GOOD MORNING CLEANSE 身體大掃除之七日排宿便

幾日前同好友Racheal無喇喇傾起身體排毒的話題，然後佢突然間打開手機俾我睇咗一張超核凸的相。:S 相信醒目的朋友唔駛三秒鐘都會猜到係屎 XD，哈哈！不過，呢個絕非一塊普通屎（可能你會聯想到攪肚痛之類的成品，不過你错喇！） ，佢係我从来都未見過的宿便！宿便？？宿便同普通大便有乜分别？简單又直接的解釋係...宿便係住在我們身體裡面兼排唔出的廢物，而大便就係一般被排出嚟的廢物。Racheal 話宿便的形状就如一條鐡鏈（係咪好恐怖），就算每日定時排便的人都會有宿便，所以斋飲水同食蔬果係唔够嘎，必需靠鑯维飲品才能徹底清除。因此佢就送咗两包Good Morning Cleanse的鑯維粉過我試，佢話非常有效喔！飲足七日就可以同宿便講拜拜～係唔係真嘎？我話曬都試過市面上唔少清腸排毒產品，最多都係攪下肚，排得舒畅D，但就从来都未排過鐡鏈般的廢物，:P所以我都好想親身體驗同證實呢個產品的威力。-

想見識“宿便”的朋友請按此 （警告：图片可能會引起不安）。

第一日：我在晚上12點鐘，依照包装上的指示，将一包鑯維粉倒入200ml的凍水裡面，然後就馬上咕噜咕噜地飲落肚。四個小时後，亦即是凌晨四點鐘，在美夢中的我被肚痛搔擾醒，好明顯我要去排毒喇！係四點鐘至六點鐘呢两個小時之間，我一共排咗三次便，排便雖好，但就搞到我冇覺好訓，下次要改時間先得！

第二日：吸取咗尋晚冇覺好訓的經驗之後，我今日就選擇晚餐後-8點鐘飲用，本来仲以為半夜12點鐘就可以排便，然后就可以一覺到天光，點乜知計算出错？！:( 呢次唔係飲用後的四個小時就有反應，而係十四個小時！！ 好彩我唔係早上十點鐘前出門，否則急起上嚟又冇廁所都唔知點算好。:S 今日的產量不及第一日，因為只痛一次同排一次，唔通D廢物已經排到七七八八？XD

第三日：由于幾日前去PD玩，又唔想被突来的排毒影响心情，所以我並冇直落三日飲用，而係相隔三日後再飲用。第三次的感覺舒服好多，完全冇攪肚的痛楚，而係好似平日咁排便，只不過D廢物比較“柔軟”。今早的排便次數一共两次，時間係8點鐘至11點鐘之間。

第四日：同樣都係晚餐後飲用，第一次的排便時間係明日早上10點，第二次排便時間係下午1點左右。排出嚟的廢物唔多，但我明明食好多嘢嘎，點解效果不如第一日同第二日咁畅快嘅？:S

第五日：由于第四日的排毒效果不理想（分量唔多），所以我甞試隔日再飲用，以為两日飲一次會比較有效，點乜知仲衰，:S 要等到早上11點半先有肚痛的跻象，而且分量好似便秘咁，同我擺入口的食物分量出入好大，點算好？=_='' 唔通呢個產品已經對我起不了作用？

第六日：開始失望....因為都只係排便一次，而且唔係鐡鏈形状的宿便，難到我冇宿便？

第七日：（即将更新）

有興趣的朋友可以瀏覧此網站：http://www.goodmorning.com.my/