好耐都冇去下午茶了，記得幾年前的我幾乎每個月都同好友去tea，無論係五星级大酒店亦或温馨咖啡屋仔，都係我們嘆茶傾心的天地。但随著年龄的成長，大家好似變得越嚟越忙，拍拖的忙約會，即将结婚的忙籌備，已嫁人的就忙生仔，所以要係週末時悠悠閒閒咁嘆下午茶已經唔再係我們的玩意（除非嫁到個好人家唔駛做:P），否则要出去赚錢还燈油火臘數，又要返屋企餵奶，邊仲有閒情做“貴婦”啦！XD 不過，如果做人做到咁悲觀都唔係辦法，間唔中都要扮下貴婦平衡一下心理，否则人生仲邊有樂趣。=P
由大堂擺設, 燈飾, 檯凳，甚至乎果汁攪伴器都可見馬的踪影, 夸張得嚟有點澎湃。
由于金馬皇宫酒店(Palace of The Golden Horses) 的概念及擺設都係以馬為主，所以就連呢個下午茶三層盘都有個金馬頭，真係貴氣十足。
二人下午茶包括一壺英式紅茶。
呢度唔用砂糖，亦不用方糖，而係用稍微高極的水晶糖棒。糖棒會随著攪伴時慢慢溶化，一旦你品甞到理想的甜度時，就可以将糖棒抽起，非常方便兼“優雅”（攪拌的動作）。XD
金馬下午茶的上層包括富有大馬風味的咖哩卜 (Curry Puff)，芝士烤薯仔 (Cheesy Baked Potato) 同埋与司康餅(Scone)一齊享用的忌廉及果酱。两者味道都相當唔错，而且最重要就係食物送上時係新鲜热辣嘎！Hot Hot! 呢點十分重要，我最怕就係食D擺咗好耐又或者返叮的食物，好彩金馬冇令我們失望。
中層的食物特别誘惑，亦比較肥腻，不過我锺意！XD 有炸拳撃鷄(Deep Fried Boxing Chicken) ，炸墨鱼圈（Deep Fried Calamari) 同炸面包 (Fried Toast)。每一樣都炸得咁乾身酥脆，唔會有多余的油“吡”出嚟，食咗都唔會覺得太内疚。（又自我催眠）
底層的賣相比較含蓄同平凡，有果仁朱古力蛋糕( Chocolate Cake with Nuts)，司康餅(Scone)同埋吞拿三文治(Tune Sandwich)。整體表現并冇特别出衆，不過平平稳稳，稱得上令人滿意。
人仔細細的Shannon同我一樣都係胃食喵，有潜質！XDGrand Salon
ADD: Palace of The Golden Horses, Jalan Kuda Emas, Mines Resort City, Seri Kembangan, Selangor.
TEL: 03.8943.2333
No comments
Post a Comment