IKKYU 低调日本料理馆 ♥ 把酒畅谈

我一向都锺情于小型日本餐馆，因为感觉比较亲切舒服，唔会好似一般旋转寿司或装修华丽的日本餐厅甘商业化及拘谨。举个例就好似TOSAYA 及TENKA DAIICHI RAMEN甘， 虽然地方细细地，但係食物有水准而且价钱合理。

话甘啱，最近朋友就介绍我嚟呢间位于TAMAN DESA 的 IKKYU 一休，对我嚟讲就如发觉新大陆甘，哈哈哈！佢係一间由日本厨师 YASUNORI MARUYAMA 开的日本餐馆，地方唔大但都几骨致，而且食物新鲜又正宗， 所以吸引咗唔少日本食客。虽然IKKYU隐藏係一棟旧办公楼FABER TOWER里面，但係生意唔错，晚上仲有好多日本佬係度饮SAKE睇漫画。

嚟到IKKYU就好似嚟到一间日本朋友的屋企甘舒服自在，饮番两杯烧酒当然係唔少得。我极力推荐〈男山生元〉 OTOKOYAMA KIMOTO，柔滑顺喉。一支 (1800ml) RM210，一小樽 (TOKKURI) RM19

（上）前菜一：酸腌青瓜萝卜大葱， 前菜二：炆腐竹干 (下）MIX RECKON CHIPS SALAD 炸莲藕片花生沙律配蟹柳，呢个配搭特别得嚟非常好味又有口感，对喜欢食沙律的朋友绝对係个惊喜！ 几乎去每一间日本餐厅我都会点呢道菜- 日式煎饺子，除非个馅係猪肉（因为我唔可以接受D猪味太重）。呢度的饺皮几香脆，鸡肉馅多汁又鲜甜，好适合大人及小朋友食。
单人寿司盘有五款寿司-玉子（蛋）、三文鱼、墨鱼、鲜虾以及吞拿鱼。用料丰富加上色泽光鲜，单靠卖相就已经挑起我的食欲。饭团唔大，岩岩可以成块摆落口，又唔会甘快饱肚。
亲切的日本师傅YASUNORI同一休和尚一样都係光头 :D
超正铁板烧海鲜！两只老虎虾、三文鱼、墨鱼及杂菜都係只需RM28，都算抵食。自制酱汁将海鲜的鲜味升华，特别係肉质鲜甜的老虎虾，令人食过回味无穷。 鱼香肠你食过未？RM16一条，日本嘢果然唔平~但係甘又点？日本嘢就係能够俾到人信心，食得安心，阿妈放心，贵少少都唔会激心。
饭后嚟个绿茶雪糕，将今日的晚餐画上美丽的句号。

一休日本餐馆位于一棟旧办公楼FABER TOWER入口, 亦都係唯一一间营业到晚上的餐馆。唔讲都真係唔知呢度有间甘唔错的日本餐馆。

-

IKKYU JAPANESE RESTAURANT 一休日本餐馆

ADD: G9, Ground Floor, Faber Towers, Jalan Desa Bahagia, Taman Desa, 58100 Kuala Lumpur

TEL: 03.7980.1706

CHICKEN RICE BALL 排长龙等食和记鸡粒饭

“未食过鸡粒饭，又点算有嚟过马六甲。”鸡饭四处都可以食到，但係鸡粒饭就真係马六甲先只有得食，所以嚟到呢个世界文化遗产地，就梗係要试一试鸡粒饭！JONKER STREET鸡场街大大话话都有六七间鸡粒饭餐馆，而当中比较出名係历史悠久旣中华、和记同古城。口味如何就见人见之，但係间间都人潮涌涌，尤其是周末， D人排队排到隔籬铺，好似马六甲冇其他嘢食甘，非常夸张。

位于鸡场街的和记，每逢周末都係排晒长龙,可见鸡粒饭的魅力係几甘大。

连阿婆都坐住等，誓必要食到和记鸡粒饭，劲！

係马六甲冇人唔识得和记呢个老字号，连阿贤都有係电视介绍过咖！ 四人分量- 十五粒饭团，白斩鸡，一碟炒包菜及一碟散饭，总值RM28。鸡粒饭好香又唔会太油，一粒粒兵乓SIZE旣饭团就好似圆形寿司甘得意。可惜个鸡就唔够滑，大部分都係D鸡胸肉，连皮都无。 就如挂係壁上的木雕牌甘，呢度真係日日高朋满座。除佐有好多本地人，亦都有唔少新加坡客慕名而来。-

HOE KEE CHICKEN RICE BALL 和记鸡粒饭

ADD: No.4-8, Jalan Hang Jebat, 75200 Melaka.

TEL: 06.2834751

MALACCA SATAY CELUP 马六甲独创小吃- 沙爹自律

SATAY CELUP（马来文）原创自马六甲，SATAY意思係沙爹，而CELUP係“浸”甘解。煮法非常简单，只要将D一串串既海鲜、肉圆、肉类、蔬菜等等浸係滚紧既沙爹酱里面，然后熟煮咗就可以食伽啦！

每晚，都有好多马六甲同外地人排晒长龙食SATAY CELUP，就算係到咗半夜一两点都依然甘热闹甘多人，好佩服大家的胃食精神，哈哈！其实要食到马六甲独有美食就预咗要排队，就好似鸡粒饭甘，所以真係少D耐性都唔得。

位于LORONG BUKIT CINA既佳必多CAPITOL SATAY CELUP係马六甲就好似鸡粒饭甘出名，而老板亦话佢地係SATAY CELUP既创办人，传承三代。第一代既祖先係推住三轮车仔四处叫卖，第二代係在戏院后巷摆档做生意，而第三代终于将SATAY CELUP呢门生意发扬光大到开铺头，真係一代胜一代。可以将生意做到甘好，当中最大关键莫过于沙爹酱可以令人食过返寻味，而老板当然唔会透露半点秘诀，免得行家偷巧。

依家系晚上11点，但係D人好似唔使訓甘，越嚟越多。

只止一家，别无分店，请别受误导。
海鲜、肉丸、香肠、腐竹、肉类等等摆係大型雪柜任人揀，每串八角。
仲有鲍鱼仔、鲍鱼片同大虾，但係呢三种係老板半卖半送伽，D伙计会另外係每座放几串（数量有限），都係计八角一串。
沙爹酱味道好浓，用咗至少二十种材料炮制而成，有花生、辣椒、江鱼仔、香茅、炸葱、蒜米等等。但係我个人就食唔多，因为唔係甘锺意味道重既食物。未食过既朋友可以嚟试下，因为呢个係马六甲独创小吃，唔係周围都有得食伽。

马、新、港、台艺人都嚟过，当中有TVB既姚乐怡同元绍祥。

伙计无戴手套就计数，搞到成手都係沙爹酱，然后又收钱找钱，张银纸仲有沙爹味，咿~

--

CAPITOL SATAY CELUP 佳必多沙爹自律

ADD: NO.41, Lorong Bukit Cina, 75100 Melaka

TEL:06.283.5508

Operation Hours: from 5pm till the last customer left!

AHAN THAI 泰好味炒饭

炒饭-睇落好似好容易煮甘，但係其实系相当考功夫伽！我觉得一碟好炒饭必须符合以下条件：
1.饭既味道粒粒均匀 2.饭一定要松，唔可以黐埋一弃 3.干但唔窿 4.有D湿但唔油 5.锅气要够
今晚我同KURT又嚟到蒲种揾食，最后揀佐位于BANDAR PUTERI PUCHONG 既AHAN THAI 泰国餐馆。由于两个人好难叫餸，所以我地就一人叫咗碟炒饭，简简单单解决今日的晚餐。

外面落紧雨，我唯有係车上影底间餐馆的外观。
呢度有六款唔同口味的炒饭。

HOUSE FRIED RICE 招牌炒饭- 伴荷包蛋，泰式炒鸡肉，薯片同腌青瓜粒。除咗有D油之外，几乎符合我以上讲的条件。RM7.90

TOM YUM FRIED RICE 东炎炒饭- 同招牌炒饭的问题一样，油！味道几好，带有D香茅味。虽然话系东炎，但係一D都唔辣伽！RM6.50

叫咗杯热中国茶嚟去油...

AHAN THAI RESTAURANT

ADD: NO.28, Jalan Puteri 1/4, Bandar Puteri Puchong.

TEL: 03.8068.3587

LEVAIN BOULANGERIE & PATISSERIE 麵包聖地

係吉隆坡要揾新鲜又好食既面包一D都唔难，而我个人就特别锺意SUN MOULIN，RT PASTRY 同LAVENDER D面包，但係大部分面包店都係剩卖面包，冇地方俾人坐住边食边叹茶，可谓美中不足。好彩，吉隆坡终于开咗间相当高水准既面包屋，仲係一间卖法国面包，精致蛋糕同美式早餐 AMERICAN BREAKFAST 既面包屋，可以俾人一边叹咖啡一边食新鲜出炉既面包，超正！

除此之外，所有面包都系由自家培植的天然酵母发酵，然后再用西班牙石砖大烤炉 (STONE OVEN) 烘培而成，所以未食就先闻到一种浓郁的麦香。

位于JALAN DELIMA 既 LEVAIN 就係FUKUYA 日本餐厅旁边
环境清静幽雅，无论係食早餐或下午茶都係甘适合。

MUSHROOM PIZZA 蘑菇比萨，STRAWBERRY DANISH 士多碑梨丹麦挞，CARAMEL LOD BREAD 焦糖圆木型面包, PEANUT FRENCH 法式花生包- 点解每款都甘好食？突然间好想学做面包~

BEEF BACON, SAUSAGE, EGG & TOAST 美式早餐- 分量唔大，但係对我嚟讲已经好足够，因为我要留番个胃食其它嘢！RM9.50 一份，平靓正！

KURT 正在享受紧佢个早餐...

好得意既玻璃罐装水果面包酱同蜜糖，送人唔错！

古董咖啡机

EARL GREY TEA 伯爵茶 & CAFE LATTE 咖啡拿铁

好有味道的装修，感觉好似法国叹紧茶~ Il est merveilleux！

LEVAIN 的面包全都系用天然酵母发酵而成，所以口感特别松软而且仲散发出阵阵小麦香味，闻到都陶醉～

味觉同视觉都一样甘享受。

睇到都流晒口水~甘多款，真系好难揀！

色香味俱全既“艺术品”，靓到有D唔舍得食。

哈哈哈！好得意！

第一次嚟就爱上咗呢个地方，je t'aime~

如果每个周末都可以甘就好啦！

-

LEVAIN BOULANGERIE & PATISSERIE

ADD: NO.7, Jalan Delima Off Jalan Imbi, 55100 Kuala Lumpur.

(next to FUKUYA Japanese Restaurant)

TEL: 03.2142.6611

WEBSITE: http://www.levain.com.my/

MAKKO麦哥- 源自于1960年代的正宗娘惹风味

峇峇娘惹（或稱土生華人/僑生）是係指十五世紀初期定居在馬六甲、印尼及新加坡一帶的中國明朝後裔。呢D唐宋明後裔的文化在一定程度上受到當地馬來人或其他非華人族群的影響。男性稱為峇峇，女性稱為娘惹。六十年代以前峇峇娘惹在馬來西亞係土著身份（Bumiputra)，但由於"某些"政黨政治因素而被馬來西亞政府歸類為華人（也就是馬來西亞華人），從此失去了土著身份。峇峇娘惹今日在馬來西亞憲法上的身份同十九世紀後期來的「新客」無分別。

今晚我地就嚟到最多娘惹馆厅云集的TAMAN MELAKA RAYA揾食，几乎每一间餐馆都满座，最后就揀咗外型五颜六色的MAKKO 麦哥娘惹餐馆，好彩只係等咗十分钟...

餐馆门口充满抢眼的娘惹色彩，有怀旧的感觉。
麦哥创办人係一名娘惹，佢将传统娘惹菜的秘诀一代传一代。

前菜：炸鸡肉五香 NGOH HIANG（RM11）- 皮薄馅多，沾上D甜辣椒酱的确好开胃！

透明橱窗摆住娘惹刺绣鞋，迷你你三轮车及木制三层食物收藏盒，为餐馆增添多一点感觉，多一份回忆。

娘惹菜其实同马来菜好接近，多数都係以辣为主，就如呢个亚三鱼 ASAM FISH (RM15)，就係一道非常著名的娘惹菜。厨师秘制酸辣酱除咗刺激味蕾，仲令人忍唔住食多碗饭!

我特别锺意娘惹椰浆杂菜 SAYUR LODEH，好有家乡味~因为婆婆以前都喜欢

煮呢道菜俾我地食...婆婆，我好挂住你~ 马六甲特产椰糖 (GULA MELAKA) 味道香郁闻名各地，所以嚟到马六甲就一要试佢地的椰糖沙谷冰 GULA MELAKA SAGO。麦哥超好味椰糖沙谷冰只卖RM3一碗。

饭前小食唔係花生，而係木薯片 :) 都几脆口咖！ 麦哥娘惹菜亦征服咗唔少新加坡食客的胃口。

RESTORAN NYONYA MAKKO 麦哥娘惹餐馆

ADD: 123, Taman Melaka Raya, Off Jalan Parameswara (Bandar Hilir), 75000 Melaka.

TEL: 06.2840737

OPERATION HOURS: 11.30am-2.45pm & 6pm-9.30pm, closed on Tuesdays