冠華其實係一間專幫人搞自助餐宴的公司(CATERING SERVICE)，但係由於D人通常都係週末及夜晚設宴請客，所以冠華就索性將佢地準備食物的地方變成一間餐館，打開門做早市生意，而營業時間系星期一至五，早上9:30到下午3:30。由此可見老闆系一個非常有生意頭腦的人，充分利用公司的資源之外亦唔浪費任何賺錢的時間。你咪以為冠華又係一般大炒餐館，其實佢賣D食物都好有特色咖～譬如話XO魚頭米、上海炒年糕、黑啤羊仔骨同埋扣肉包甘，都唔係邊度都有得食咖！如果你想試D比較唔一樣的中餐，不妨考慮冠華。
冠華招牌瓦煲老鼠粉，用料及味道同我地食開D瓦煲老鼠粉有少少唔同，除咗有豬肉碎之外，仲加咗蝦米、豬油渣、芝麻及大量青蔥。做法好似乾炒老鼠粉，雖然冇咩汁，但係就多咗一份香味。 
今日唔使煩食乜嘢，去邊度食，因為老細請客，哈哈！
冠華首創XO魚頭米，味道比一般魚頭米嚟的清淡而且冇乜奶味，但係就多咗些芋香味，因為師傅加咗D條狀芋頭嚟炮製呢煲XO魚頭湯。 *必食！
（上）冠華八大招牌菜（下）生意超好，廚師及伙計都忙到不得了。
峇株巴轄扣肉包- 外形蠟蠟靚的五花肉夾著塊芋頭，你覺得味道會如何？我個人就唔食肥肉，但係就覺得芋頭同D汁都幾唔錯。芋頭的形狀及顏色好似午餐肉，嘻嘻！
呢個饅頭係要嚟夾著扣肉一齊食咖！我覺得個款好似馬桶蓋～都係可以開蓋，好搞笑！話是話，呢個饅頭又真係幾好食，軟淋淋咁:)
營養豐富的炒齋菜，有齋叉燒、齋雞肉、白果、木耳、蘿蔔、蘑菇、冬菇、麵筋、青豆及迷你包蜀。嘩～真係五顏六色！
同事們的最愛- 蝦米炒生腸 ！ ！ ！唔好意思，我接受唔到囖～因為我係唔食內臟咖:P
乾炒麵線，冇乜特別，但係簡單得嚟都幾好味！ 
泰式豆腐，睇見都開胃！
冠華餐館每日只營業6個鐘（早上9:30 到下午3:30）， 星期六、日休息。所以要食就要趁 LUNCH TIME 啦！
-
RESTORAN GOON WAH 冠華自助餐宴服務
ADD: G13, Jalan 3/115C, Block KP2, Taman Kuchai Jaya, Off Jalan Kuchai Lama, 58200 KL.
TEL: 03.7982.0048 / 7984.0722
