20110904

GINZA CAFE 日式抹茶奶早餐

"Ohaiyo Gozaimasu!" :D


今個周末的早餐不再沉悶,因為唔係本土咖喱椰浆飯配拉茶,唔係西式腸仔太陽蛋配紅茶,亦唔係中式點心配普洱,而係日式麵包配抹茶奶。:) 美麗的一天始於一份豐富美味的早餐,好心情源自於味覺及視覺上的享受。

位於Pavilion東京街的银座咖啡館(Ginza Cafe)係前首相敦馬哈迪繼The Loaf之後,以日式概念呈現的一間麵包咖啡館。好多行過嘅朋友都會被咖啡館外的三個大視頻吸引著而停下腳步,从視頻上可見師傅用純熟快捷的手法,又搓又捏,将一塊麵粉團做成精巧的麵包形状。相信老闆係想透過此方法令客人更加明白手工對於日式麵包的重要性。 日本人一向都非常注重健康飲食,所以係食物材料選擇及處理方式上都落足心思。為咗更加貼近日本人的飲食觀念,Ginza Cafe 的麵包都係選用天然食材,例如番薯、金瓜、蜜瓜,抹茶等等,並且係每日先做先賣,以确保客人每日都能够食到新鲜又有益的手工麵包。 除咗各種精美麵包糕點之外,呢度仲有其他日式美食,例如烤三文魚,烏冬麵,三文治,比薩,沙律等等,真係唔简單啊~ :S


飲品選擇非常多,當中亦包括各種口味的和風飲品,例如玄米茶、抹茶、柚子蘇打、櫻花奶飲品等等,但我一眼就睇中抹茶奶(Macha Green Tea Latte) :D!

日式咖啡館對於細節相當講究,就連餐具亦不例外。呢度的刀叉形状鑯細,重量適中,手感舒服,最啱用嚟食麵包,反而好多大酒店裡面的咖啡館都未能做到呢點。

我同媽咪花咗大約十五分鐘“参觀”所有麵包 (其實睇完又睇),最終精選咗以上呢4款麵包- 香蕉朱古力,芝士牛熏肉,芝士菠菜及核桃忌廉芝士。:)咁靓嘅麵包,又點少得一杯靓飲品! 本人極力推薦心型抹茶奶(Matcha Green Tea Latte RM12.90),香滑順口,飲咗之後會突然有種幸福的感覺,令我恨不得想即刻带我的他嚟試一試。:D


芝士菠菜麵包 (RM3.90)- 外型就如火山爆發咁震感,芝士味道好濃,麵包質感比法國的Baguette稍微鬆軟,咬勁十足,難怪一向重視食物口感的媽咪會讚不絕口。

芝士牛熏肉麵包 (RM3.90)- 芝士同牛熏肉本来就係天生一對,再擺入高質素麵粉裡面,就變成一個味道舆口感並重的作品,喜歡鹹味的朋友絕不能错過!

除咗有餡的麵包仔之外,呢度亦有冇餡的健康麵包同白麵包。

有咖啡瘾的媽咪就點咗杯咖啡奶 (Cafe Latte RM 9.90)。

核桃忌廉芝士 (RM3.90)- 超柔軟的麵包皮裡面包裹著香濃的忌廉芝士(Cream Cheese),救命啊!點解可以简單得嚟咁好味嘎???師傅,你係點做到嘎?

你睇D淡黄色的忌廉芝士!XD

擺在藤篮上的麵包們個個都充滿實力,谁也搶不了谁的風頭。

蛋糕選擇不多,所以未能成功吸引我的食慾。


好嘅包装唔單止能够提昇一間餐館的形象,同時亦能带来宣傳效應。而講到包装的水準,相信日本敢稱第二,冇人敢稱第一。


GINZA CAFE 银座咖啡館


ADD: Level 6 (Tokyo Street) , Pavilion Shopping Centre, Kuala Lumpur.


TEL:03.2148.0369


BUSINESS HOURS: 10am-10pm


No comments

Post a Comment

Related Posts Plugin for WordPress, Blogger...

Estica ALL RIGHTS RESERVED © - Powered by Blogger