人,就好似金城武level的質素。XD


高橋咖啡館就如Pasta Zanmai,都係賣日式西化的意粉。呢個龍蝦意粉睇落有D霸炮~


可爱的擺設永远特别容易引起我的注意。^^


性感!浮誇!有性格!咪以為呢張係纹身店的卡片,其實係高橋咖啡館的卡片。嘩~我都要返去同老闆提議一下换曬公司的名片,哈哈哈!


麻薯专賣店-Mochi Sweets,人流不絕,生意興隆,可見大馬人都相當锺意口感QQ的食物。

必買3:北海道薰衣草軟糖(RM6.90),咁香的sugus你食過未?XD

必買4: Bourbon Berry Roane 啤梨夹心餅 (RM12.90),極力推荐,包你食過返寻味。呢款夹心餅亦有香草及士多啤梨口味


Tokyo Street

ADD: 6th floor, Pavilion Shopping Centre, Bukit Bintang, Kuala Lumpur.

No comments

Post a Comment

Related Posts Plugin for WordPress, Blogger...

Estica ALL RIGHTS RESERVED © - Powered by Blogger