RESTORAN LONG LAI WAT (HUAT KEE) 東甲發記苹果炸魚頭

今次的馬六甲之行同以往有些少分别，因為觅食地點已不再只是馬六甲的范範圍之内，而係伸展至東甲。東甲（Tangkak)係柔佛州的一個小區域，位置非常靠近馬六甲，由野新(Jasin)前往東甲的車程只需30分鐘，所以由呢個州（馬六甲）食到過隔離州（柔佛州）話都冇咁易。多謝韩家的好提議，令我第一次踏足東甲就可以食到咁特别兼好味的全魚宴，尤其是係香脆可口的苹果炸魚頭！:D

發記的招牌菜離唔開個‘魚’字，例如生魚粥，魚頭米粉，蛋白蒸生魚同苹果炸鱼頭。
其實以上提到嗰几樣餸我們都有點，但係我竟然餓到顧著食而忘記攞相機出嚟影，搞到最後一道餸出場時，亦即是苹果炸鱼頭，我才：“哎呀！點解頭先冇影嘎？！”不過都还好，只少我都影咗我覺得最特别的一道餸。（安慰）魚頭炸得好乾脆，上面淋上由苹果丝+大葱丝+波蘿丝煮成的酱汁，甜甜酸酸，好惹味！再配合炸米粉一齊食，豐富口感更加令我难忘。=）

（上）其實魚頭同魚骨冇乜分别，因為都冇乜肉，不過勝在香脆的口感，嚼下嚼下都幾過瘾。

（下）有美食陪伴的雨天過得特别幸福。~_~

Restoran Long Lai Wat ( Huat Kee) 發記海鲜餐館

ADD: LC 205, Jalan Sialang, 84900 Tangkak.