FICELLE BOULANGERIE & PATISSERIE 在樹蔭下聽麵包說話 （午餐篇）

尋日带媽咪去Ficelle食過麵包早餐之後，佢話仲想試一試嗰度的意粉，所以今日（星期日）我就再带佢同阿姨及表妹去嗰度食晏。除咗麵包同糕點之外，Ficelle每日早上11點過後會提供一系列的沙律，湯類及意粉給客人选擇，所以如果怕肥唔想食澱粉類，可以考虑叫個沙律或蘑菇湯咖! :D

我為媽咪叫咗杯茉莉花绿茶Jasmine Green Tea。 大蒜油海鲜意粉 Seafood Aglio-Olio (RM11.80)無論中蝦，墨鱼或啦啦都一樣咁新鲜同爽口，整體味道因大蒜油及乾草的配搭之下顯得分外香喷喷。 軟壳蟹沙律 Soft Shell Crab Salad (RM10.80)其实呢個似小食多過似沙律，因為炸軟壳蟹係主要食材，而所謂的沙律只不過係幾片绿葉（生菜）墊底 XD，口感唔错，不過卡路里指數都幾高咖！

Ficelle Boulangerie & Patisserie

ADD: 11-0-12,Jalan 3/09F, Danau Business Center, Taman Danau Desa, 59100 Kuala Lumpur.

TEL: 03.7983.0211

BUSINESS HOURS: Sun-Thur 8am-9pm Fri-Sat 8am-10pm

FICELLE BOULANGERIE & PATISSERIE 在樹蔭下聽麵包說話 （早餐篇）

終于唔駛再爲咗食几塊麵包而专程揸車去到Imbi的Levain Boulangerie啦！

一来擔心塞車，二来又要擔心人多冇位泊車，而且分分鐘仲要擔心埋去迟一步啲麵包會俾人搶曬 XD，所以我情願唔去，因爲我实在唔锺意在人多的地方嘆茶，感覚好倉促。:P 不過，我以後都唔會再有呢方面的顧虑啦，事關Levain的妹妹Ficelle誕生咗，佢同家姐賣幾乎一樣的麵包及食物，但地點不在闹市中或大型商場裡面，而係在Taman Danau Desa住宅区的某一棟商業中心底層(Danau Buisiness Center)，所以人潮亦相較少。另外最值得開心就係佢距离我屋企的車程只係短短的十分鐘，所以想幾時食就可以即刻去食，好方便啊！=) -

Ficelle的位置就在大樹蔭下，所以就算艷陽高照，呢度依然風凉水冷，顾客可以坐得舒服，食得開心。
Ficelle的装修及摆設有Levain的影子。 焦糖伯爵瑞士圈 Caramel Earl Grey Swiss Roll (RM4.20)
坦白講，我並非一個爱瑞士圈之人（每次媽咪系棠記買返嚟的绿茶或黑芝麻瑞士圈，我掂都唔掂咖），但我竟然食曬呢整塊瑞士圈！（拍手）由此可見，呢度的瑞士圈真係非常好味！焦糖同伯爵配搭出嚟的效果令我驚嘆，令我不得不佩服"發明"呢個口味的师傅。
伯爵檸檬茶 Earl Grey Lemon Tea (RM5.50)

法式方形朱古力麵包 Chocolate Brioche (RM2.00)，裡面的朱古力酱又香又滑，而且唔會太甜，做下午茶點最適合不過。

我個人極力推薦的法式鱼卵包Mentaiko Ficelle (RM6.00)，相當"豪華"的一款麵包 :) 亦都係今日令我覚得驚喜的作品，味道一流！平时喜歡食鱼卵壽司的朋友不妨試一試呢個鱼卵麵包，你會軆驗到味覚上的另一種新享受~

英式懷舊味很重...

法式方形焦糖包 Caramel Brioche (RM1.50)

切勿错過呢度的瑞士圈！因為师傅的手工非常好，而且创意的口味配搭绝對係“只此一家”，例如朱古力香蕉，焦糖伯爵及士多啤梨芝士瑞士圈，其他著名餅家（棠記/RT Pastry/Bread Story/ Lavender/ Sun Moulin)都冇咖！ 紫色-浪漫同智慧的象徵。 精致西餅，食唔落都想望多两眼。 媽咪點咗杯奶咖啡 Cafe Latte (RM7.50)，佢話好飮！=) 唔同颜色及口味的馬卡龍粒粒充满誘惑力，令我想一次過擁有晒全部。:P

火鷄火腿牛角包 Turkey Ham Croissant (RM3.20)，脆軟合一，層次感豐富。另外表皮有啲芝士，醎中带香，好正囖~

見到呢部咁典型的單車仔，令我又再一次幻想身在北海道的富良野薰衣草田...

爱情小説裡面的情景應該都係咁上下。 XD 可以陪媽咪度過美味的一天味绝對係子女的福分。:) -

*我刻意将照片的颜色調浅以達到爱情小說般夢幻的效果，呵呵～ XD

Ficelle Boulangerie & Patisserie

ADD: 11-02, Jalan 3/109F, Danau Business Center, Taman Danau Desa, 59100 Kuala Lumpur. TEL: 03.7983.0211
BUSINESS HOURS: Sun-Thur 8am-9pm Fri-Sat 8am-10pm

WEB: http://www.ficelle.com.my/

E GARDEN RECIPE 健康の物語（白日夢篇）

日本北海道的富良野(Furano)薰衣草田係我的夢想。我一直都希望身在一片薰衣草花海中，被薰衣草的香味重重包圍，然後食番支薰衣草口味的甜筒，嘩～童話般的幸福！不過现實歸现實，夢想始終需要金錢同時間将佢變成事實，所以就不如先揾個地方坐底，静静咁發個靓白日夢吧~
-
*美夢進行中，切勿打擾。:P

發白日夢的感覺就如一片雲咁，既具體又抽象, 既真實又虚幻。 我們一起邁向富良野薰衣草田，接受大自然香薰的洗禮。 月亮也在沉睡中...

就算發夢，都唔好忘記醫肚，:)

E Garden Recipe 提醒你要食得健康。 嘆壺薰衣草茶，口氣亦變得特别清新。

*呢度的薰衣草茶味道太重，可能係茶葉份量落太多，所以搞到好似飲香水咁。XD

做人唔一定要快活，慢活也是一種学問。只要“慢”，才能看清身邊一切美麗的事物。

有機炸豆腐，外脆内軟，味道十分清淡，一定要沾上酸甜酱。

熊仔為咗健康同减肥，所以點咗個全素紫菜糙米拉面湯，虽然营养價值高，但味道並非一般人能接受，呵呵～

有機寿司^^。

糙米粉湯-材料有炸豆腐，小白菜，蘿蔔，木耳，紫菜，鲍鱼菇等蔬菜。

唔係個個兔仔都喜欢食素，睇佢嘅表情，你就知道呢個係食肉兔。XD

呢度的招牌之一：三文鱼頭糙米，睇相好似好好味咁。:P 美容聖品-蔬果汁。 食完之後，再繼續我們的富良野白日夢...watashi wa kuso ga daisuki (-_-)zzz~

E Garden Recipe

ADD: LG55,SS2 Mall,Petaling Jaya, Selangor.

SUPER MARIO'S MUSHROOM 超级瑪莉毆蘑菇

今朝的心情特别靓 :) ，因为有kakak為大家准备的蘑菇（迷你士多吡梨杯仔蛋糕）! 食後感覺就如遊戲中的瑪莉歐食咗蘑菇之後變大咁過瘾！多謝Kakak的爱心蘑菇，令大家充滿活力咁去繼續搏殺。

紅蘑菇-食咗會變大；绿色蘑菇-食咗會多一條命，嘻嘻～

小小蘑菇，大大力量。
我的工作夥伴-龟仔。

同埋花家姐。XD

MON BOULANGERIE 大蒜麵包早餐

睇著大城堡Sri Petaling由一個茶餐室圍繞著的小花園，變成今時今日有超市，Old Town，Papparich，KTV等等的一個興旺住宅区，心裡面有無限的感触。當然，有進步絕對係一件好事，至少對於大城堡一份子的我們更加方便，要同朋友飲茶都唔駛咁麻烦揸車佢隔離條村，例如旧古仔或華聯花園。有時肚餓起嚟都唔怕冇嘢食或唔知食乜好，就好似近来咁，同媽咪打算去食雲吞面（早餐），點知嗰間餐館隔離又開咗間新嘢-Mon Boulangerie，而且仲係賣自製麵包糕點，英式早餐及Lavazza咖啡, 所以我同媽咪都被吸引過去。貪新鲜，人之常情，嘻嘻！

Mou Boulangerie可以話係大城堡第一間比較“靓”的英式咖啡屋。
裡面環境舒適，有印花牆纸，彩色古申，復古時鐘，一間充滿英式田園風的咖啡屋，女性們應該好锺意。:)

全日早餐，要幾時食就幾時食。:D

我的‘乜都有早餐’(RM13.50)， 香肠食得出係一般超市的包装香肠:P，不過整体唔错，俾咁嘅價錢就可以食到一份分量十足的英式早餐，已经冇乜好彈。炸薯仔，火腿，蘑菇，炒蛋的味道都相當好，另外搽上牛油的大蒜麵包亦非常香同有口感，唔似一般“空心”麵包，由此可見自製麵包真係唔同D。:D

火腿芝士三文治 (RM7.50)同樣用咗自製大蒜麵包，配搭新鲜蔬菜，芝士同火腿，要大啖大啖咁咬落去，先可以感受嗰份滿足感。

嗡嗡嗡～小蜜蜂蛋糕！=)

呢個装鷄蛋的鐡桶有懷舊農村feel，靓！

有鬼佬出没？！Sri Petaling忽然間變成Mont Kiara。XD

我對凳有情意结...去到邊都睇凳，我早應該去讀家私設計，而唔係廣告設計。:S

五谷雜果蛋糕，好似好好味咁～

迷你朱古力爱心撻。

食完早餐之後，媽咪仲買咗D麵包返去品甞。^^

我們带著呢两塊麵包仔離開，拜拜！

Mon Boulangerie

ADD: NO17, Jalan Radin Bagus, Bandar Baru Sri Petaling, 57000 Kuala Lumpur.