HACHIGO 排長龍日式便當

食前感：“嘩～排曬長龍，應該好好味喇！”:D
食後感：“哎呀！上車咗！唉～” :(
-
好耐都冇嚟KLCC（雙峰塔）喇！平時都唔會刻意嚟呢度行街，皆因本地人又多，遊客又多，睇見都頭暈，更加唔好話要揾位泊車或排隊俾錢之類嘅麻煩事，我真係冇咁嘅耐性（可能年紀大咗的關系）。而近来再次拜訪KLCC係因為公司有場騷係隔離的會展中心進行，所以連續好幾日我都會係呢度“揾食”（意思係一日三餐）。大家做工的時侯通常都會選擇比較經濟的地方食嘢，所以當然係去KLCC二樓的美食中心。美食中心的面貌同我上次嚟的時侯差唔多，一樣咁多人同吵鬧，但就换咗幾檔新嘢。我在美食中心繞場一周之後，最終揀咗不停有人排隊的Hachigo日式便當，呢種就係人被人影響之下作出不理智的决定。XD 我好肯定咁話“見到人多就以為好食”的心理其實係不正確的，因為我都係過来人（後悔）。

做得似模似樣的假便當真係可以引誘到人，我就係其中之一個。 :P
哪！有圖為證，真係排曬長龍嘎！好自然地，我又走去排埋一份( 好傻，好天真）。

我的蛋包牛肉便當Hamburger Steak Bento (RM13)，賣相唔错。

不過有句話叫做“好睇唔好食”, 但後悔已經太迟，唔食又浪費。蛋皮硬到好似樹皮咁，好明显擺咗好耐，吹風吹到乾曬。裡面的牛肉陷亦唔見得好，同一塊摊凍咗的漢堡包冇乜分别，肉汁早已人間蒸發。外面淋上一層類似千島沙律酱的酱汁，甞試创新，可惜失敗。唉～彈到咁，仲邊食得落...

由于肚餓，所以勉强食咗半塊。:S

同事叫咗個炸鷄塊便當 Chicken Karaage Bento Set， 同樣唔掂。炸鷄炸到又乾又硬，要出力咁咬先得。配菜仲好食過主菜，我们唯有配菜捞飯。XD

RM13 買一個难食的便當，另外贈送一個教訓。

我要時時刻刻提醒自己，唔好再因為多人排隊就以為好食喇！可能佢地都係同我一樣，一個“以為”一個，所以就变成長龍。

Hachigo

ADD: Stall 11, Signatures Food Court, Level 2, Suria KLCC.

TEL: 03.2164.3288

BUSINESS HOURS: 10am-10pm