20111106

BEN'S INDEPENDENT GROCER (B.I.G.) 城中最In最潮的超市

第一眼見到B.I.G的感覺就好似大馬2020年宏願實現了一樣咁興奮 =) !以為無可能會發生,但就竟然變成眼前的事實。我此刻的超常心情並非人人能了解,除非你已經到訪過B.I.G.,否則你絕對不能相信我國會無喇喇有一間極具國際水準的超市。B.I.G.的出現就如Astro一樣,将大馬人同全世界的距離拉近之余,亦提高人民對于生活品質的需求。若然你去過B.I.G.,你就唔會再去其他超市,因為其他超市未能好似B.I.G.一樣所提供如此多的外國產品及選擇,道理就正如一旦你有了Astro,你就唔會再睇TV1-3一樣。:P

B.I.G.真係好big! 裡面好似乜都有咁~每一樣産品或食物都令我望完一眼又一眼,摸完一下又一下...我從未係大馬的超市行得咁過瘾。無論係超市的設計概念,新鲜出爐的麵包,肥美老鼠斑,水植生菜,不同口味的芝士,Plan B 咖啡座, 猪肉部的黑猪擺設,Jamie Oliver 酱料,黑板上手繪圖案,朱古力吧...一切一切都令我們四人贊不絕口。:D 我實在迫不及待要再一次拜訪B.I.G.,到時一定要凖備多啲银兩! XD



位于Publika商場底層的B.I.G超市。 豬肉部。 超市裡面設有餐館- Ben's General Food Store。 我在超市裡面的Plan b Cafe 點咗杯熱朱古力,味道唔會太甜,正合我心意。 - 無數由外國入口的零食,救命!!! 乾粮部散發出陣陣复古懷舊味。 - 有毛有翼豬仔。=) - 我好喜歡的一個角落- 廚房用具部,呢度唔單止有賣精美的餐具,仲有名牌Kitchen Aid攪拌機。各式各樣的火腿及腸仔, 買啲返去做早餐。呢度每一個角落都充滿創意點子,令我好好奇想知道誰是B.I.G.的創意總監。除咗有大量外國產品之外,呢度亦有不少傳統食品,例如華人最喜歡的鲍魚及鲍貝。 - 喜歡食猪肉的朋友絕對不能错過B.I.G.的猪肉部,因為呢度有好多来自不同國家的豬肉食品,例如中國臘腸、排骨冬粉、德國香腸、英國熏肉、台湾肉松以及泰國肉碎即食麵等等,真係要乜豬有乜豬!要幾多片金華火腿?當場即刻切俾你。=) - 救命 x 2 !! 呢度有好多各種不同種類及口味的芝士!=)行到口乾,仲可以坐底嘆番杯澳洲靚茶- T2 難怪邊行邊覺肚餓,原来呢度的麵包同蛋糕不停散播“迷魂香”,偷偷地刺激我的食慾。XD - 見到美味又健康的麵包不停咁同我招手,我又點忍心唔将佢地带返去?! - 酒水部的天花板用麻繩吊满透明玻璃酒樽,構成一幅迷人的畫面。 第一次係超市影唔停,而且仲有一種唔捨得走的感覺。>.< - 都話咗B.I.G.唔係一般超市,邊有人會咁大胆擺架咁型嘅飛機係超市裡面嘎?如果擺係Giant 或Tesco,我唸早就失踪啦~超市裡面樣樣都係藝术品,包括呢張生鏽的接凳。- 若然(同我一樣)賴死唔走, 可以係Plan b 飲杯咖啡,繼續感受身在“外國”的感覺。:P知名烹飪大師Jamie Oliver的意粉酱。 B.I.G. 係全馬首間提供“最新鲜”蔬菜的超市。有幾新鲜?蔬菜種植在特設的水管上,然後由客人親自選摘,真係仲新鲜過街市,用嚟整沙律就最適和不過。 - 身娇肉貴的老鼠斑。 - 新鮮海產部。 - 水果粒粒色泽漂亮,非常吸引。 左上)日本入口的Hello Kitty調味品。(右上)擺放整齊的檸檬草及香蕉葉。 (左下)蔬果種類應有尽有。 (右下)呢度仲特設芝士房,等芝士可以係良好的温度下健康成長。除咗“正”,我已經唸唔到有其他更好的字眼去形容B.I.G. 每一粒檸檬都咁靚,唔駛曬時間左揀右揀 不一樣的花店,以盆栽及吊掛式植物為主,設計簡單而高貴。




















Ben's Independent Grocer (B.I.G.)

ADD: Lot No. 1A, 83-95, Level UG1, Publika, Jalan Dutamas 1, Solaris Dutamas, 50480 Kuala Lumpur.

TEL: 03.6209.1700



No comments

Post a Comment

Related Posts Plugin for WordPress, Blogger...

Estica ALL RIGHTS RESERVED © - Powered by Blogger