AKI BOULANGER PATISSIER 在十字路口爱上日式炸猪扒治

巴黎有好多令人爱上的理由，譬如話时装，建筑物，艺术及美食，而我爱上巴黎的理由就係呢条日本街 Rue Saint-Anne，因为呢度云集好多非常正宗的日式餐馆 :) ，特别係呢間法日式面包屋 Aki Boulanger Patissier，只要你经过呢度，你就会被香喷喷的面包味吸引入去，嘻嘻～我唔係一個爱猪肉人士（可以話相當抗拒），但我竟然係度爱上炸猪扒治 Pork Katsu Sandwich，唔通我变咗？

巴黎日本街的十字路口四邊都係日式餐馆，见到咁多日文招牌，几乎忘記自己其实身在巴黎。XD
十字路口的其中一角就係呢間法日式面包屋 Aki Boulanger Patissier。法国面包质素好众所周知，但如今配搭日本的元素就更加不得了啦！我只可以話呢度的一切美味得嚟很震撼，震撼得嚟很难忘。
無論係法国人或日本人都被呢度新鲜出爐的面包糕點深深吸引著，當然身为大马人的我亦不例外。:P

早上九點几就排晒长龍，人人都想有個Aki Boulanger面包做早餐。:) 由于依家係上班时間，所以大部分客人都选择带走而唔堂食。

款式相同的日式绿茶包及蜜瓜包。

哗！哗！哗！兔仔馬卡龍士多碑喱慕丝同雪人馬卡龍绿茶慕丝！咁得意，我點忍心食噢？！0_0

面包食唔饱唔紧要，呢度仲有日式咖哩炸蝦/炸鸡饭！XD

Innocent牌100%果汁，饮咗会变得好天真，好傻？XD

食面包配啤酒，应该十分涨！

日本人的创意一直都係咁令人佩服，就好似呢個炒面面包咁，呢次我真係無話可說。XD

款款手工精致的糕點排列整齐咁等待佢的主人将佢带返屋企。

我今日的早餐就係呢個炸猪扒三文治！Euro 5.50都算合理。

法式無花果面包及鸡蛋糕。

盒装沙律。

啱啱叮热的三文治, 香味四溢～

香滑可口的奶咖啡Latte。

我的至爱-绿茶奶 Green Tea Latte，唔知點解每次聞到呢阵味时会有種莫名的安全感。^^

玻璃窗上有多我睇唔明的法文，但我就係喜欢这種感觉。:P

日式炸猪扒治 Pork Katsu Sandwich (Euro 5.50)-面包非常新鲜柔软，炸猪扒皮薄肉厚，香酥而不油腻，咬落啖啖结实的猪肉，半塊肥肉都冇，难怪唔喜欢食猪肉的我都会爱上啦！整体表现超出水准，無論面包，炸猪扒，生菜亦或里面的酱料都咁完美，搞到我食不停口。:P

阿妈話：“男人口大食四方，女人口大食穷郎”，你是否認同？嘻嘻！ 呢度真係名副其实的日本街，一望出窗外就见到日本人拖著狗仔行街，感觉正如身在日本一样。

对面有個打扮时髦的咖仔企係日式烧肉店門口，照直觉推断佢应该係嗰間餐馆的员工。:P

-

AKI BOULANGER PATISSIER

ADD: 16 Rue Saint-Anne 75001 Paris, France.

TEL: 0951841704

BUSINESS HOURS: Mon-Sat 9am- 10pm

TOP 1 FOOD COURT 砂劳越叻沙

马来西亚的叻沙多不胜数，几乎每一個州属都有自己的叻沙，譬如話槟城叻沙，柔佛叻沙，马六甲娘惹叻沙及砂劳越叻沙，而當中砂劳越叻沙同Kolo Mee的地位可谓平起平坐，所以食咗Kolo Mee又岂能唔食埋砂劳越叻沙？*_^

TOP 1 美食廣场里面有大约五六個熟食檔。
我们今日的目标就係呢檔叻沙！:)

砂劳越叻沙 (RM3.50) 今时今日已经好难揾到三蚊的面，更何况係一碗落足料的叻沙！
TOP 1 美食廣场里面的叻沙材料丰富，有鲜蝦，鸡丝，芽菜，煎蛋丝及叻沙叶。味道方面只需一般，可能我個人比较喜欢辣味重的叻沙，而呢個虽然几香，酸酸哋几开胃，但一啲都唔辣，较为清淡。其实最令我失望唔係叻沙的味道，而係湯水唔够热, 所以就算好味都冇用。:S分享佢的燕窝生意运作的经验，希望下次佢会同我哋分享燕窝的美味，哈哈！ XD

恐龍：“比卡丘，我嚟啦！”XD

TOP 1 FOOD COURT

ADD: Jalan Tun Ahmad Zaidi Adruce, Kuching, Sarawak.

MENG KUI CAFE 正宗興化面线

酒店虽然有提供自助早餐，但好客的古晋朋友Gary話要带我哋去試當地的早餐-興化面线，我聴到當然赞不绝口啦~ XD 用餐地點距离酒店唔远，一上车，转几个弯就到咗！

其实古晋只係一個小城市，去邊都唔驶十五分鐘，对吉隆坡人嚟讲係“非常近”，但对古晋人嚟讲就有啲远，就连停顿在红绿燈三分鐘佢哋都話塞车，哈哈哈~ 我开始羡慕古晋人悠悠自在，不受繁忙交通影响的生活方式，試問我哋吉隆坡人每日花几多时間系路上？ 唉~可悲！

位于Abell Road 的茗贵茶餐室以美味道地及興化面食出名，所以嚟呢度你可以一次过试齐所有古晋的面食，例如话Kolo Mee，番茄炒面，番茄炒饭，福州面，興化面线，興化手打面等等。 砂捞越的代表作-干捞面Kolo Mee ，我一食就上瘾！所以几乎接落嚟的几日我都吵著話要食Kolo Mee，最终呢個四日三夜的古晋之行我就试咗三個唔同地方，唔同口感的Kolo Mee，真係走都走得心息啲，嘻嘻~ 以上呢碗出自茗贵茶餐室的Kolo Mee (RM3.00) 係我人生中第一碗Kolo Mee （第一次拜訪砂劳越），所以对佢的期望亦自然提高，話晒都聴人过甘多年，但一日未食过都唔会体验到有几好味，噢~原来真係好好好味咖！:D 點解一碗普通的干捞面会俘虏每一個砂劳越人的心？秘诀好简单，就係面条！Kolo Mee的面条同云吞面完全唔一样，佢望落有啲似即食面的形状但弹性十足，口感一流！然后配上适量的肉碎，炸葱，青葱，叉烧及简单调味料，一碗美味的Kolo Mee就此完成。"Less is more" 真係唔係人人都做的到，好多厨师或食客都以为越多料就越好，乜都加晒落碗嘢度，最后美食不成，变成垃圾！我好庆幸可以係古晋品尝到一碗甘正宗，原味同高水准的Kolo Mee。= )

我对興化面线的喜爱层度可谓一见锺情！（绝对冇夸张）先論卖相，我俾佢满分，因为就算你係吉隆坡俾二十蚊都未必能食到咁靓咁丰富的面线，更何况佢只卖RM4.50! 材料虽简单但极度新鲜，有鲜甜的中蝦，肥厚鱼肉，切丝煎蛋，冬菇丝，鸡肉，紫菜，青葱，青菜同埋花生粒，而且分量充足。面线味道较为清淡，好似只有少许酱油加胡椒粉的味道，不过配合其他材料一齐食就啱啱好。唯一遗憾就係呢個面线有D干，如果多些少汁会更好，建议享用时加番几羹清湯就完美啦！
人人一碗興化面线！:D 好过瘾！
古晋的传统奶茶就如杯上的标志一样，掂啊！

在面线上加少许砂劳越胡椒粉会更好味咖！:)

興化炒手打面(RM6.00)- 手工面条形状如同乌冬面，质感软滑，而且容易咬断，唔会令人有难消化的感觉。材料类似興化面线，有鲜蝦，鸡蛋，紫菜，冬菇，鱼肉及蔬菜，而且分量大方，绝对物超所值。我個人相當喜爱佢嘅味道，清淡得嚟带點锅气，最重要就係佢一D都唔油腻，食完之后都冇半點内疚，哈哈！

興化面线特写，我再一次流口水 ~~~ XD 我誓要返嚟古晋多食多一次kolo面同興化面线！

我唔单止第一次食興化面线，興化手工面，亦係第一次食番茄河 (RM4.50)。=) 番茄河亦称为番茄粿条或Tomato Kuay Teow，煮法类似滑蛋河，主要特色當然係由番茄煮成的芡汁，再加上鱼饼，肉丸，鲜蝦及蔬菜等材料炮制而成。睇样好似令人难接受，可能颜色的关系，但原来非常美味咖！味道比羅宋湯稍微酸，感觉就好似饮冬蔭湯般醒胃，但又唔会好似冬蔭咁辣咁伤胃，而且营养价值高，所以相當适合健康饮食主义者。^^

邊食邊倾...呢次古晋之行不得不多谢Gary的贵宾式招待，全靠佢我地先可以食到咁多隐秘的道地美食。:D

MENG KUI CAFE 茗贵茶餐室

ADD: Abell Road, 93050 Kuching, Sarawak.

OPERATION HOURS: Mon-Sat 7am-2pm

OLD REX CUCUR UDANG CAFE 老麗士蝦饼 + 古晋式杂雪

“大热天时，最好就係食碗刨冰（杂雪）降温.... ” 宇宙好似收到我的讯息，所以派人将我带到嚟呢間茶室，享用美味又开胃的古晋刨冰, 啊～宇宙，你是多么的醒目！我爱你，我爱古晋！

一到步，公司的顾客Connie就话要带我哋去‘老麗士蝦饼’下午茶，我聴见即刻醒神返 :D，一路上不停幻想古晋版的蝦饼面貌及味道，其实好想开口問Connie到底係點嘅蝦饼，但係话晒都係第一次见面，所以我惟有静静地，偷偷地幻想我心目中以为的古晋蝦饼（希望唔好令我失望噜，我頭先已经係机上食咗個极差的炸鱼柳啦！）。 原来...这就是Connie所谓的蝦饼！我并冇失望ok :P，只係觉得“唔...同吉隆坡的lobak差唔多唶~” Connie帮大家點咗四種炸料包括招牌蝦饼，豆腐干，番薯及芋头。首先我梗係食呢度的招牌炸蝦饼啦，味道麻麻，可以话一啲香脆效果都冇，我还是比较喜欢吉隆坡的炸蝦饼，要落去时嗦嗦声，而且蝦味好重。接落嚟的豆腐，芋头及番薯都只属一般，冇乜特點可論，不过其实整体最令我满意就係佢嘅辣椒酱，辣中带甜，甜中带香，加咗花生碎果然唔同啲。:) 蝦饼未能令我兴奋，但呢個得！當地人都称佢为White lady（中文:白女士或白雪公主），好高雅的名堂。:P 卖相虽然同传统杂雪ABC差唔多，不过味道绝对令人出乎意料，酸甜之余仲有浓浓的奶香味，感觉好正！经过我一番深入“研究”之后先知道原来材料有龍眼，波羅，芒果汁及炼奶，难怪食落有種夏天的感觉啦！ XD 特别注明：这是古晋特色甜品之一，其他地方係食唔到咖，所以有机会嚟呢度就切勿错过啦！

捞匀之后的White lady变成淡黄色，好sweet啊～^^

古晋另一著名甜品-Metahon，聽當地的朋友话係取名于80年代的某香烟牌子，不过90年代就已经停产。至于點解咁叫我就唔知，我只係知道有几好味，嘻嘻!:P Metahon的味道同White Lady完全唔一样，少咗奶香味，但就多咗柠檬的酸味，非常醒胃。材料方面有龍眼及波羅之外，仲有凉粉及人造车哩，口感丰富。

OLD REX CUCUR UDANG CAFE 老麗士蝦饼

ADD: 437-438, Rubber Road, 93400 Kuching，Sarawak.（SCR鸡饭店后面）

TEL: 019.829.0029

OTAK-OTAK PLACE 邊食乌达邊懷旧

我并非第一次帮衬蒲種的OTAK-OTAK PLACE，而係第二次，但今次之后我好肯定唔会有第三次...

2010 年的某一日，我同家人係呢度食晏，食物水准唔错，餐館生意亦相當好，我话有机会一定会再返嚟; 2011年5月某一日，我旧地重游，除咗装修同摆设一样之外，一切已经改变，唔单止食物水准差 (我同妈咪邊食邊摇头），侍应生D服务态度亦非常怠慢，好似唔休做咁! :S 最值得人欣赏的莫过于餐館的懷旧摆设品，令人又一次回憶相當年。

热水壶，木马车仔，火水燈，三层铁饭盒...睇见呢D物品，心里面有好深的感触，希望自己唔好咁快长大，因为唔想父母变老。:'(

黑板上有“爸爸的獨传秘方”，好得意！

泰国入口的玻璃樽装豆奶 (RM4)，味道唔错。

热咖啡 (RM2.70)，附送一塊梳打饼。由于咖啡唔够热，所以妈咪饮咗两啖就唔想再饮。:(

由咖啡杯制成的吊燈，创意之余又符合餐館的概念。

传统蕉叶烤乌达枝-鱼肉 (RM5.50-5 枝）
肉质薄兼唔爽口，只食到甜味，一D香味都冇，非常失望！亏佢话自己係乌达专门店，我觉得夜市卖的乌达仲好味，而且只卖RM0.50一枝。XD

请认住佢！XD 呢個係我有生以来食过最难食的肠粉！唔係我想刻意中伤，但係呢碟肠粉我同妈咪只食咗两啖就即刻停口，因为肠粉好似啱啱由雪柜攞出嚟咁，又蒸唔够耐，所以又硬又冻，难食到爆燈！鱼饼勉强可以摆落口，不过D酱汁就太甜:S，同Nyonya Colors 的肠粉比较之下真係输九条街。**向马来侍应反应之后，佢就话呢碟肠粉唔计钱，但其实问题唔在于钱，而係點解佢地连一句简单的sorry都唔识讲！？你煮咗碟咁硬咁冻的肠粉俾客人食，你一D悔意都冇，只係随便了事，唉～

我的乌达椰浆饭 （RM7.90)，未食之前充满期待，感觉好似食住家饭般亲切。

點知.....ok,卖相的确几吸引， 不过椰浆饭底竟然係一层油！！！好恐怖！油捞饭定係椰浆捞饭？點解我的椰浆饭湿湿油油嘅？？**我又再一次同另一位马来侍应投诉，但呢次佢冇话“免收费”，而係俾咗我一個无辜的表情，再嘴带微笑咁讲咗一声对唔住（好细声），我表面上虽然接受呢個道歉，不过我对呢间餐館的印象分早已大打折扣，亦好肯定唔会再返嚟呢度。后会冇期，拜拜！

-

OTAK-OTAK PLACE

ADD: C-G-43A, IOI Boulevard, Jalan Kenari 5, Bandar Puchong Jaya, 47170 Puchong Jaya.

TEL: 03.8070.6627

KFC 葡挞，一咬就上瘾

KFC的炸鸡相信所有8至80岁的朋友都有食过，但係你又是否食过KFC的蛋挞？“乜KFC有蛋挞嘅咩？”呢個係好多朋友嘅第一個反应，同样都係我當初知道呢個消息时的反应。XD 其实KFC蛋挞係早几年前就已经出现在中国及泰国，而到旧年才登陆新加坡，然后几個月前先静悄悄嚟到大马！:) 对于喜欢蛋挞的我嚟讲真係一大喜讯，皆因KFC的蛋挞唔係一般的本地蛋挞，而係澳门葡挞！嘻嘻～可能你会话：“唓～京都面包屋（King's)都有卖葡挞啦！有乜咁特别噢？”有咖！！！如果你有食过正宗的澳门葡挞，咁你就会理解嗰種獨特的香味及口感係无挞能比，只有澳门才做得到。不过，如今想食葡挞就唔驶话坐飞机去澳门啦，因为KFC已经将香味四溢的澳门葡挞带入大马，我从此就唔驶再对葡挞心挂挂啦，要食，去KFC咪得囖! XD

一盒六粒葡挞卖 RM9.60 (加税后RM10.20)。包装简单俐落，只有葡挞图片同一個令人认同的口号"One bite, and you're hooked." (一咬，你上瘾）。
金黄色的酥皮葡挞，散发出诱人的香草味，就好似法国的creme brulee一样咁令人想靠近。酥皮里面填满滑而不腻的蛋黄忌廉馅料，再加上挞面上的焦糖，食落分外香口，难怪我一咬就上瘾。:D

我今日的下午茶：KFC葡挞+白咖啡

美味又经济 :) 食完之后，觉得口腔好似特别香，如果呢個时候.... (下文自猜 XD ）

-
KFC 肯德基家乡鸡快餐廳

ADD: Kuchai Lama

* 葡挞只限于特定的KFC，通常都係比较大型及24小时的分行。