FANNY ICE-CREAM 越南雪糕诱惑

讲到雪糕，你会先唸起边一个品牌？HAAGEN DAZS? BASKIN ROBBINS? BEN & JERRY'S? WALL'S? NEW ZEALAND NATURAL? 无论你唸紧既系A品牌亦或B品牌，呢刹那只有一个品牌出现在我的脑海中，佢叫做 FANNY ! 依家既我心情极度兴奋，因为我终于嚟到全越南最好食的雪糕专门店，咪以为系一般平价雪糕，FANNY卖D雪糕都系由100%天然材料制成咖！仲好食过好多名牌雪糕！

FANNY 诞生于1994年，越南。创办人系一名毕业于国际知名雪糕及西饼学校- Le Notre Paris 的法国师傅 Mr. Jean-Marc Bruno。凭著佢对雪糕的热诚及专业雪糕制造知识，佢成功地将 FANNY呢个品牌搞到街知巷闻，因此吸引咗世界各地的食评家嚟到越南揾FANNY， 而FANNY亦不负众望，得到相当高既评价。

FANNY 可以甘成功，系因为D雪糕用纯天然材料制成，不含人造色素、味道及防腐剂，所以 FANNY 绝对系一个高级雪糕品牌！嘻嘻～

FANNY雪糕专门店位于河内名湖 HOAN KIEM LAKE 对面，客人源源不绝，除咗当地人之外，亦有大量游客帮亲。河内D年轻男女都喜欢嚟呢度拍拖叹雪糕。

雪糕拼盘- 迷你朱古力火锅伴14种口味的雪糕、新鲜热带水果及香脆威化饼，超正～～我永远都唔会忘记食落去个种感觉...就好似热恋的感觉甘甜蜜幸福。甘大盘“色香味俱全”的雪糕都系只卖 140000VND ，大约系马币 RM28，平靓正！

睇到张甘优雅的凳，令我突然好想哼 :"I LOVE PARIS IN SPRING TIME, I LOVE PARIS IN FALL..."。

可以系河内呢个气候甘热的城市叹番杯雪糕真系人生一大快事！

（上）杏仁、坚果及腰果 （下）有32种口味甘多，好难揀囖！

FANNY雪糕除咗好味之外，卖相亦好鬼吸引咖! 睇下图中的两款雪糕，几得意！:D

（上）BLOSSOM- 有士多啤梨、咖啡、朱古力及牛轧糖NOUGAT口味的雪糕，睇到我流晒口水～ :P (下) SUSHI-寿司形状的雪糕，创意十足，好KAWAII~

拜拜FANNY！我爱你！

-

FANNY ICE-CREAM HOUSE

ADD: 48, Pho Le Thai To, Hoan Kiem Lake, Hanoi.