DIM SUM . YUM CHA 點心饮茶之喜气洋洋

如果你问我-华人最具代表性的食物係乜野，我会答-點心！华人锺意去茶楼叹茶，食番一盅两件的文化已经有几百年历史，由当初最原始的馒头到今时今日千变万化的點心，可见华人对于點心的要求不断甘提升同进步。“有华人的地方，就有點心”呢句话绝对可以形容點心係现今社会的地位。

而最近旧古仔又冒出一间新嘅點心茶楼，名为 點心饮茶，外形红噹噹，好有农历新年气息，环境及卫生都冇得弹，唔知食物又合不合格？

去到點心楼，就梗係要叫虾饺烧卖 XD

虽然D虾肉都几新鲜，但係师傅嘅功夫似乎有待改进，事关一咬就散晒 :( 有失口感。 继续出场嘅有烧卖，味道同卖相都相当唔错，冇弹冇赞。

呢度的装横好有“农历新年”feel，摩登得嚟又不失传统，仲有华人喜欢的“年年有余”吉祥画。
我個人特别推荐的炒萝卜糕，新鲜炒起，香味十足。
再加上D炸银鱼仔，即刻令整碟萝卜糕生色不少。
与流沙包合照 ^^。

-自助冲茶角落-

客人可以随個人喜好选择唔同口味的茶叶及份量放落個瓷制茶壶，然后加上热水冲洗茶叶一次，再加多次热水，等大约3分钟，一壶靓茶就可以即刻享用啦！

依然觉得好似过紧农历新年～ :D

鲜虾香芒 (RM4.90 3pcs) 非常脆口！必食！

呢度的招牌包之一：狗不理包，其实同生肉包冇乜分别，我個人就接受唔到，因为D猪味好重！

招牌包之二：流沙包，點解D沙冇流出嚟嘅？

虽然咸蛋馅好够味，但係唔识流出嚟嘅流沙包，又點称得上係真正的流沙包咧？失败之作。

选择多。

潮州蒸饺，猪肉味好重，掩盖咗沙葛的清甜。

冇乜味的蒸排骨。

座落于旧古仔新区的點心饮茶，生意一般，有待被发掘。

（小图）趁妈咪过马路时，影地咗呢张靓相。

-

DIM SUM .YUM CHA 點心饮茶

ADD: Kuchai Avenue Block KA2 1-10, Lot2-10, No39, Jalan Kuchai Maju 13, Kuchai Entrepreneur Park off Jalan Kuchai Lama, 58200 K.L.

TEL: 03.7980 8966

BUSINESS HOURS: 8am-5pm (MON-SUN)

POCO HOMEMADE 简约饮食之寻宝篇

这是一個寻宝之旅，地点位于孟沙住宅区一带。由大城堡去到目的地大约只需二十分钟，我沿住谷歌地图的路线，一路转左又转右，经过多间豪宅，终于揾到呢個宝- POCO，一间美丽又低调的日式咖啡馆。

POCO座落于宁静的住宅区，外观别致，係一对情侣的结晶品。

每一個角落都好似有個故事...

日本UCC有机咖啡，味道清淡带甘，唔係甘适合我。

周围有好多唔同类型的书，惊喜不断。

第一眼就爱上咗呢本书，小克好嘢！

创意无限。

怀旧。

嚟到呢度，双眼即刻变得好忙碌，因为四周好似有睇唔完嘅细节。

噢...

宇珩出道以来最正的作品《從這裡到那裡》

食物同饮品的选择唔多，但係都好，因为唔使唸甘耐。

餐牌硬到可以敲得响個頭。

自制豆腐蛋糕，味道清香，质感松软幼滑，绝不能错过！

呢度每一件精品都係店主手工自制，落足心思。

好喜欢呢個CD封面 :D 有一种难以形容的感觉。

地下有個六七十年代的走佬夹。

签番個名做纪念 ^^

CARLA BRUNI！一把令人陶醉的声音。

我個人觉得呢個封面几得意。

LYN好似小学生。XD

乜都有。

WHO NEEDS DONUTS? :D

《殺死99隻猫的少女》有D残忍 +变态 :P

“我不要阉！”原来玛丽莲梦露嘅招牌动作係甘解，哈哈！

厨房。

看似脆弱的绿叶，其实应该很坚强。

外面有架好型的‘古董车’，颜色同POCO衬到绝，唔知车主係唔係POCO的老板？

-

POCO HOMEMADE CAFE & ATELIER

ADD: 1, Lorong Kurau, Bangsar.

BUSINESS HOURS: 12-9pm (Closed on Mondays)

TANG PIN 天品雅厨- 弹牙鱼蛋面卜

面卜其实源自于邻国新加坡，未听过呢個名嘅朋友可能会对佢有些少好奇，其实佢就係名副其实的扁面，而较为普通的煮法就係猪油捞，再配上D肉碎，青葱，生抽，醋，辣椒酱，然后加上几粒弹牙鱼蛋及鱼饼。係新加坡食过面卜的朋友，都知道佢地的鱼蛋好似兵乓波咁大粒，非常爽口，但系我個人就对咁大粒嘅鱼蛋有D恐惧感，觉得好容易哽死 :P 所以都係细粒的鱼蛋啱我多D， 就好似呢個天品雅厨的鱼蛋面卜咁...toink toink~

未食面之前，先嚟试下佢地嘅小食。呢度的小食都係以炸鱼肉酿料为主，而其中较吸引我嘅就係呢個炸鱼肉云吞，香脆又爽口！

位于大城堡新开张的天品雅厨，生意唔错，但係服务效率有D慢，最好避免中午12点-2点呢段间去。
类似炸俩的肠粉腐竹卷 (RM6) ，里面唔係包住油炸鬼，而係鱼肉腐竹，睇到好想食啊～下次一定会试。
招牌面卜 (RM6)- 猪油捞扁面，材料有猪肉碎，猪油渣，青葱，自制鱼饼及鱼蛋。
味道比新加坡的面卜嚟得清淡，而且冇放醋及辣椒酱（除非另加），但係就有令一番风味。面条爽口，鱼蛋够toink toink, 猪油渣又新鲜脆口，原来大马版的面卜都相当有水准咖！^^ 必试！
喜欢清淡的朋友可以选择清汤鱼蛋河粉，味道好清甜。

另一個厨师推荐的美食- 炒鱼面肠粉 (RM7) 一個相当新鲜的组合，未食之前有D怀疑...
估唔到食咗之后仲想叫多一碟，嘻嘻！味道同本地的炒粿条好相似，分别在于呢個比较有层次感，鱼面及肠粉一硬一软，绝对係口感上的一种享受。

我個人大力推荐呢度嘅热姜茶 (RM3.90) ，味道浓郁，真係好够“酱”！

雨天时叹番一杯热姜茶，都係一种幸福嚟咖。

-

TANG PIN KITCHEN 天品雅厨

ADD: 157, Jalan Radin Bagus, Zone J5, Bandar Baru Seri Petaling, 57000 KL.

TEL: 012-3892523

ALI CAFE 林峯最爱

要做一個“称职”的BLOGGER真係一D都唔容易，少D时间同精神都唔掂 >.< 。我每日除咗要返工之外，仲要做埋FREELANCE设计，打理网上小生意，再花D时间係FACEBOOK，然后夜晚同朋友饮茶食饭，一到周末陪完屋企人又要陪男朋友，間唔中仲要做下“姐妹”陪亲戚朋友出嫁... 所以，就咁忙下忙下，我已经一個月冇POST新嘢啦！连我自己都觉得难以置信 :P

今日要同大家分享嘅係由著名香港TVB艺人林峯代言的ALI CAFE，相信大家都对呢个本地品牌印象深刻（可能係因为林峯 ^^）。佢同OLD TOWN一样，都係卖咖啡粉卖到开咖啡馆，分别在于ALI CAFE的概念比较时尚及年轻化，咖啡馆的设计色彩夺目，所以得到唔少年轻人捧场。

叫得ALI CAFE, 唔係因为個老板叫ALI, 而係佢地D咖啡及奶茶加入咗一种非常著名的植物成份叫咗TONGKAT ALI，据讲能帮助男性增进体能，提升精子产量及改善性能力等功效，可谓亚洲版的伟哥。唔知女性食咗之后又会掂咧？

ALI CAFE 的招牌TONGKAT ALI奶茶 + 迷你梳打饼。味道同一般奶茶冇乜分别，好在甜度适中，值得一试。我所谓的“时尚”唔止係咖啡馆的装饰咁表面，而係包括好多小细节，就如呢個碟咁^^原来大马人都几有创意咖！九月份的美食排行榜：1. NASI LEMAK BUNGKUS 2. ALI FRIED RICE 3. BEEF THICK BEEHON SOUP 4. NASI LEMAK AH MOI (有D搞笑！) 5. CINTAN HEBI HIAM 名为“B n W” 亦即係黑与白的OREO雪糕蛋糕，口感及卖相都几好，而且都几大塊，建议二至三人享有。NICOLE係呢度的熟客，多得佢介绍我地嚟呢度饮茶。传统小玩意。 有冇兴趣踢返场波？ 由于同发型师有约，所以我地只係匆匆忙忙饮咗两杯茶，都未有时间试下呢度D美食。等我林峯，我一定会再返嚟！:P 黑、白、红，好醒目！ （左）荔枝冰沙（右上）各款ALI CAFE 产品 （右下）侍应生的制服都几型仔，白衬衫+ 黑绅士帽。 啊～苹果！免费上网！

ALI CAFE

ADD: Desa Sri Hartamas

TEL: 03 2300 3305

WEB: http://www.powerroot.com.my/