ONE NOODLE 全一拉面 . 中华风味

要食拉面唔一定要食日本拉面，其实中国拉面亦相当有水准，就好似呢间为于SS2的 全一拉面馆 ONE NOODLE ，售卖多达三十种口味的手工拉面以及各式各样的上海点心，就譬如话小笼包、锅贴、灌汤饺等等。除此之外，我地亦可以系呢度品尝到各种香港道地美食同饮品，例如菠萝油、烧腊、多士、叉烧酥以及鸳鸯等等。如果嫌唔够多选择，仲可以打埋边炉（火锅）咖！我个人真系几锺意嚟呢度食嘢，食物选择多唔再讲，最重要系D食物好味而且价钱合理。

（左上）炆花生 （左下）各款拉面任揀 （右）餐厅门口

我今日想食清淡D, 所以就揀咗鱼肉荞麦拉面。材料有煎鱼肉片、紫菜、小白菜及金针菇，都系属于比较健康的配搭。另外，呢个拉面汤底非常纯正清甜，唔会好似一般味精汤甘饮咗令人觉得口渴。正！

喜欢食虾的朋友可以选择呢个葱花虾子拉面，用云吞皮包著新鲜虾肉的虾子粒粒结实弹牙，五粒都唔够食？！:P

虽然同鱼肉荞麦拉面一样都系清汤，但系味道就各有千秋。

小笼包，皮薄馅靓...（咦～好似月饼形容词）:D 猪味唔会太重而且汤汁鲜甜，值得试一试！

炸豆腐- 炸得几靓，外脆内软，人人见到都想“食豆腐”，哈哈！

- 餐厅宽敞舒适，墙壁上仲有介绍拉面、烧腊以及香港茶餐厅的历史，可以边食边读，唔怕闷亲。:P

-

ONE NOODLE 全一拉面 . 点心 . 火锅小厨茶餐厅

ADD: NO.66 & 68, Jalan SS2/67, Petaling Jaya, Selangor.

TEL: 03.7877.8499